الخلاطة "بالهجة الجزائرية " 🇩🇿

06

كانت وحدة كل يوم تجي لعندي علبالي حابة تتعرف بيا و هي كانت تجي علجالو حتى مرة قاتلي نتي خطافة رجال ديتهولي و هو حبيبي وكنا مدسيدين نتزوجو انا مهدرت والو قعدت نشوف فيها مصدومة حتى دخل هي حشمت و خرجت انا ديراكت قتلو طلقني و تزوج بيها قالي مزال حتى يجوزو 6 اشهر قالي هكا تفاهمنا انا قتلو وقتاش تفاهمنا قالي كي كنا في داركم وخطبتك من خالتي انا نسيت كامل واش تفاهمنا و شروط كنت في عالم اخر ..... دين جازو 6 اشهر و انا نحسبلهم بنهار و نستنا فنهار لي نطلق فيه للمرة 3 و خايفة من بزاف أمور و هو كنت عايشة معه روتين برك منتلاقاش بيه بزاااف...... كي جازو 6 شهر شفتو متحروش وليت ماشي حابة نهدر واحد النهار جا ليا انا فلول خفت منبعد قالي كاين عرس صاحبي و عرصنا و جدي روحك على سمانة قتلو ايه.

فرحت كي كاين حاجة جديدة و كاين عرس توحشت لمات

و العراس في هذيك سمانة درت حلوة و فرحانة لحق قبل

العرس قالي نروحو للحنة لبست و ماکییت و رحت معه و دخلت لمالين لعرس فرحانة بصح كانو يشوفو فيا شوفة

غريبة وغير يهدرو عليا مفهمتش علاه ...؟ حسيت روحي ثقيلة ووحدانية و كل دقيقة نشوفهم يهدرو

عليا تقلقت رحت لدوش حتي نسمع زوج بنات يهدرو عليا

قالو خطافة رجال هجالة وفرحانة بروحها نحاتو للمرة و داتو ذراع تصدمت هذي انا يهدرو عليا ولا شكون......