الأصمعي يقول: كان يمشي في يوم من الايام في البادية فرأى قصيدة مكتوبة على حجر مكتوب فيها؟
أَيا معشر العشاق بالله خبروا اذا حل عشق بالفتى كيف يصنعُ؟
الاصمعي كتب له:
يداري هواه ويكتم حبهُ!؟ ويزداد في كل الأمور ويخشعُ.
رد عليه:
كيف يداري والهوى قاتل الفتى؟! وفي كل يوم قلبهُ يتقطعُ.
قال الاصمعي:
فأَن لم يجد حلً لكتمان سرهِ!! فليسى لهُ شيء سوى الموت انفعُ.
رجع في اليوم الاخر رأى جثه موجودة وبجانبها على الحجر بيت شعر يقول:
سمعنا اطعناا ثم متناا فبلغوا سلامي الى من كان بالود يمنعُ هنيئاً لأرباب النَعيم نعيمهم وللعاشق المسكين مايتجرعُ. وقتل نفسه!
..................................
تصويت وتعليق بين الفقرات لطفاً ♡.
..................................
مشاهدة مُمتعة ✿.
ــــــــــــــــــــــــــــــــــــــــــــــــــــــــــــــــــــــــــــــــــ يُريد التقرب من نُقطة ضَعفي لأسامحهُ ولا يدري أَن نِقاط ضَعفي استغِلها لتُصبح نِقاط قوتي.
ملاذ * -هو شيء صار مِن سنوات ومضى واصلاً حرگت ورقتة بگلبي لأن هو سوة شيء مايتسامح عليه ابداً وانه مامستعدة اسامحة بأذن الله من أگدر اتخطى ويصير الموضوع عادي عندي احچيلچنياا بكُل تفاصيلة وبس ميلان وميلاد يعرفن بي لان چانن من أقرب الناس لقلبي ♡. ملاك: ماشي يروحي بس لاضوجين ميهم و بأذن الله راح تتخططين ملاذ: ان شاء الله دجلة: مادام بعدين نُعرف بي عادي انتظر ههه -ضلينة نسولف وماخذتنة السوالف شوي وگمنة لمحاضراتنة ********* انتهى الدوام ومتوجها لبرة شفت السيارة من بعيد ابتسمت لمن شفتة تقدمت عليه وأردفت: -تدري وعلي اشتاقيتلك من تجي توصلني للبيت :-ولو هو مَحد يلحگني بس علي بشنو مقصر؟ -منو گال مقصر؟ بس ياخي هو جاف لا يشاقة ولاشيء ؏ گد السلام :-هم عوزچ تشاقين ويا؟ -لا يولي وين اشاقة لاا ابداً -باوعلي وضيگ عيونة وأردف: :-شمسوية للولد؟ -مامسوية -شمسوية؟ -يااا قابلل شسويلة :-ملاذذذ شمسوية للولد أخر مرة أعيدد؟؟ -هااااي شبيكك متفوتك فايتة :-احچييي -هو شووف :-ششوف؟ احچي شمسوية للولد؟؟ -ذاك اليوم چنت معصبة :-أي :-وانتَ تدري اذا عصبت عصبيتي مُفرطة طالعة عليكم طبعاً :-راح اطيح حضچ -دسمعنييي فَ طلعت فد ضايجةةة ومعصبةةة وروحي بگصتي طلعت مِن الجامِعة سلم وحچة وياي :-شحچة بلة -هو ينرفز وحچاهة وطگيتها بوجها :-كملي -قبل لا أوصل للسيارة گالي اجوو بيت عمچ شاكر گالي جساس اگلچ هو گالي هيچ چان اكو ملازم ومحفضة بيدي كمشت المحفضة وهي شلون ثگيلة وذبيتهاا بوجها اضن بوقتها انكسر خشمة :-ولجج يمصگوعة ليش هيجج ليشش؟؟؟؟ -دنگت راسي وأردفت: ملاذ: مو گتلك چنت معصبة الهفهاف: والمعصب يكسر خشوم الوادِمم ملاذ: هو نرفزني تارمة عليه يگلي الهفهاف: لاااا اكيد ماتارمة عليه چاا غير اخوچ المطيي گايلة گول لأختي الغبرةةةة ملاذ: ماسمحلك تغلط الهفهاف: فوگاهاا دگلي لاتغلطط فوك شينها گوة عينهاااا بسيطة بسيطةة وكُل هذا وتكول مامسوية بلةة احچي الولد شگال شحچة ماحچة لأبوچ؟؟ ماسوة شيء؟! -مو بوكتها گبل اجتني لحضة ادراك فَ اعتذرت منة ولحيت عليه مايگول لأبوي ووالله الولد خوش ولد ماگال شيء ومن نزف خشمة لأن المحفضة قوية بيها كومة اقلاااام راح بس غسل وجان اكو أثر شوي مبين حتى أبوي سألة بس گلة انضرب راسي بالباب ههههه :-اي اي خووش ولد اكيد خووش ولد غطة ؏ دگتچ الناقصة وماحچة اكيد خووش ولد بس بسيطة انه راح أگول لأبوچ اذا هوَ ماگال. -لاا عليك العبااس لاا هفهف حباااب :- دصبري بس هنووصل ويصير خير -هفهف حباااب عليك الحسين أسكت بداعت امك :-مادام حلفتيني هاهية ماحچي بس نروح انه وياچ ألهم وتعتذريين من عندة وأي شيء يطلبة يتنفذ حتلو يكسر خشمچ -چـاا هاهية حتى اذا كُسرة أسوي عملية تجميل :- هه هه بحلامچ -هسة دشبيكك هو بس تعور خشمة مابي شيء ترة لسة بعدة عايش اضحك يولي اضحك بداعتي :- ههه خووش خووش -بعد ماوصلنة نزلت مِن السيارة وأردفت: ملاذ: أمك وين فد مشتاقتلهاا ليش متجينهه؟؟ الهفهاف: بالبيت يعني وين العصر أجيبها تگعدين يمها شوية وتگومين نروح انه وياچ لبيت ام علي. ملاذ: أوي حتى أشوف ملاك تمااام تماام الهفهاف: أي مامهتمة للولد مهتمة لملاك امشي گدامي لا اطيح حضچ ملاذ: مشيت مشيت -دخلنة للبيت اول مطبيت للمطبخ أردفت: ملاذ: يُمة شنو غدانة؟؟ صفاا: خير من الله يمة مسويتلكم دولمة وتمن وفاصوليا. ملاذ: عاشت أيدچ اريد فاصولياا جوعاناااا صفاا: روحي بدلي وتعالي -قبل لا احچي دخل الهفهاف وأردف: الهفهاف: سلام عليكم -وعليكم السلام الهفهاف: شلونچ عمة شخبارچ؟! صفاا: هلا يمة الحمدلله بخير انتَ شلونك؟ الهفهاف: الحمدلله ؏ الله صفاا: تفضل تفضل هنصبلك غدة الهفهاف: لا عمة مشكورة بس عمي وين؟! صفاا: جوة بالغرفة اتفضل :-دخل الهفهاف للبيت ومتوجه لغرفة بابا طبيت قبلة سلمت ؏ بابا ودخل الهفهاف أردف: الهفهاف: شلونك عمي؟! السَيـد: الحمدلله بوية انتَ شلونك؟ الهفهاف: الحمدلله بخير السَيـد: عساك بخير امك شلونها اخيك؟ الهفهاف: كلهم بخير ويسلمون عليك السَيـد: الله يسلمهم الهفهاف: اگلك عمي عندي موضوع وياك السَيـد: أي احچي شكوو؟ الهفهاف: اريد وحدنة :-باوعلي ابوي وأردف: السَيـد: طلعي بنيتي شوي وتعالي ملاذ: تمام بابا :-مشيت من يم بابا واباوع لهفهف بنضارات توسل أنو ميگول لأبوي علي سويتة طلعت من الغرفة سديت الباب وصعدت لفوگ، أفكر واحچي وي نفسي. ملاذ: يبووو بس لاا يگول لبابا اروح بخبر كان مايقبل مايقبل ؏ علي مايقبل يبوووو سود الله وجهي شلون سويتهاا الة أعصب :-ضليت ادردم وابدل اخر شي عضيت أصبعي وأردفت: ملاذ: ولچ يلغبرة الة تگولين للهفهاف تگدرين تطلعيلچ چذبة يباااووو هسة شجابني شوداني ؏ علي فوگ مايوصلني والله يا الله هنزل اشوف شنو الوضع هسةةة يلااا وذاا عورتة شراح يصير مثلاً هية بس رزالة أي أي وعود ليش هلگد اوڤرت بالسالفة كُل مافي الموضوع عورتة بدون قصد -نزلت لجوة متوجهة للمطبح أردفت أمي: صفاا: يمة روحي صيحيلهم خليجون ملاذ:تمام -طلعت من المطبخ ماشية للغرفة دگيت الباب سمحولي بالدخول دخلت وأردفت: ملاذ: عيني ماكملتو سوالفكم تعالو تغدو السَيـد: هسة نجي بنيتي :-باوعلي الهفهاف وانطاني نضرات بيها خُبث وأردف: الهفهاف: عمي سمعت ذاك اليوم جاي لهنا عمي شاكر صدگ هلحچي؟! السَيـد: اي اجة هو ومرتة الهفهاف "بأبتسامة خُبث": زين شسويتولهم غدة، عشة منو اسوگلكم؟! السَيـد: والله سوينالهم دجاج وسمچ وخير الله ضلو هنا يوم وراحو. الهفهاف: أها كل الهلاا بيهم يمتة ما أجو السَيـد: وبيك أكثر بنيي الهفهاف: يلا انه استرخص السَيـد:وين أبقة تغدة الهفهاف: لا ألف عافية الوالدة منتضرتني السَيـد: الله يعافيك الهفهاف: في أمان الله السَيـد: الله وياك :-تمشة الهفهاف بأتجاه الباب باوعلي غمز وطلع طلعت ورا وصلتة للباب قبل لايطلع أردفت: ملاذ: شگد خبيث دخيل ربك غير زوعتني العافية الهفهاف: تستاهلين +الولد من كسرتي خشمة مافكرتي بي بس تفكرين بروحچ وبطنچ ملاذ: اكيد هاي بطيني العزيزة غير ادللها ياعيني الهفهاف: هتفيدچ بطينچ وترة العصر أمر عليچ موتسگميني ساعة بالباب الة اطلعين ؏ الساعة بـ 4:30 اجيچ ملاذ: تمام عزيزي الهفهاف: في امان الله ملاذ: كُل الهلاا خيي :- سديت الباب ودخلت لجوة رحت صُحت للولد جساس هستوة جاي وامير بغرفتة صحتلهم وگعدت ؏ السفرة بدينة نأكُل جاي ناكل وهدوء أردفت: ملاذ: بابا السَيـد: ها بنيتي ملاذ: يابة العصر راح تجي ام هفهف لهُناا وانه والهفهاف راح نروح لبيت ام علي السَيـد: روحي بنيتي براحتچ جساس'وهو يضيگ عيونة': شعدكم رايحين؟؟ ملاذ: هيچ ماعدنة شيء بس هفهف يريد يروح لعلي وانه اريد اشوف ملكوتي. :-باوعلي صفح وهز راسة وكمل ياكُل استغربت هذا شبي؟ عود بعدين اسألة :-كملنة الغداء شلت المواعين غسلتهن وصعدت لفوگ فتحت كتابي وقريت لحد ماكملت شفت الساعة بـ 4 ضميت الكتاب گمت لبست بنطرون وقميص فوگا صاية وشال وردي سديت السحابة وسمعت صوت المُبايل يرن جبتة وشفت المتصل هفهفي الحنون جاوبتة وأردف: الهفهاف: وينچ؟ ملاذ: بالبيت يعني وين؟؟ الهفهاف: نزلي سلمي ؏ أمي وتعاي انه بالباب ملاذ: تماام ئلب ئلبي :-سديت الاتصال عدلت شالي ونزلت دخلت للأستقبال چانو موجودين امي وام هفهف سلمت عليها وأردفت: ملاذ: شلونها أيران عجبتچ لولا؟ ام الهفهاف: يمة مادام بيها الرضا (ع) شلون ماتعجبني؟ ملاذ: ههه اكيد يلا اترخص انه شوي واجي ام الهفهاف:مرخوصة صفاا: وين يمة؟ ملاذ: غير وي هفهف لبيت ام علي صفاا: چا خووش روحي يمة ملاذ: بااي -الله وياچ :-طلعت من الاستقبال صار گدامي جساس يعدل بدگم قميصة اردفت: ملاذ: ها دقتورنة وين رايح؟ جساس: وياكم ملاذ: هها؟ جساس: شبيچ وياكم وين مولين انتُ؟ اولي وياكم ملاذ: ها هلا بيك :- طلعت لبرة لبست حذائي (مكرم القارء) وادردم يبوو يابوياا شيسويلي هاذ اذا عرف يبوو خرب عرضك هفهف كملت وطلعت چان گدام سيارة هفهف تمشيت الها فتحت الباب وصعدت أردفت: ملاذ: سلامووووو عليكووووم الهفهاف: وعليكم السلام ملاذ: هفهفة تدري جساس راح يجي ويانة؟ الهفهاف: أي ليش؟ ملاذ: ولكك غير اذا درة يشنقني ؏ القبلة قبل لايحجي الهفهاف انفتح الباب واردف: جساس: سلام عليكم -وعليكم السلام :-انطلقنة متوجهين لبيت ام علي وهفهف وجساس يحچون وانه استمعلهم فجأة غير اتجاه الطريق ووگف كدام المستشفى نزل جساس واردفت: ملاذ: غير راح تحي ويانة؟ جساس: لايابة بس ردت توصلوني مالي خلگ اسوق ملاذ: اها چاا منو يجيبك بعدين؟؟ جساس: علي يجيبني ملاذ: تمام جساس: مع السلامة -الله وياك :-راح جساس حرك السيارة هفهف اردفت: ملاذ: چاا ماگلت مايروح ويانهههه؟؟ الهفهاف: ردت اكول بس هو قاطعني ملاذ: وهرش غير زوعتني العافية الهفهاف: الهرشچ ام حلگ ملاذ: الهرشني يخوي؟ اول مرة اشوف هيچ اخوو قسرت قلبي الهفهاف: انچبي عيناي قسرت قلبچ هو انتِ منيلچ مشاعر؟! ملاذ: هم صدگ -ههههه :-وصلنة امام بيت ام علي نزلنة سديت الباب واردفت: ملاذ: هفهف خاف يطلبون مِن عدنة فصل ترة ربع ماعندي من هسة اگلك عود انتَ عندك فلوس وانطيهم ههههه الهفهاف: عووود خوووش ولو اكبر چذابة تنگطين فلووس ملاذ: منيلي منيلي صرفتهِن الهفهاف: هو انتِ صارفة فلوس السَيـد كُلها لو انتِ بنتي اتبرة منچ بالعشرة ملاذ: والحمدلله موبنتك انه بنت السَيـد عيني ميبخل عليه بشيء الهفهاف: أي المدللات كلشي يجيهن حاضر واحنة لازم نشتغل عبن ماعدنة حض ملاذ: اي هههههه ، شسمة يجوز الولد ماهوَ بالبيت الهفهاف: لاموجود گتلة راح نجيكم العصر ملاذ: مرتب الامور شقد خبيث الهفهاف: مو أخبث منچ ملاذ: نعم الله :-توجهنة لبابهم دگة الهفهاف انفتح الباب طلع علي واردف: الهفهاف: سلام عليكم علي: وعليكم السلام تفضلو تفضلوو :-دخلنة للبيت طبينة للأستقبال گعدنة جابونة ماي شربنة وأردفت: ملاذ: ملاك وين؟؟ علي: بغرفتها تدرس ملاذ: راح اروح اشوفها -روحي :-طلعت من الاستقبال متوجها لغرفة ملاك دگيت الباب اردفت: ملاذ: هل تَستقبليني أيتُها الچَميلة ملاك: هلا يروحي هلاا :-اجت الي حضنتها واردفت: ملاذ: لچ اليوم مشفتچ شني لهاچ الطب عنة عود لوويش؟ ملاك: لعد شسوي ملاذ: يلا عاتي اذا انتِ ماتجين انه اجيچ ملاك: كل الهلاا بيچ يروحي بس شعجب اجيتي ومنو وياچ ملاذ: شوفي هية جيتي موالچ بس يعني هم اجيت اشوفچ ووهفهف جابني وهسة هو بالمضيف ملاك: أمم زين شعندچ جاية اذا مو الي ملاذ: افصل واروح هههه ملاك: ههه شتفصلين؟ ملاذ: تعاي هنروح للأستقبال وتعُرفين ملاك: لحضة بس ألبس صاية والحجاب ملاذ: تمام :-لبست وطلعنة للأستقبال دخلنة وشفنة ام علي گاعدة تسولف وياهم سلمت عليها وگعدت حچو شوي وأردف: الهفهاف: خالة ام علي هسة انتُ تگولون شعجب احنه اجيناكم اليوم وبالاخص انه وملاذ ام علي: هلا بيكم يمة بكل وكت بس مومن عوايدكم تجون لينة فَ استغربنة الهفهاف: اي خالة، خالة احنة جاي نعتذر على تصرف ملاذ ذاك اليوم وشتطلبون احنه حاضرين ام علي: ياتصرف يمة الهفهاف: يعني علي ماحاچيلكم؟؟ ام علي: لا والله احچينة الهفهاف: شوفي خالة ذاك اليوم جساس ابن السَيـد طالب من علي من يوصل ملاذ للبيت يگوللها جاينة بيت عمي شاكر ام علي: أي الهفهاف: اي بس چانت ملاذ معصبة وهي متكدر تتحكم بعصبيتها ومن گاللها علي اگللكمياها من الاخير هيَ متحب عمي شاكر فَ چان امو محقضة بيدها وبيها اقلام هواي رگعتها بخشمة وخشمة نزف وصار بي أثر ملاك: عزاااا ام علي: يايمة علي: ماصار شيء الهفهاف: وبعدين هيَ ادركت شسوت واعتذرتلة بس هاذ الشيء ميكفي فَ اجينة انه وياها لأن لو گايلة للسَيـد يطيح حضها لأن يحب علي ومعتبرة بمثابة أبـنة ومايقبل عليه ام علي: يمة جيتكم ؏ العين و؏ الراس وماصار شي مادام بدون متقصد هاهية عليمن اصلاً اجيتو وزحمتو روحكم الهفهاف: لا خالة هاذ واجبنة وهسة ملاذ تعتذرلة كدامكم مو ملاذ؟ -عضيت شفتي وأردفت: ملاذ: اي -اردفت موجهة كلامي لـ علي الچان گاعد ومبتسم: ملاذ: انه أعتذر وماقصدي أسوي هيچ بس لحضة عصبية وان شاء الله متتكرر علي: لا عادي، ان شاء الله -گعدنة انه وملاك بصف بعض بعيد عنهم واردفت: ملاك: ولچ ليش تضربين ابن خالتي هااا؟ ملاذ: خية هوَ ابن خالتچ عصبني +خشم ابن خالتچ أهم من عصبيتي؟؟؟ ملاك: لا عيني يروحلچ فدوة ملاذ: أويليي عمي لو هيچ الصحبة لومتنراد ملاك: لچ تعااي هنصور وننشر وندز للبنات ملاذ: تماااااااام :-صورنة أيدينة وعيونة نشرناهن ودزينة الصور بالقروب شافتهن ميلاد وأردفت: ميلاد: شعندچ طالعة عيني متربزين بكاع الله ملاك: وشعليچ بيها عيني؟ ملاذ: خية شمالچ غير أچيت قصب(غصب) عني. ميلاد: منو قصبچ وجابچ مصدگ ملاذ: والله هاذ هفهف تدرين حتة خلاني أعتذر ميلاد: شنوووووووووو؟؟؟؟ :-جاي اكتب أردف: الهفهاف: ملاذ يلاا نروح ملاذ: تمام دقيقة :-كتبتلها، خية راح نرجع اوصل واسولفلچ -تمام ملاذ: يلاا الهفهاف: يلاا خالة احنه نرفع عنكم الزحمة ام علي: يابعد وكت يمة صلو للعشاء الهفهاف: لا خالة مشكورة زحمناچ ام علي: رحمة رحمة بس ضلوو للعشاء مايصير تطلعون الدنيا راح تصير المُغرب الهفهاف: مشكورة بس الوالدة وحدهي بالبيت وملاذ اكيد هسة الاهل منتضريها گلنالهم مانتأخر ام علي براحتكم :-طلعنة للباب علي وهفهف سولفو ؏ السريع ؏ الشغل انه حجيت وي ملاك رفعت أصبعي بوجها وأردفت: ملاذ: باچر ياويلچ ماتجين ويانة حتلو تعوفيني محاضراتچ نريد نگعد مثل الأوادم فهمتي؟ ملاك: ههه تمام يروحي اصلاً باچر معندي محاضرات هوواي ملاذ: تمااااام الهفهاف: يلا خيتي ملاذ: الى اللقاء :-حصنتها وودعت ام علي وطلعت دخلت بالسيارة وانطلقنة للبيت اردفت: ملاذ: هسة انه اعتذرتلة ذاك اليوم شكو خليتني اعتذر مرة ثانية عود ليش تسحل بكرامتيي؟؟ الهفهاف: انچبي ام كـرامـة ملاذ: اذا ارچع للبيت واگول لشمس انتَ خليتتي اعتذر تدري شسوي بيك؟ الهفهاف: شسوي بلة؟ ملاذ: تقتلك الهفهاف: ليش عوود هو اعتذار؟ ملاذ: ماتحب الأعتذار تحسة سحل كرامة الهفهاف: اذا انتِ الغلطانة لازم تعتذرين ماينقص من طولچ ملاذ: ولأن انه فاهمة الاعتذار هيچ فعتذرت من علي لو مثل شمس لوتمووووت ماعتذرررررر الهفهاف: والحمدلله انتِ مومثلها ملاذ: ههههه :-وصلنة للبيت ودعتة ونزلت دخلت نزعت حذائي (مكرم القارء) طبيت سلمت وصعدت بدلت وصليت ونزلت ساعدت امي بالعشاء صبينة وكعدنة ناكُل نضحك ونسولف أردف الوالد: السَيـد: بوية ملاذ ملاذ: ها يابة السَيـد: بوية احنة الخميس نروح للجنوب ملاذ: اي شسوو؟ السَيـد:اريد اشوف اخوتي وهمة گالو تعالو كم يوم ونرجع ملاذ: ترحون وترجعون بالسلامة السَيـد: ماترحين ويانة؟ ملاذ: من الاف المستحيلات صفاا: شعندچ متروحييين ملاذ: بكيييفي مارييد اروووح جساس: چاا خيتي وين تضلين؟ ملاذ: يم شمس لو هم مثقون بأهلها؟؟؟ -رادت امي تحچي سبقها ابوي وأردف: السَيـد: براحتچ بوية راح انطي لأهلها خبر ملاذ: تمام :-كملنة اكُل شلت الصحون غشلتهن ورتبت المطبخ وطلعت للصالة نضفتها ونضفت البيت كُلة صعدت لفوگ نضفت غرفة جساس واخر شيء غرفتي نضفتها ودخلت للحمام سبحت وطلعت ذبيت نفسي ؏ الچرباية ارتاح شوي وأگوم فتحت المُبايل والبنات حاچيات بالگروب ضليت اقرا برسائلهن وشمس الف مرة سوتلي منشن تريد تعرف ليش اعتذرت ومن منو وصالي ٤ من كلتلها اوصل للبيت واگلچ راسلتها وأردفت: ملاذ: عوود باچر اسولفلچ ردت بسرعة وأردفت: ميلاد: شني شنيييي ملاذ: شبيچ خية وجهاً لوجه أحسن ميلاد: عووود تماااام دجلة: مابية حيييل اداوم باچر ميثاء: هو انتِ يايوم صارلچ حيل اداومين ملاك: هههه ميلاد: اي والله يايوم؟ ميلان: اي مابيها حيييل اربعة وعشرين ساعة تكنس وتنضف ملاذ: وتطبخ وتخبز دجلة: هسة شبيچن اكلتني وشربتني ملاذ: چاا نحچي الصدگ قابل مچذبيين عيني دجلة: لا، ولچن لو تدرن شصار وياااي اليوم -شصار ملاذ: شُصار دجلة: ولچن شحچي غير ردت اكتل روحي -عليمن؟؟ -شوفن :-اليوم بالجامعة طلعت من المحاضرة بوجهي للكافتريا ميتة من الجوع البنات كُلهن بمحاضراتهن رحنة انه وصديقتي "ضحى" بنية بقسمي حبابة ومؤدبة امشي وياها مرات المُهز رحنة للكافتريا كعدنة شوية اكلنة جاي اشرب عصيير واجة ولد يصيح واردف موجه كلامة ألي: الولد: سعيييدة شعندچ هنااا گومي امشييي للبيييت بسرعةةة دجلة: عفواً منو انتَ ومنو سعيدة؟ الولد: سعيدة لاتخليني اضربچ وخليچ فرجة لأمة محمد كومي للبيييت بسرعةةة دجلة: عفواً أخيي الزم حدودك شنو اضربچ غير اكسرلك أيدككك انتَ منوووووووو؟؟؟ الولد: يعني ماترحييين للبيييت اذا ماتگومين اهفچ براشدي اخرب معاني وجهچ :-ماستحملت دفعت الكرسي وگمت أردفت: دجلة: وانتَ شنوو تضربني اطيح حضك والحسين ترة اخوي ضابط اذا اگولة عليك يوديك ورة الشمس -احة ولد كمشة وأردفت: الولد 2: امشي أحمد عوفهاا ولكك موسعيدةة هااي احمد: لا هاااي نفسها سعيدة تشبهاا دجلة: هيووو واذا اشبها اني موسعييدة الولد: امشي احمد احمد: ولكك هااااي سعيدة ام السحورة تشبهاا هية ولك هيةةة الولد: ولككك عوف البنتت -تقدم الولد (احمد) باتجاهي واردف: احمد: ام السحورة هسة تمشين كدامي للبيت دجلة: شو انتَ تجاوزت حَدك راح اروح للعمادة عليكك وعود هناك گُللهم هاي تشبه سعيدة -درت وجهي اريد اروح سمعت صوت ضحك وأردف الولد: الولد: هههه تعااي يمعودة نشاقة احمد: أسف اسف همة تحدوني هيچ اگولچ والله ههههههه دجلة: واذا تحدوك عفت بنات الجامعة كُلها واجيت علية اني عود ليش؟ احمد: موتشبهيين سعيدة هههه دجلة: وخفة لهلوجه احمد: هسة انتِ تشبهين السحارات اني شعليه دجلة: لا والله وشلون يعني عيني خلقت رب العالمين تستهزء بيها؟ احمد: لا استغفرالله بس تگدرين تسوين عملية تجميل هههههه دجلة: شوف والله العظيم اذا متولي من وجهي اروح للعمادة واطيح حض حضك احمد: يلاا راح اروح واسف مرة ثانية اذا ازعجتچ وان شاء الله متكرر اول واخر مرة هههه :- باوعتلة صفح وعفتة بس عفتة بعديش صرنة فرجة للجامعة كُلها من ارگعها نعال بگصتة هم واحد يگولي ليش؟ ملاذ: طول ماهي تحچي احنه فحطانات من الضحك ههههه ميثاء: ههههه ولچ مبين فطير ؏ نياتة ميلان: هو صدگ وجهچ يجوز يشبه وجه سعيدة ملاذ: ادور اصيحلچ ام السحورة ههههه ميلاد: لاولچ سعيدة ام السحورةةة ملاك: دجدج حبيبتي عادي تتخطين دجلة: كااافييي يمعودااات عود جاي اسولفلچن گعدتن اخذتنها ضحك شو انچبن ملاذ: ها ام السحورة ميلاد: شبابز رددو وراي ملاذ: شنردد ميلاد: سعيدة ام السحورة ملاذ: سعيدة ام السحورة ميلان: سعيدة ام السحورة ميثاء: ام السحورة هههه ملاك: لاخطية شنو ام السحورة دجلة: بعد روحيي هية هاي البيها حض خو مو انتن وهاااي بت عمتي الچلبة هم ضلت تعيب ادبسزز ميلان: دولي لا بت عمتچ ولا اععرفچ دجلة: ايااا ادبسزززوزز ميلان: متبرية منچ هههه ميلاد: لچ لااا هاااي دجولة شلون تتبرين منها بعد منو يسويلچ الاندومي طييب ميلان: هم صدگ لا دجدج حبيبتي غيرر انتِ الروح والرية شلوون اتبرة منچ يبعد الاجو والراحووو دجلة: ههههه ملاذ: اي بعد تلوگي تلوگي ميلاد: دكاااااافيييي اريدددد اقراااا ملاك: عمتتت عيننن الشطارةة ميلان: شمس (ميلاد) بس اهدئي علينا ندري بيچ شاطرااا بس جااي نسوولف عوفي القراية ميلاد: هية شنووو غير مستقبليييي دجلة: بناات حبابات ضلن اريد اسخت ميثاء: خلصت كُلشيء من العصر ملاذ: حضوووووووض وعلي ميلاد: تولن لولااا ميلان: اني ارد اقرة عندي فاينل باچر ملاك: واني طالب طب هم لازم اقراا ميثاء: واني اساعد ماما دجلة: خياات اني هم اولي اقراا ميلادي ساعديني بعد گلبي گلبچ يرحولچ ذولاك الناااس سبعع فدواااات ميلاد: هههععهعهه ؏ هذا الكلام الحلو راح اساعدچ دجلة: عمي انتِ وين اكو منچ ملاك: رجاءً ساعديها ؏ الخاص مو بالگروب ميلاد: تمام، تعااي دجدج ؏ الخاص دجلة: كاافيي لاتصيحوون تدجدج ياااخي ماحب هذا اللقب هية گوووة ميلاد: دنچبي وتعااي خاص دجلة: انچبيت واجيت ملاذ: راح اولي وراي قعدة من الصبح لان ماضن الحگ اكمل العلية عندددي هووواي ملاك: لعد روحي اقري ملاذ: بحفظ الرحمن عيناي ملاك: في امان الله ملاذ: ذبيت المُبايل وگمت مشطت شعري الواصل جوة من رقبتي شوي كملت فتحت كتابي وگعدت امشي واقرا طلعت للصالة الفوگ اقراا بصوت عالي واتمشة اروح وارد قريتلي ثلاث صفحات انفتح باب غرفة جساس وأردف: جساس: ولج ملاذذ ماتگولين اكو ناااس مطمورة ملاذ: غيرر جاااي اقرااا يعني شلووون جساس: اقررري بغرفتچ الة هناا وصوتچ واصل لسابعع جااار ملاذ: أيي غيرر حتى احفض شلون يعنييي جساس: رحمة لاجدادچ لو اطبين لغرفتچ لو تولين جوةة اريد انطمرر وراااي دوووام ملاذ: تريد انتَ أنزل لجوة ناام بغرفة امير ارييد اقرا الجوة كُلهاا نايمة وأبوي نااايم يعني شلون اگعدة لجناب حضرتك والله لان تريد تناام جساس: اوففف راح انزززل أمررري لله ملاذ: بباي خيي هعههعهه :-ضل يتأفأف ونزل لجوةكملت قرايتي لمن دگت الوحدة ونص تعبت دخلت للغرفة اخذت مُبايلي وقتة ؏ وقت صلاة الفجر نمت وگعدت ؏ صوت المنبه طفرت نزلت لحوة غسلت وتوضيت اكلت تفاحة وصعدت راسلت البنات "منو كاعدة" عفتة وفرشت سجادتي وصليت كملت وسبحت تسبيحة الزهراء 34 الله اكبر 33 الحمدلله 33 سبحان الله قرت سورة يس كملت سديت القرأن بستة ورجعتة المُكانة صفطت السجادة ورجعتها لمكانها كُمشت المُبايل ميثاء راده علية "اني گاعدة" ملاذ: شعندچ خية؟ ميثاء: گعدت للصلاة ملاذ: أها تقبل الله ميثاء: منا ومنكم ملاذ: هسة البنات وين عوود؟ ميثاء: بسابع نومة هههه ملاك: مرحبا ميثاء: أهلاً ملاذ: هلاا ومية هلاا ملاك: هلابيچن شعدچن گاعدات؟ ملاذ: خية غير نصليي قابل احنة مثل ذنيچ المطمورات احنة ناس تخاف الله نگعد للصلاة ميثاء: اييي هههه ملاك: عفية عليچن لاتصيرن مثلهن ملاذ: اكيدد ملاك: نلتقي اليوم مو؟ ملاذ: أي ؏ العاشرة والنصف ملاك: تمام عيني ميثاء: اوكِ ملاذ: اوگفوو خلدز رسالة للمطمورات واثبتها "عيني الأنِسات المطمورات راح نلتقي الساعة بالعشرة ونص الماتجي اشگها شگ" ملاك: هههه يجن يجن ملاذ: نشوف ميثاء: ان شاء الله يجن ملاذ: أي، يلا ولن اريد اغراا بعدلي هوواي مقاريتة ملاك: تمام، باي ميثاء: باي ملاذ: بباي عزيزاتي :-سديت التليفون وكﻤت اقرة الى الساعة 6:30 كملت گمت نزلت لجوة غسلت وسويت ريوگ جااي اطگ بيض دخل بابا واردف: السَيـد: صباح الخير ملاذ: صباح النور حَبيبي السَيـد: شلونها ذيبتي؟! ملاذ: الحمدُلله الكلية هلستني هلس السَيـد: يلاا مابقة شيء كملي حتة انطيچ الهدية الردتيها من طفولتچ ملاذ: متحمستلهااا كُلشش السَيـد: تحصليها تحصليها بأذن الله ملاذ: ان شاء الله :-كملت الريوگ حطيتة ؏ الطاولة وگعدنة ناكُل ونسوولف أحُب الگعدة وي أبوي احسن گعدة هي وي الأب انسان يفهمني وحنين عليه ومايضغط علي بشيء ومندون النااس احسة يفهمني. السَيـد: شلونها درجاتچ؟ ملاذ: زينة كلها درجات عالية السَيـد: عفية بذيبتي ملاذ: شنو أخبار نواهل وريم السَيـد: نواهل من نرجع من الجنوب نجيبها ويانة وريم حماتها مسوية عملية وماتگدر تجي هلفترة گالت من تجي نواهل وراها بخمس ايام او اسبوع تجي ملاذ: هلا بيهن السَيـد: بوية أريد احچي وياچ بس موتضوجين وتدرين بية انه دائماً بضهرچ ملاذ: احچي يابة السَيـد: ياحبيبتي الله يگول وجعلنا بينكم مودة ورحمة ليش متصالحين أخيچ -ردت احچي استوقفني وأردف: السَيـد: خلحچي انه ودور احچي انتِ -هزيت راسي وأردف: السَيـد: بنيتي ماكو انسان بالدنيا مايغلط والله غفور رحيم ؏ العباد واخيچ تاب ورجع لله بعد معصياتة ومنتضرلچ بس تسامحي شتگولين يـ بنيتي كاافي صارلنة سنوات ؏ هل حال عفنة بيتنة واهلنة وناسنة واخيچ وحدة هنااك صحيح يم عمامة بس بالأخير محتاجنة احنة لأن أهلة وبالأخير رب العالمين ورب كُل شيء يغفر للبشر واحنة البشر مانغفر اذا هو الخالقنة يغفر شنو عذرنة حتى مانغفر يابنيتي؟؟ ملاذ: بابا صحيح ماكو انسان بالدنيا ميغلط وكلنة عدنة اغلاط واخطاء ورب العالمين صحيح غفور رحيم بس هم شديد العقاب وهذا عقاب علي تجرد من كُلشيء واولهم اهلة صح تحچون ويا بس عايش بالغربة وحدة صالة سنين وخسر اختة ألي چان يعتمد عليها بكُل شيء بحياتة وميگدر يكمل يومة بدون مساعدتها ألة عصة رب العباد هوواي ولمن جردة من كُل شيء لسنوات الة عاد لربة شگد سوة معصيات وذنوب من كد ذنوبة مع كامل احترامي بس مااتشرف يكون أخوي اصلاً ماعرف عليمن طالع اشو كلنة نخالف الله بس هوَ تدري چنت ما أمن بعبارة "يخرج الخبيث من الطيب ويخرج الطيب من الخبيث" بس هسة أمنت بيها كُلش وأذا هو يريد أسامحة فَ انتُ من ترحون للجنوب گُلولة ملاذ مسامحتك دنيا وأخرة بس ماتريد تشوف چهرتك گبال عينها وانه عايشة حياتي من بعدة اذا اسامحة وأرجع اعتبرة أخوي يرجع يسجني مثل قبل عشت سنين من الألم والوجع بسببة وبسبب أمي أقرب اشخاص ألي صارو ضدي يمكن انه اول بنية چتالي أخوي فَ انتَ گولة هاذ الحچي وخليبتعد عني وهااي السالفة تسدوها وبعد ماريد تجيبولي طارية ابداً چان عندي أخو ومات من سنين واذا جبتولي موضوعة راح اسدة بس بدون رحمة "نسِد موضوعكُم سَدة عيون المات" السَيـد: براحتچ بنيتي راح اگلة الگلتي وبعد مَحـد يجيبلچ طاري لمن الله يهديچ وتسامحي ملاذ: تماام :-كملت اكُل شلت المواعين بست أبوي من راسة وأردفت: السَيـد: لاتضوج بس والله ماگدر اكو اشياء سوالياها علي ماتنسة ابد ولحد الأن محفورة بذاكرتي اذا نسيتها بيوم من الأيام صدگني راح ارجعة اخوي بس بحدود لاتقهر نفسك السَيـد: مامقهور عليه مقهور لان چنت ملتهي وماگدرت احميچ منة مقهور لأن من چنت اسألچ شبيچ تگليلي الدراسة تعبتني وانه مادري المتعيچ ابني اعتذر يـ بنيتي چنت امشي ؏ عمة عيوني اعتذر اوعدچ بعد مَحـد يطخچ بحچاية مادام بعدني أشتم الهوا. ملاذ: لاتعتذر يابة ادري لو كايلتك ماتسمح لعلي وأمي هيچ يتصرفون بس انه ماگتلك لأن چنت اشوفك تعباان وماگدرت ازيد فوگ تعبك تعب وهااي اخرة مرة تعتذر الصار قضاء وقدر والفات مات وهسة الحمدلله عايشين حياتنة كـ أي عائلة وانتَ ماقصرت وياي بيوم چنت ولحد الان نعم الأب والسَنـد الحقيقي ومن دونك انه ولا شيء السَيـد: الله يسعدچ بنيتي ملاذ: هسة كاافي لاتخليني بس مابچي للأفس ماعندي مشاعر ههههه السَيـد: هههه روحي بدلي حَبيبتي ملاذ: هنروح بسرعة لا يجي هفهف ويضل يخبصنة بالهورنات السَيـد: روحي :-عفتة وصعدت لغرفتي احُس اكوو فراشات بـ بطني ياخييي احبهههه واحُب السوالف ويا حتلو تضوجنييي مينوصف حُبي ألو ورب العزة ♡♡♡. -بدلت وكملت سمعت صوت جهازي يرن اخذتة وفتحت الخط وأردفت: ملاذ: صباح الخير خياي الهفهاف: ياهلاا بهل صباح ملاذ: وين انتَ؟ الهفهاف: صالي ساعة منتضرچ جوة ومتاني يمتة الآنسة تنزل حتى اوصلها وأولي الشغلي بس حسيتها مطولة لذلك اتصلت عليها هل من الممكن ان تنزل حتة نولي؟ ملاذ: وهذه الآنسة انتهت لتوها وسوف تنزل الهفهاف: يلاا بسرعة ملاذ: تماااام :- سديتة عدلت حجابي ونزلت دخلت للمطبخ شفتة گاعد ؏ الطاولة يحچي وي بابا اردفت: ملاذ: يلاا خياي نروح لولا؟ الهفهاف: دقيقة :-كمل كلامة وي الوالد اخر شيء جزعت وأردفت: ملاذ: هسة ياهو المأخرنة ايُها الأستاذ الهفهاف: يلاا :- رخت لبابا بستة من راسة وردت اروح ناداني واردفت: ملاذ: ها يابة السَيـد: هاچ هذا مصروفچ خاف تحتاجين شيء -باوعت لايدة بيها خمسة وعشرين اخذتها منة وأردفت: ملاذ: لاا يابةة عندي شسوي بيها السَيـد: بالعافية عليچ بنيتي الهفهاف: لا مبين عندچ ههه ملاذ: الله يعافيك حَبيبي، انتَ شعليك چـاا منيلي لوما دادي ينطيني الهفهاف: هم صدگ منيلچ يلاا امشي ملاذ: ههه مُشيت :-طلعت لبرة لبست حذائي (مُكرم القارء) وطلعت صعدت بالسيارة وانطلقنة للجامِعة بالطريق جاي اراجع اجة ببالي سؤال اردفت: ملاذ: هفهف الهفهاف: ها عيني؟ ملاذ: الولد التحارش بينة انه وميلاد وميلان من ورة ماگتلك شفتة مرة وحدة وبعد ماشفتة مختفي بس لا سويتلة شيء؟ الهفهاف: چؤ بس أدبتة ملاذ: شسويتلة؟ الهفهاف: معليچ ملاذ: عليك الله احچييي الهفهاف: حصلة كتلة معدلة ووأرسلتة لغير جامعة ملاذ: ليا جامِعة بلة الهفهاف: لجامعة بـ ديالى ملاذ: لككك لكك شودة الولد لديالى ؟؟ الهفهاف: هوَ أصلة من هُناك بس صار عندة مشاكل فَ حليتلة مُشكلتة وراح ملاذ: لكك عمي يلومونيي من اگولن أخووووي الماااجاااابتةةةة أمييي واحسن من اخواني الهفهاف: ههههه :- رجعت اراجع وصلنة للجامعة نزلت وأردفت: -بباي -في امان الله :-دخلت للجامعة ومر الوقت الى الساعة بالعشرة وثلث طلعت من القاعة متوجها للكافتريا وصلت وشفت بس ملاك كاعدة توجهت ألها گعدت يمها واردفت: ملاذ: هية انتِ لونجي احنة كُلنة وانتِ ماتجين لوقبل منجي احنة تجين ههههه ملاك: موزين اجيت من وقت؟ ملاذ: لا زين زين، صالچ شگد هُنا؟ ملاك: تقريباً رُبع ساعة ملاذ: خووش دجلة +ميلاد: سلام ملاك: هلا ملاذ: أهلاً وصخلاً دجلة:هلا بيچن ئلبي ميلاد: ولج ملاذ احچيلي عليمن اعتذرتي احچيلي من أمس واليوم الفضول كتلني ملاذ: لحضة خية هيجن الحبايب ميثاء: هلاو -هلااا دجلة: هاي شرفت آنسة ميثاء ملاذ: هتجي ميلو ملاك: هسة هية عود ليش متضرب محاضرات؟ ملاذ: موعِمتتت عيني تخصصها صعُب -هههه ميلان: هلو بنات ميلاد: هلا بيچ هلااا ملاذ: وبجيتچ هلاا ملاك: هلااا هههه ميلاد: كاافي ميلان كعدي يلا ملاذ احچيي ملاذ: اي بس ملاك تدري -أيي ملاك: لو تدرن شمسويةة بأبن خالتيي ملاذ: اهووو شسويت يمعودةة عود ليش مكبرين السالفة هلقد؟ ميلاد: هسة غير تحچي ملاذ: اي شوفن ذاك اليوم من حصلت درجة موعالية يعني بس درجة نجاح وضَجت وانتن شفتني ووراها اجت هاي الخرااا أسماء ضوجتني بكلامهاا وعصبت؟ ميلان: مسمومة دجلة: عيعع اكرهاا ميلاد: كملي ملاذ: اي فَ طلعت اريد اولي لهلي وانه معصبة صار كدامي علي سلم وگال عندكم بيت عمچ شاكر ميلاد: يبوووو ملاذ: وانتن تدرن شلون احبو هو وعائلتة دجلة: تموتين عليه ميلاد: تعشقي ميلان: خو بنتة الصغيرة تحبيها اكثر من اخواتچ ملاذ: اي فَ هوَ كالي هيچ انه من العصبية انتن شايفات محفضتي شلون ثگيلة؟ -اي ميثاء: مرة وگعت ؏ رجلي بنص الجامِعة ردت ابچي من الألم ملاذ: امم جانت بيدي كمشتها وهفيتها بنص چهرتة الحلوة ميلاد: لااااا صدگ؟ ملاذ: ههه والله دجلة: هعههععهه وشنو ردة فعلة؟ ملاذ: غير خشمة نزف دم ملاك: والله خطية ملاذ: هو خُتية بس گايلتلة يگولي؟ ميلان: هههه كملي ملاذ: هو تعور وصار أثر بخشمة انه هُنا صار عندي لحضة ادراك اعتذرت منة بنفس الوقت والولد صافن بعدين اجتة لحظة دراك بوقتها أضن لوبيدة يقتلني وعلي بس ربچ ستر علية يعني اعتذرتلة اضن 3 مرات وسحلة الكرامة واجب ولحيت عليه مايگول لأبوي والوِلد بس هوَ اعترف خووش وَلد صم حلگة وماحچة ومن سألو گللهم تعورت بالباب -ههههههه ملاذ: هنچمِل -چَملي ملاذ: بس المشكلة أمس چُفصت يم هفهف دجلة: شچفصتي؟ ملاذ: گُلتلة اشتاقيت من جنت توصلني للبيت گال وعلي بشنو مقصر كتلة مامقصر بس سلامة جاف يعني ماتشاقة ويا مثلك هيج شيء كال بس عوزچ تشاقين وياا كتلة لاا هوَ عرفني ماتفوتة فايتة ماشاء الله حچيتلة عصب حچة علية كال العصر اجيچ نروحلهم كتلة تمام رحنة العصر حچيت وي هاي الحلِوة بعدين كعدنة يمهم كال لأم علي وخلاني اعتذر كدامهم وعلي الخبيث ضل يتبسم وجه الستغفر الله وهاهية ميلاد: ولجج شلووون شلووون اعتذرتي الكرامةةةة ووووين؟؟ ملاذ: چاا شسوي بعد. اعتذرت عاتي يولي ميلاد: هسة لوماجامعة وأمة محمد هُنا چان رگعت راسچ بالطاولة ملاذ: مشكورة، بس تدرين شگد حچيت ؏ روحي لأن سويت هيچ ضليت بس ادردم ميلاد: شدعوة؟ ملاذ: تدرين بية احُب الدراما ههه ميلاد: هههه ملاك: ولچن -هاا ملاك: الخميس اروح لأهليييي دجلة: أوي ميلان: شعجب ملاذ: عبالك مرة مزوجة صالها سبع سنين ما شايفة اهلهاا هههه دجلة: اي والله ههههعهعهه ملاك بحماس: تحمست لعد صارلي اربع اشهر مشايفتهم ميلاد: ترحين بالسلامة ملاك: الله يسلمچ يروحي ملاذ: يمتة ترحيين؟ ملاك: الخمييس ملاذ: ياااسبحاان الله اهلي يرحون الخميس دجلة: هتروح وياهم ملاك: لاعليمن اخوي يجي ياخذني ميلاد: لاروحي وي أهلها جساس يروح مو؟ ملاذ: أيييي ميلان: اي روحي وياهم وشرط انتِ وجساس بسيارة وحِدكم هههه ملاذ+ميلاد: بالظظظبططط ميثاء: هههه دجلة: وسوون سوالف الحُبنچيات ملاك: انچبن حقيييرات ملاذ: أي صدگ انچبن ملاك: عفية سكتيهن ملاذ: لازم ينچبن صحيح يجوز ملاك تسووي هااي السوالف بس اخووي شريف عفيف ميسويهاا ملاك: ياااا -ههههههه ملاك: اياا ادبسزز ملاذ: هههه لا لا جذب اخوي ادبسز ملوكة شريفة عفيفة ميلاد: شرفها غاسلتة بليفة -ههههه ملاذ: لاصدگ روحي وي أهلي مادام حتى هُمة يرحون ولاتخافين امي وابوي راح يرحون يعني بأمان ملاك: مادري زحمة عليهم ملاذ: لاخية رحمة ارجوع اگول للوالد وانتِ گولي لأهلچ ورديلي خبر ملاك: تمام :-سولفنة شوي ورجعنة لمحاضراتنة الى نهاية الدوام رجعت للبيت بدلت وصليت نزلت لجوة صبينة غدة جاي ناكُل واردفت: ملاذ: بابا السَيـد: هابنيتي ملاذ: يابة ملاك بت اخت ام علي السَيـد: شبيهاا ملاذ: تريد تروح لأهلها يوم الخميس وگلتلها اهلي يرحون يوم الخميس عادي تروح وياكم مو؟؟ السَيـد: أي بنيتي هلا بيهاا گُليلها خلي تجهز الخميس الصبح نطلع ملاذ: تمام :-كملنة اكُل وأشوف جساس يوزع ابتسامات ضيگت عيوني شاورتة وأردفت: ملاذ: الله يديم هل أبتسامة الحلوة شنو سبب هل أبتسامات مُمكن أعرف؟ جساس: شلوون يعني مانبتسم -ابتسمت وگرصتة بخدة وأردفت: ملاذ: ابتسم ابتسم الله يديمها ويديم صاحبها :-عفتة وصعدت لغرفتي راسلت ملاك أهلها وافقو تروح وي أبوي لأن يثقون بي -اجة يوم الخميس وراحو للجنوب وانه رحت لبيت ميلاد ضليت عدهم وفرحانة خالة أوتاد كلساعع تسووي حلويات شكل وتجيبلنة وانه شلوون احُب أكلها لحد السبت بليل اتصلنة ؏ ملاك كامرة سلمنة وسولفنة شوية وملاك مو على بعضها أردفت: ملاذ: شبيچ خية شو موعلى بعضچ؟ ميلاد: أي صدگ شبيچ؟؟ ملاك: بنات -ها؟ ملاك: طيبة اختي انخطبت ميلاد: أوي مبروكك :-صفنت شوي وأردفت: ملاذ: بس لاا ابن صديق أبوي؟ ملاك: لاا ميلاد: نعرفة؟ ملاك: أي ملاذ: منو؟؟ ملاك: علي أبن السَيـد
يـتـبـع.........
.......................
(فَاذْكُرُونِي أَذْكُرْكُمْ)
_ اللهم صل على محمد وآل محمد وعجل فرجهم - سُبحان الله - الحمدلله - لا إله إلا الله - الله أكبر - لاحول ولاقوّة إلا بالله العلي العظيم - أستغفر الله وأتوب إليه - لا إله إلا أنت سُبحانك إني كُنت من الظالمين . .......................
