فـي أعماق الألفين

بارت 5

في أعماق الألفين / بـ لهجتنه

كـاتبات مينا /ساره🤍💚
بـارت 5
________________
بك يا زمان أشكو غربتي
إن كانت الشكوى تداوي مهجتي

__________

الدنيا بـدت تظلم والضرب مستمر وحيدر ابوي وعمو راح يـهربو ...... صـار المغرب مـحد جـان مشتهي الـخوف جان مسيطر علينا گـعدنه للساعـه 8 الـكل ساكت وصوت الضرب مستمر ابوي گـال سوو عشاء گـامو عمه حلا وامي يسون العشاء واني مـاتحركت مـن مـكاني مـعدتي توجعني مـن الخوف وارجف لان الصوت بـدأ يقترب بعد ساعـه جابو الاكل مـا اكلت امي لحت هـواي بس ماكلت جنت خائفه كلش ... رحت يـم الشباك اباوع للسماء وادعي يكون حلم واصحى .... ابوي وعمي طلعو للحوش بعد عشر دقايق رجعو حجه ابوي

عبد الرحيم " تجهزو نتوكل

رنا " ويـن بهاليل خلي نصبر للصبح

عبدالرحيم " مـانكدر يلا كومو
فعلاً گمنا شلنه الجنط وصعدنا السيارات مشينه واني طول الطريق اردد

(وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ)

مشينه متوجهين إلى چول اسمه (حمراء )تقع قـرب ( عين الواح ) بعد تقريباً ساعـه وگفنه يـم غـرفتين يعني چول ومابيها اي شيء بس غرفتين وگفنه يمهم تـقريباً نص ساعـه ابوي نزل فول بـانزين وصعد رجعنه مشينه متوجهين إلى (بعاج) الطريـق يـخوف ظلمه وبس سيارتين بالشارع سيارتنه وسياره عمي جـان اكو سيطرات بالطريق يوگفونه يسالون منين وويـن تـروحون نجاوب ويعوفونه .... خليت راسي على كتف نغم ونمت گعدت مادري بعد كـم ساعـه باوعت الشمس طالع سالت بابا بعد شكد ونوصل گـال ساعـه ساعتين نغم ونؤاس جانو نائمين التفتت اباوع لسياره عمي حيدر الجان يسوق ...اباوع للسماء وادعي كلشي يعدي على خير بعد ماعرف شكد أخيراً وصلنه لبعاج استقبلتنه لافتـَت بعاج. (قضاء بعاج ترحب بكم ) وگفونه السيطره سالو بابا منين ومن هالاسئله وعرفو انُ جاـين لبعاج ومـانعرف احد ولا عدنا بيت واحد منهم شال الحاكيه وابتعد عنه راح بـعيد يحجي ماعرف شيكول بعد دقايق اجئ گـال لابوي انتظرو راح هـوَ وكم واحد ويه صعدو سيارتهم اليسمو (عداري) السائق اشر لابوي بمعنى يلحگه فعلاً ابوي صار يمشي وراء وسيارة عمي ورانه جنت كلش خائفه ياخذون بابا وعمي وحيدر.. ماعرف ويـن ياخذونه بعد تقريباً نص ساعه وگفو گـدام بيت طابقين البيت من الخارج كلش حلو نزلو واجو يمنه حچه واحد منهم

الداعشي " تـگدرون تـبقون بهالبيت شكد ماتريدون ومن تطلعون تـكدر تـسلم المفتاح بيد ابو شمس

اشر لواحد جـان واكف يما رجع حجه نفس الداعشي

الداعشي " ماتنزلون

عبد " ليش تعبتو نفسكم احنه چنه نـلگه چاره

الداعشي. " هذا واجبنه