احبَبتُك بِعَقلٍ لا يُؤمِن بِالنهَايات.

بارت 5

وصلت لندن مباشراً ف المطار تميت قاعده و اشرب كوفي والريال ياني عسبت ادفع له..

الريال - give me the money quickly ( عطيني الفلوس بسرعه )

أنا - You can talk to me better than that ( تقدر تكلمني بطريقة افضل من ذلك )

الريال - Please give me money, don't talk too much ( لو سمحتي عطيني البيزات لا تتكلمين وايد )

أنا - صج ماكوووو حيااااا.... طلعت البيزات وعطيته وروح

البنت - سلام عليكم

أنا - وعليكم السلام

البنت - إماراتيه؟

أنا - هيه

البنت - ماشاءالله م يبين عليج.. جنج اجنبيه

أنا - مشكوره..

البنت - رايحه الإمارات ولا ؟

أنا - لا قبل شوي وصلت هنا

البنت - هييه.. وانا بعد شفتج ف الطياره

أنا - السموحه م لاحظت عليج

البنت - مسموحه .. شسمج؟

أنا - عايشه وانتي؟

الحرمه - ندى ...

أنا - عاشت الاسامي

ندى - يايه مع ريلج.. ولا اهلج؟

أنا - لا مو متزوجه

ندى - عيل اكيد يايه مع اهلج

أنا - ماعندي اهل...

ندى - تقولين جذا اكيد زعلانه منهم

حسيت بصيح خلاص ..

انا - اهلي ماتو قبل اسبوع...

ندى - ها! ... الله يرحمهم يارب والله اسمحيلي حبيبتي م اقصدد

أنا - لا عادي ..

ندى - عندج مكان تتمي فيه؟

أنا - بحجز لي فندق

ندى - لا تحجزين ولا شي تعالي معايه

أنا - لا والله مشكوره.. مابغي اتعبج

ندى - اي تعب حبيبتي .. وبعدين بتمين روحج بتملين. تعالي عندي مافي حد عندي بس أنا وبنتي

أنا - ماشاءالله متزوجه

ندى - هيه .. هاذي بنتي شهد

أنا - ياقلبيييي اسم الله عليها ... كم عمرها

ندى - سنتين جذا..

أنا - العمر كله يارب ..

ندى - يالله تعالي معايه

أنا - اخاف أزعجكم . وبو شهد  بيكون موجود مابغي والله

ندى - يابنتي ولا يهمج وبعدين هو كله يطلع و اتم روحي ف البيت

أنا - مابغي اتعبج والله

ندى - اعتبريني اختج .. يالله عاد

أنا - زين