العراق، أحدى محافظات الشمال، في السنوات القليلة الماضية، شهر الـ 3، يوم 3/3.
ملاذ؛ طلعت من الكلية جازعة روحي شفت السيارة من بعيد اتجهت ألها دخلت واردفت: -سلام عليكم -عليكم السلام -حرك السيارة خليت راسي ؏ الجامة تعبانة كلش ومالي خلگ ضليت أباوع للشارع لحد ماوصلنة للبيت وانه العركة ونضرات ذاك الچلب تزن براسي اتجهت گبل لغرفة أبوي دخلت واردفت متناسية التعب والتفكير: -سلام عليكُم، كيفك يا أبتاه العزيز -وعليكم السلام، هلا بوية شلونچ؟ -تقربت وبست راسة، بخير مادام انتَ بخير يابة -عساچ دوم بخير، شلونچ وي الكلية خومامتعاركة مامسويتلچ مصيبة منا منا -هو بابة انه حبابة تدري بية -أي -بس هو شنو الهناك اكو غثة ومتحرشين عبالك جايين بس يحبون اولاد القنادر فَ اليوم تحارشوا بـ ميلان وانتَ تقبلها انه اسكت طبعاً لا بس رزلتة وحچيت عليه وهاهية -عفية بابة ولو مايصير تحچين ويا بس يلا من يجي اخوچ من السفر گليلة عليه خلي يأدبة -ان شاء الله، محتاج شي؟ -لا بوية سلامتچ -چا راح اروح ابدل -روحي -طلعت وسديت الباب، مشيت متجهه لغرفتي بالـ طابق الثاني فتحت الباب بدلت وذبيت نفسي ؏ الچرباية نمت گعدت ؏ صوت أذان المغرب الله شگد صوت الأذان حلو گمت غسلت وجهي وتوضيت فرشت سجادتي كبرت تكبيرة الأحرام وبدأت الصلاة كملت صلاتي قريت صفحتين من القرأن سديت وبستة لميت السجادة ورجعتها لمكانها سمعت مناداة أمي للعشاء نزلت لجوة حضرت السفرة مع أمي اجة أبوي وأخوي جساس گعدنة ؏ السفرة ناكل -كيفكم اعزائي -بخير السَـيد؛ جساس شلونك بالمستشفى وي المرضة عملياتك هم أكو تفشل بيهن لولا؟ جساس؛ الحمدلله يابة لا بعون الله كلهن نسبة النجاح عالية وأكيد ماكو خطر ؏ حياة المرضة السَيـد؛ عفية بأبني ملاذ؛ يابة حبيبي السَيـد؛ ها؟ ملاذ؛ ههه تذكر من جساس چان كسولي ومايقرة وچنت ادگة بالنعال يلة يلزم الكتاب بلگوة هههههه جساس؛ انچبي اصلاً چنت شاطر ملاذ؛ عمت عين الشطارة بس اريد أعرف هالمعدل منين جبتة وشلون جبتة وانتَ چنت الرحلة اشطر منك صفا (أمي)؛ ليش مو بالسادس ساد الغرفة عليه وليل مع النهار يقرة أبنيي ملاذ؛ أي ابنيچ مدري منين اجتة هلجرعة طاقة لامتوقعة السَيـد؛ هسة أهم شيء عدة هاي المرحلة وصار دكتور ينضرب بي المثل صفا؛ الحمد لله ملاذ؛ شبعت الحمدُللة والشكر شلت المواعين وغسلتهن هدرت الچاي وصبيتلهم قدمتة وصعدت لفوگ كمشت الجهاز وراسلت البنات ملاذ؛ هاي شبابز' ملاك؛ هلا يروحي ميلاد؛ هلا عيناي ميلان +ميثاء؛ هلا دجلة؛ أهلين ملاذ؛ شلونكم شخباركم -الحمدلله ميلاد؛ بناتات خلنجتمع؟ -أيييي -وين نجتمع؟ ملاك؛ تجن لبيتي؟ -تمام ميلان؛ يمتة؟ ملاذ؛ هسة! -تمام يلا ولن هنبدل، ميلو أمر عليچ؟ ميلاد؛ أي لأن قطب بالشركة وميجي ملاذ؛ تمام تحضري، بباي -گمت طلعت لبسة ؏ السريع كملت ولبست فوگا صاية شلت التليفون حطيتة بجيب البنطرون طلعت متجهة لغرفة جساس: ملاذ: جسوسة توصلنة انه وشموسة (ميلاد) لبيت خالة ام علي؟ جساس؛ شعدچن؟ ملاذ؛ هاي شبيك خالي غير لبيت خطيبتك مع أبتسامة جساس؛ ياخطيبتي؟ ملاذ؛ ملاك غير جساس؛ دنچبي وولي طلعي هسة أجي ملاذ؛ هسة انتَ شايفها وماراضي عيني جساس؛ ولاريد اشوفها اضل رچل أعزب ويلا ولييي ملاذ؛ وليت وليت ***** جساس؛ يلا ملاذ؛ لحضه خلي اكول لبابة -يابة راح اروح لبيت خالة ام علي انه والبنات -منو يوصلچن؟ -جساس راح يوصلني انه وشموسة (ميلاد) -هاهية روحي بوية -مع السلامه -الله وياچ ملاذ؛ طلعت متوجهة لسيارة صعدت وانطلقنة لبيت ميلاد دقايق ووصلنة موكلش بعيد دگينة هورن طلعت ميلادو: ميلاد؛ سلام عليكُم ملاذ؛ وعليكُم السلام جساس؛ هلا ميلاد؛ كيفك يا أخي في التربية جساس؛ الحمدلله خيتي قطب وين؟ ميلاد؛ خوية بالشركة ماشفتة من أمس جساس؛ ليش؟ شعندة؟ ميلاد؛ مادري بس صارلة أخر سنة مينام بالبيت هواي وكل ميسئلة ابوي يگول عندي هواي شغل وأضل اسهر وأنام بالشركة جساس؛ تمام انه اشوفة شبي ميلاد؛ تُمام ملاذ؛ وصلنة لبيت ملاك لگينة دجلة وميلان وميثاء ستوهن واصلات نزلنة انه وميلاد: جساس؛ ترة مارجعچن ملاذ؛ اوقِ ماتنزل تشوف ههه خطيبتك جساس؛ اذا بعد عدتي هلحچي اطيح حضچ يلا ولي ملاذ؛ بباي -سلام شبابز دجلة؛ أهلو ميلان؛ هلا ميثاء؛ أهلاً ميلاد؛ يلة طبن تضلن واگفات هنا -يلا ملاذ؛ دگينة الباب شوي وفتحتلنة ام علي مرة چبيرة حبابة فقيرة من أهل الله ام علي؛ هلا يمة هلا تفضلن ليش واگفات ميثاء؛ شلونچ خالة ام علي؛ من شفتچن صرت زينة - سلمنة وگعدنة جابت ام علي ماي ورجعت للمطبخ ميلاد؛ گعدي خالة كلشي منريد أستونة تعشينة وأجينة دجلة؛ بهمس منو گال -ندستهة ميلان ميلان؛ انچبي عيبب موستوچ اكلتي ماعونين تمن وفاصوليا -ههههه ام علي؛ وهاي أحلا چاي وكليجة لأحلى بنوتات ملاذ؛ ليش زحمتي نفسچ ياخالة ام علي؛ رحمة يمة رحمة ميلاد؛ عمت عينچ اي والله ليش زحمتي نفسچ خالة ولا عبالك انتِ تموتين ؏ كليجتها انچبي وزقنبي ملاذ؛ هيوو اشش فضحتيني الله يفضحچ ميثاء؛ لعد خالة ملاك وين؟ ام علي؛ هسة تجي يمة، يلة مدن اديچن ليش ماتاكلن أكلن لاتستحن يمةة ملاكك تعاي اجنچ البنات ملاك؛ اجيت اجيتت -هلو بنات -هلا ملاذ؛ شلونچ عيني آنسة ملاك ماتنشافين هلـ أيام. ملاك؛ والله تدرين بعد طب أدرس وماملحگة ميلان؛ الله يساعدچ ملاذ؛ ضلينة نسولف ونضحك كل ثنين سوة لوكلنة نحچي سوة وميلان وميثاء يحچن وي ام علي سوالف تجر سوالف الى أن: ام علي؛ حبيبات من رخصتچن ضهري گام يوجعني اروح ارتاح وانتن اخذن راحتچن البيت بيتچن -مرخوصة خالة ميلاد؛ ولچن اليوم صارت عركة تفوتچن ملاك؛ شكو؟ ميثاء؛ شصار؟ دجلة؛ عركة بدوني ياحقيرات ملاذ؛ دنچبي ياريت لو عركة بيها حض شمس (ميلاد)؛ أحم احنة موضربنة محاضراتنة انه وميلان وملاذ؟ -أييي ميلاد؛ اي فَ أكو واحد ادبسز ومتحرش دجلة؛ بس لاتحرش بيچ ميلاد؛ لا ياريت ميثاء؛ ياا ههه ميلاد؛ خلكمل اي فَ انتن تدرن احنة بنات حلوات كاعدات بامان الله اجة هو گال' اخخ يلعيون العسلية دولبتني عمي لو هيچ البنات لو مينرادون' يعني تحرش بـ ميلان وشتغلت الغيرة العراقية عند ملاذ گامت رزلتة گلتلة انتَ متستحي مدري شنو گالها 'شبيها ام عيون الزرگ تغار عادي عيني هم نتغزل بيچ يرخص الغزل كلة لهاي العيون الحلوة' هنا الأخت نفجرت ضلت تحچي الة شوية رادت تضربة راجدي ملاذ؛ لوماحرام وعلي چان ضربتة ونعلت سلفة سلفاة ابن القندرة يتحرش لو خواتة يقبل الولد يتحرشون بيهن ولو شترجة من واحد طايحضة دجلة؛ هلو هلو ميثاء؛ يمة ملاك؛ أييي كملي ميلاد؛ ولچ ضلت تحچي عليه بالكوة شلعناها منة والمشكلة ضل يتغزل ابن المطي ولا عبالك تحچي ويا فَ حچاية تجر منا وتجر منا اجو اصدقائة سحبو وولة وهاهية بس بعلي متت من الضحك لا اني الساحبتهة وموخرتهة عن هذا الچلب ولا اني الضالة اضحك دجلة؛ بلة ميلان شسوت؟ ملاذ؛ شسوت يعني اخذتلها صفنة وضلت ساكتة ميلان؛ يعني شسوي اني مثلچ أروح اتعاركك ويا ملاذ؛ امم ملاك؛ حرامات لو ضاربة المحاضرة يبو ؏ الطب ملاذ؛ خية تارمين عليچ انتِ الردتي شو هاي انه ادلة چنائية وميلاد ودجلة صيدلة ميلان ادارة أعمال وميثاء تهدير(تخدير) بس انتِ ردتي طگيتي رجلچ بالكاع ألة طب عام موگلنالچ صعب أكليها وسكتي ولاحچاية ملاك؛ يبوو چا غير حلمي ملاذ؛ يلة من تلبسين قُبعة التخرج تنسين التعب كلة ملاك؛ ان شاءلله ملاذ؛ انة وميثاء وميلان راح نلبسهة بس هل جم شهر وسنة وانتن ضلن هههه ملاك؛ عاتيييي ملاذ؛ ههه بس لاتعصبين ملاك؛ مامعصبة ولچ ذني شيتهامسن ملاذ؛ مدري، هيو شباب شكو دجلة؛ شُعليچن عيني ملاذ؛ ها شُعلينة، بسيطة ميثاء؛ جاي يخططن لعرسچن ملاذ؛ شنو شنو؟ ميلاد؛ شبيچ جاي نتخيل اذا تزوجتن شنلبس بعرسچن ملاك؛ وانتن من هسة تخططن يمعودات الله كريم منا لذاك الوكت عود من تصير خططن ملاذ؛ صفنت، الله أشتهيت مصاص ميلاد؛ مو أربعة وعشرين ساعة تاكلين ماشبعتي ملاذ؛ چؤ چؤ ملاك؛ برة ملاذ شلون تاكلي حشة نعمة الله ملاذ؛ خية والله طيب انتن مدري شبيچن ميثاء؛ مدمنة مصاص دجلة؛ هسة شتردن منها عادي ميلاد؛ ولچن ههه اذكرت شي -شنو؟ ميلاد؛ من چنة صغار چان من اكل مصاص تجي تكلي ولج لا تاكلييي ابوي گلي يكسر لسنون يخليها توگع وحدها وتضلين بدون سنون هههه وهسة هية تاكل مصاص اربعة وعشرين ساعة بس بالختلة هههههه ملاذ؛ هههه ذكريات الطفولة لاتنسى دجلة؛ بلة شلون تاكلي بدون ليشوفچ ابوچ شلون أطببي للبيت اصلاً ميلان؛ ولچ هية غير جايبتلها علبة مصاص ضامتها بالكنتور ورة الملابس خاف واحد يشوفها ويگول لابوها هههه ميثاء؛ گولي والله ميلاد؛ والحسينن هههه ملاذ؛ وجع وجع ترة عاتي ملاك؛ مخبلة وعلي ملاذ؛ هو اليگابل أمير وجساس مايتخبل؟ بس الحمدلله أمير اليوم ببيت صديقة وجساس هادء شعجب مادري اليوم گتلة تعال شوف خطيبتك رزلني ونزلت هههه ملاك؛ ولچ يا فشلةةة ملاذذ هسة يگول هاي تحبني وتريدني اخطبها ملاذ؛ لا يابة شدعوة ماعدنة هاي السوالف بس والله لو صارت قسمتچ لأخوي لأسوي نذر محد مسوي بالشمال كُلة -ان شاءلله ****** -سولفنة وسالفة تجر سالفة ميثاء؛ بنات الساعة بـ 11 دجلة؛ يبووو يلة يلة ميلون راح نترزل ميلان؛ يلا ملاذ؛ واحنة هم نروح يلة خالي گومن ميلاد؛ يلا -سلمنة ؏ ملاك واردفت: ملاك؛ عيدنها رويحاتي -ان شاء الله ميثاء؛ سلمينة ؏ خالة ام علي ملاك؛ يوصل -طلعنة متوجهين ؏ بيت ميثاء لأن اقرب شي سولفنة شوي وصلنة لبيت ميثاء ودعناها وتوجهنة الى بيت خوال ميلان (بيت دجلة) لأن دجلة وميلان عايشات مع بعض "تعرفون ليش ساكنات سوية في البارتات القادمة" ضلينة نسولف لأن اذا نجتمع حتلو مو الكُل مانسكت نضل نلغي وماتضل سالفة تعتب علينة جاي نمشي والشارع شبه فارغ صارت گدامنة سيارة لونها أحمر غريب منو يركب سيارة لونها أحمر ولو الناس عادي عندها دجلة؛ ولچن شوفن هاي سيارة لونها أحمر هههههه ميلاد؛ شفتها شفتها شهل ثقة الي عدهم يركبون سيارة لونها أحمرررر ميلان؛ الثقة يربي ملاذ؛ كافي گصرن حسچن -تمام ملاذ؛ هي السيارة تمشي ؏ كيف نغزني گلبي منها فلا أرتاحيت، السيارة صارت تبعد عنه چم كيلو نغزني گلبي بقوة دجلة؛ بنات مامرتاحة لهاي السيارة ملاذ؛ ولا انة دورن هنرجع -تمام ملاذ؛ رجعنة ومشينة شوي سريع بس ماركضنة ملاذ؛ درت وجهي عود أسوي بحجابي شفت السيارة قريبة كُلش ملاذ؛ ركضنننن ركضنة كُلنة والسيارة وگفت طلعو منها ثلاث زلم ملثمين شبه ضخام بس موكلش زدنة السرعة وگمنة نركض بأقصة سرعة ممكنة كمشو ميلان اول شي وانه ماگدر اعوفها رجعتلها وكمشني واحد منهم وواحد كمش دجلة بس ميلاد شردت وماحاولو يرحون وراها ضليت اصرخ: ملاذ؛ اولاد القنادر عوفوهنننن يرحنن عوفوهن ولكم نثايةة تستقون ؏ بنات عوفوهن لوبيكم حض بعدني ماكملت.... حطو كلنس ؏ وجوهن وبحركة سريعة حطو ؏ وجهي حاولت بأقصى قوة عندي بس مكدرت وبعد محسيت بشي ****** گعدت شفت نفسي بغرفة مضلمة دورت بعيوني ؏ البنات لگيتهن گدامي دجلة نايمة بس ميلان تبچي بهدوء گمتلها وراسي يوجعني حيلللللل ملاذ؛ ميلان لاتبچين ليش تبچين؟ ميلان؛ خايفةةة ملاذ؛ احنه وياچ لاتخافين راح نطلع من هنا وميصيرلنة شي ميلان؛ شيردومن من عدنة ملاذ؛ مايردون من عدچن يردوني انه اسفة ميلان اسفة جابوچن لهنا بسببي ميلان؛ لتگولين هيچ يجوز حته احنة يردونة ماشوفين عافو ميلاد وركزو علينة!! ملاذ؛ الله كريم كافي بچي، حضنتها لصدري يلا كافي نامي ولاتهتمين مراح نضل هنا اكيد ميلاد گالت لأهالينا جاي يدورون گومي خلي نكعد يم دجلة گومي گعدت يم دجلة وميلان بصفي صرت أردد أيات قرأنية وبين كل أية واية أكول ياعلي يابو حسين دخيلك دخل نفس الشخص ألي خدر مدري نوم ميلان. ملاذ؛ ليش جبتونة لهنا وشتردون من عدنة؟ الملثم؛ جبناچن نستمتع بيچن عجبتنة ملاذ؛ أكل نعل انتُ من جماعة فيصل مو؟ الملثم؛ احترمي يحلوة ولاتغلطين لا أسوي شي مايعجبچ وترة اكدر اسوي ألي اريدة شوكت ميعجبني ملاذ؛ تاكل الف نعل محروگ يسوي اليعجبة ابو خشم المفلطح خشمك مبعد اللثام مترين عن وجهك من گد ما طويل دخيل الحمزة+ تدري بية ماخاف لامنك ولامن فصولي وحسب حچيك تسوي اليعجبك حته يسووك وصلتين. الملثم؛ نچرة ملاذ؛ وقوية غصباً ؏ راسك وراس فصولي الملثم؛ وهاي الحلوة ليش ساكتة وتبچي ملاذ؛ شعليك يُمة ابوها، امها؟ الملثم؛ كافي لاتلغين زايد ضوجتيني ملاذ؛ ابن القندرة يمتة تطلعونه منا -چان بيدة سچينة حادة گلبها ؏ طرف وضرب بيها راسي بكل قوتة تلمست راسي من فوگ الحجاب باوعت لأصابعي بيها دم وبعد ماحسيت بشي
******* صحيت باوعت لنفسي بحضن دجلة وثنينهن يبچن
گعدت وراسي ينزف ماگدر اتوازن شلون بينة يربي ذولة حقراء ميطلعونة عطت بأعلى صوتي: 'ياكلاااب طلعونة منااا لا ألعن والد والديكمم نثايةةة ماتستخون اخخخ طب واحد ملثم نفس الي اجة قبل شوي اجة بأتجاهي واردف: -هايحلوة تفضلي شرايدة؟ تقرفت منة وابتعدت واردفت: -منو وداكك وليش خطفتونااا؟ ماتستحون لوبيكم حض روحوو واجهوو الزلم موتخطفون بنسوانهممم -شوفي يحلوة شكلچ ماكفاچ ذاك الجرح تردين بعد واحد او أثنين واذا تردين نسوي الأحلى منهن وألي يرتاحلها گلبي وغمز' فتحت عيوني ؏ وسعها بغضب واردفت: -وحق من أنزل الحق اسويكم لحم وتدرون كلش زينن موخايفة من امثالكُم وتدرون شيصير بيكم لوسويتو شي شايف هاذ الجرح البسيط راح تدفعون الثمن غالي اوعدكم. -عود خوش، وطلع ميلان؛ ملاذ سكتي عليچ الله ليأذوچ -لتخافين ميأذوني وماكو شي وقريبااً راح نطلع من هل مكان القذر شگد صارلنة هنا؟ -10 ساعات -ولحد... بعدني ممكملة كلامي سمعت صوت طلقة شوي وأندفر الباب بقوة حتة حسبالي تكسر حولت انظاري من دجلة وميلان الى الباب شفت ......
يـتـبـع.....
......................
(فَاذْكُرُونِي أَذْكُرْكُمْ)
_ اللهم صل على محمد وآل محمد وعجل فرجهم - سُبحان الله - الحمدُلله - لا إله إلا الله - الله أكبر - لاحول ولاقوّة إلا بالله العلي العظيم - أستغفر الله وأتوب إليه - لا إله إلا أنت سُبحانك إني كُنت من الظالمين . ...................... أسند روحَك بروحَك محَد توجعه جروحَك الوجَع بس أنتَ الـ يأذِيك كلهُم يواسونَك محَد يدرِي شنهوُ الـ بيَك محَد منتبِه مَكسور أتفَه سالفة تبَچيك . ......................
حِـساب الانسـتا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
