سيف٠انا هاجي اتقدملك النهارده
نور بفرحه٠بجد
سيف٠طبعا انا كلمت والدك و خدت منه معاد النهارده
نور٠بس غريبه بابا مقاليش حاجه
سيف٠امم انا قولتلو ي ستي مقولكيش علشان تيجي مني
نور بفرحه٠انا بحبك اوي يعني بابا موافق كدا
سيف٠ايوا ي حبيبي يلا اجهزي هاجي انا وماما وبابا بعد العشاء
نور ب ابتسامه هستناك
قفلت معاه وراحت تلبس وتجهز نفسها واخيرا حبيبها وحب عمرها جاي يطلبها من اهلها رسمي
استوب نتعرف ب ابطالنا❤
نور بنوته رقيقه بيضه عيونها زرقا بلون السما قصيره القامه محجبه سنها ٢٢ ف سنه رابعه كليه الطب
سيف طويل القامه عيونه خضرا شخصيته قويه شعره بني مخلص كليه تجاره سنه من نفس سن نور
نور وسيف جيران بيحبو بعض من ثانوي سيف خلص كليه و دور علي شغل واتعين في بنك وهيتقدم ل نور
نكمل
مني (ام نور)٠خلصتي ي بنتي ولا لسه
نور٠ايوا ي ماما خلصت
مني٠طب يلا ي حبيبتي الناس علي وصول
نور٠اي رايك ي ماما
مني٠ي حبيبتي ماشاء الله عليكي
شاكر(ابو نور)دخل اوضه نور٠اي القمر دا
نور٠ي قلبي مفيش قمر غيرك
شاكر حضنها ٠ي حبيبتي ربنا يباركلي فيكي
مني٠ هو الدلع ل نور بس ولا اي
شاكر حضنها٠دا انتي كل حاجه ي ام نور
الجرس رن
نور بخضه٠يلا ي بابا بسرعه جهم
مني٠ي اختي مستعجله علي اي
كلهم خرجو ورحبو ب الضيوف
سميه(ام سيف)اومال فين عروستنا
مني٠جايه حالا
خرجت نور كانت لابسه دريس جيبه سمر وهاي كول ابيض وجاكت جلد اسود وطرح بيضه
سيف بصلها بحب وابستامه نور سلمت علي كل اللي قاعدين وقعدت جمب شاكر اتكلمو وقراو الفتحه و اتفقو علي كل حاجه
كريم(اخو نور)مبروك ي نوري
نور٠حبيبي الله يبارك فيك عقبالك بقا
كريم بضحك٠لا لسه شويه
نور٠ليه ي بني م انت متخرج بقالك كتير
كريم٠اي يعني بس لسه مجهزتش نفسي
استوب
كريم اخو نور اكبر منها ب ٣ سنين مخلص كليه تربيه شغال مدرس انجليزي ف مدرسه وبيدي دروس سنه ٢٥ كريم طويل القامه بشرته خمريه وبدقن بسيطه شعره اسود وعيونه عسلي
نكمل
اليوم خلص والضيوف مشيو
مع شروق شمس يوم جديد نور صحيت بدري جهزت وقضت فرضها وقرات الورد بتاعها
نور٠صباح الخير
الكل٠صاح النور
شاكر٠حبيبي عنده كليه النهارده اكيد
نور٠اكيد ي بابا طالما صاحيه بدري
مني٠اه غير كدا بتصحالي الضهر و بالعافيه كمان
نور٠حوش مراتك عني ي شاكر
مني٠شوف البت انا مرات ابوكي ولا اي
شاكر بضحك٠خلاص بقا ي مني سيبي البنت تعرف تفطر
مني٠م دلعك فيها دا اللي مخليها كدا
كريم٠مين اللي مزعلك بس ب منمون
مني٠حبيبي انا ليا غيرك انا مخلفتش الا كريم
نور٠وانا لقيني علي باب جامع
كريم٠تقريبا
نور بتمثيل الزعل٠بقا كدا
كريم٠لا طبعا ااحنا لينا غيرك ي قمر انت يلا ي جماعه انا هنزل بقا علشان متاخرش
نور٠خدني معاك ي كيمو
كريم٠تعالي ي اختي
نزلو مع بعض و ف طريقهم قابلو فاتن صحبه نور من وهم لسه اطفال وكبروا مع بعض
كريم اول م شافها بصلها ب ابتسامه وهي اتوترت نور بصتلهم هم الاتنين وضحكت
نور٠ صاحبي اللي واحشني
فاتن٠ي شيخه كنت لسه معاكي امبارح
نور٠والله بتوحشني يجدع
فاتن٠انتي كمان ي قلبي
كريم٠احم ازيك ي فاتن
فاتن ب ابتسامه ٠ازيك ي كريم
كريم٠بخير
فاتن بصتله وابتسمت وفضلو باصين ل بعض
نور٠احم طب اي ي حضره مش هنمشي ولا اي كنت متاخر من شويه
فاتن اتوترت٠طب انا همشي بقا
نور٠ماشي ي حبيبي هبقا اجيلك
فاتن٠هستناكي
نور٠يلا ي كيمو نمشي
مشيو وكريم وصل نور ل الكليه واتفقو يعدي عليها ياخدها اخر اليوم
فاتن بنوته رقيقه صحبه رقيه من ايام الطفوله متربين مع بعض وجيران مكملتش كليه بسبب ظروف هنعرفها م الاحداث فاتن محجبه شعرها اصفر وبيضه عيوني سود اطول من رقيه شويه
ف احدي مناطق القاهره تحديدا ف كليه الطب
نور بتتكلم ف الفون مع صحبتها٠ي بنتي اتاخرتي ليه المحاضره هتبدا
رحمه٠انا خلاص اهو ف وشك شيفاكي علفكره
نور٠فين بقا مش شيفاكي خالص
رحمه٠انا هناك اهو بشاورلك
نور٠فين والمصحف م شايفه
رحمه٠يختااي
نور بضحك٠خلاص خلاص شوفتك
رحمه٠حبيبي اللي واحشني
نور حضنتها٠صاحبي الجامد
سلمو علي بعض ودخلو المحاضره
نور٠انا مبحبش الدكتور دا بحسه رخم كدا ودمه تقيل
رحمه٠جدا جدا
نور٠ايوا خليكي معايا ع الخط كدا
رحمه٠شور ي نونه
نور٠بت متقوليش الاسم دا تاني
رحمه بضحك٠م انا عارفه انه بيضايقك علشان كدا بقوله
نور٠ي حول الله يارب و ترجعو تقولو نور لسانها طويل
رحمه٠و اوقات ايديها
نور٠شكلك حافظ ي نصه
ضحكو وسكتو مجرد م الدكتور دخل الدكتور بدا شرح وعينه منزلتش من علي نور طول المحاضره
رحمه بنوته جميله شعرها طويل وبني هي طويله وبشرتها خمريه وعيونها خضرا صحبه نور من اولي كليه
خلص البارت الأول❤
