الخلاطة "بالهجة الجزائرية " 🇩🇿

04

غير وصلت رحت للمحامية وريتلها دوسي بدات في إجرات الطلاق و هو كل يوم يعيطلي يقولي نجي نديك نقولو مزال مزال حتى لحقاتو ورقة الطلاق تصدم عيطلي يسب فيا قالي نقتلك و انا علبالي مهبول و يدير كلش مرت بابا هربتني عند اختها تسكن في ولاية بعيدة قعدت عندها و طلقوني بلا ما نحضر فالجلسات بسك عندي لمعريفة و دوسي تاعي و العنف تاعو يكفي باه نطلق و مرتو كل يوم تعيطلي تحلل فيا باه نولي و هي كان عاجبها الحال مهنية ما هبالو يفورني غير عليها حتي يماه كانت تعيطلي بصح انا

رفضت و طلقت الحمد الله . قعدت عند اخت مرت بابا اسمها زهرة و هي ثاني حنينة بزاااف عندها بنتها قدي كنت متفاهمة معها ووليدها الكبير اسمو رمزي كبير عليا مكنتش نشوف بزاف بسك يخدم بعيد...