بالي ساري ولا بناسي نغم المزايين
البارت " 5 "
- لا أستبيح القراءه بدون لايك كومنت -
ركضو الكل لعندها وشافو جدها طايح على الارض و غيم عنده تبكي ، شالوه العيال و ودوه للمستشفى
-
المستشفى -
هزت رجلها بتوتر و نطق ابوها وهو يمسح على كتفها : مافيه شي ان شاء الله
طلع الدكتور ودخل يده بجيبه : عظم الله اجركم
جلست نغم بهدوء و بصدمه مسكوها اخوانها
نواف و نايف وغطو شعرها ، بكت بحضن نواف ونطقت : جدي مات نواف
راشد : ودو اختكم البيت
-
كانت المستشفى عباره احفاد الجد و عياله منهارين واصوات بكائهم بالمستشفى كلها
-
اول يوم عزاء -
مسكت جوالها برجفه وهي تتصل على ابوها : يبه
ليث بصوت مخنوق : هلا غيومتي ؟
غيم ب بُكاء : يبه نغم طاحت علي بالغرفه
ليث : جايينك العيال تغطي
ليث : يانواف
نواف : هلا ياعم ؟
ليث : اختك طاحت بغرفتها ، عندها غيم روح لها
فز نواف يروح لأخته ، دق الباب ودخل وشالها وهو يغطيها بالشماغ
-
المستشفى -
عطوها مغذي ونطق الدكتور : حالياً هي لازم تتكلم مع دكتور نفسي لانها فقدت شخص عزيز لها ، اتمنى الشفاء لها
نواف ناظر فيها وتنهد ، اخذ جواله ونطق : هلا
غياث : ابوك يسأل عن نغم كيفها ؟
نواف : بخير الحمدلله
غياث : سلام استأذنك
نواف : الحمدلله على السلامه
مد لها الاكل ونطق : اكلي لازم تاكلين
هزت راسها بـ لا : ابي غيم
نواف : وانا ماتبيني ؟
نغم : ابي غيم
نواف : خلاص اكلم غياث يجيبها
سكتت وطالعت بالجدار تنتظر غيم
-
بعد ساعه دخلت عليها غيم ومسحت على شعرها ، نواف : غيم اذا ماعليش امر حاولي فيها تاكل ماتبي تاكل معي تبيش انتِ ، انا انتظر برا
طلع برا ونطقت غيم : اكلي ولا زعلت منش
نغم : مابي ابي جدي
غيم : الله يرحمه بس لازم تاكلي
عطتها وخلتها تاكل غصبً عنها ، خلصت الاكل ودخلت الدكتوره النفسيه : تقدرين تخلينا وحدنا ؟
ابتسمت غيم : خذي راحتش
طلعت برا وقعدت تنتظر مع نواف ونطقت : ا
بنزل اجيب لي قهوه تبي معي ؟
نواف : لا شكرا
نزلت للكفتيريا و اخذت القهوه لها وله
-
مدتها له : انت مااكلت من اليوم عند نغم ، اخذ
اخذها منها وهو منتبه انه مايمسك يدها : شكرا ماتقصرين
