بالي ساري ولا بناسي نغم المزايين
البارت " 9 "
- لا أستبيح القراءه بدون لايك كومنت -
اخذتها معها و اخذت الدواء من الثلاجه وعطتها ، وطلعت فوق لغرفتها وجلست ونومتها وقعدت جنبها عشان لا تصحى مفجوعه ، بعد ساعتين صحت ونطقت : ماما
ابتسمت نغم : عيون ماما
شالتها ودخلت الحمام ' اكرم القارئ ' وغسلت وجهها ونطقت : ايش رايك ننزل نقعد مع بابتك ؟
ابتسمت : يلا
نزلو تحت ونطقت : جده روين صحت
ابتسم غياث : هلا هلا
مدتها له و اخذها : كيفها الحين ؟ عسى ماتعبتك ؟
ابتسمت : رويني مامنها تعب ! الحمدلله مو زي اول
ابتسم : شكراً
غيم : نغم انقزي شوفي وش باخذ فستان لزواج نايف
نغم : تصدقين اني ماستريت فيه كثير اشياء ابيهااا !
ضحكت : عادي ،
الـنـوّر : خلونا ننزل السوق !
نغم : مين يودينا ! نايف مشغول بأثاث بيته و نواف بس برا البيت و غيث تعبان بنتعبه بعدين و سلمان حيوان وكل ماقلتين شي يقول حطي لسانش بلهاتش و غياث عنده بنته تعبانه و سحاب داشر و طول وقته على ببجي وكل مامشى يتهاوش مع احد
ضحكت سُليمى : ماخليتي احد بحاله ها يبه ذي المسكينه التعبانه ؟
غزاي : نغم مسكينه وتعبانه
نغم ضحكت : صح عليك عمي
غيث : اوديكم بس متى تبون ؟
نغم : لا توك تعبان !
اكملت وهي تناظر ب غيم : كنت بقول توك تعبان ماكملت العده هههههههههههه
نواف ضحك و رمى عليها المنديل: الله يقطع ابليسش يا نغم
غيث : حمار تذب على خويك
نغم : اسفين ، المهم خلاص جد بتودينا ؟
غيث : ان شاء الله
نغم : تمام خلاص اليوم ودني انا وغيم البنات بيروحون مع خواتهم و اخواتي خلصو من اول
غيث : تمام اذا خلصتو كلموني
غيم : جاييين انتظرنا بالسياره
وقفت نغم وراحت تلبس عبايتها و جزمتها
' اكرم القارئ ' وخرجت ، مسكت يدها ونطقت : بروح معك
ابتسمت نغم : ماقدر اخذك معي ياقلبي
غياث : روين تعالي اوديك المازنيه ؟
رويت هزت راسها بـ لا : ابي نغم
نغم : روين حبيبي بروح واذا جيت اوديش !
خرجت تاركتها مستعجله وركبت السايره واخذت نفس ونطقت غيم : شفيش ؟
نغم : روين تبيني اخذها معي
غيم : وجايا كذا تجرين ، لو جرحش انفك ؟
غيث : ليه جرحها ماتقفل ؟
غيم : ايه ! وانت بعد زيها
غيث : شفيش قلبتين علي
نغم : ماعليك اختك نفسيه
غيم : اقولش تعرفين الشايب الي قابلناه ؟
نغم : ايه
غيم : بنته ضايفتني وهم بالسوق الي حنا بنروحه
نغم : لا ياربي
غيث : وش ترطمون انتو ؟ المهم انزلو
نغم : انزلل معنا
نزل معهم و شبكت غيم يدها بيده و مشو ونطقت نغم : انا بدخل ذا
غيم : بكيفك
