في أعماق الألفين / بـ لهجتنه
كاتبات مينا /ساره 🤍💚
بــارت 7
___________________
إِذا الحَربُ حَلَّت ساحَةَ القَومِ أَخرَجَت
عُيوبَ رِجالٍ يُعجِبونَكَ في الأَمنِ
__________
وَمَن ظَنَّ مِمَّن يُلاقي الحُروبَ
بِأَن لا يُصابَ فَقَد ظَنَّ عَجزا
______
...حسينه عـلى واحد صعد فوگ التانكي ..گـلبي نبض حيل كلنه خفنه ..گلت هاي هيه اخرتنا ما خليت ايه وما گلته اكثر شيء جنت اردد (واجعلنا من بين ايديهم سداً ومن خلفهم سداً فاغشيناهم فهم لا يبصرون) ..لزمت راسي بـايديني منتظره يفتحون باب التانكي ....لشوي وسمعنه الي صعد فوگ التانكي گـال
" توكلوو
ونـزل رفعت راسي مـن تحركنه ..اخذت نفس براحه وصرت اشكر ربي ...هالمره مشينه قليل ...لشوي ووگفنه ونزلو المهربين واحد بيهم صعد وفتح باب التانكي ونزل واحد بيهم يمنه وصار يرفعهم واحد واحد والفوگ يسحبهم ...مـن اجئ دورنه حيدر رفـع نغم ورفعني والي فوگ سحبنه نـزلنه كلنه ...جان اگـو بيت طين بوسط چول ...دخلنه اله بزاويه جان اكو فراش النسوان گـعدو بطرف والزلم بطرف ... بالفجر امي گـعدتنا تگول البسو راح نمشي ..لبسنه وگعدنا ننتظر .شوي واجو بابا وعمو گـالو راح نمشي طلعنه برا جـانو جايبين ثلات كيات ..المهربين نزلو يحجون ويه الزلم ..شوي وصاحونه حتى نـصعد ..صعدنا لخمس دقائق وتحركنا مشينه ١٥ دقيقه..وگـفنه جان اگو اشجار بصف بعض چنه بچول كلش چبير بيها بس اشجار ....التفتت من حجه حيدر گاعد
حيدر " شكم واحد
شفنه كيات شيء ٧ كيات ومليانه ناس
عبد " يمكن ذولا هم يطلعون
نزلنه والكيات وگفو يمنه نـزلو الناس البيها ...والمهربين كلهم تجمعو جان ٣٠ مهرب تقريباً...كل ثلات مهربين راحو لمجموعه ..واحنه هم اجو النا
" راح نمشي طريق طويل ٢٤ ساعـه او اكثر اذا تتعبون احكولنه اذا ماحتاجين ماي في بالكيات ...
كل ثلات مهربين وياهم مجموعه بـدو يمشون ...ومهربينا گـالو يلا مشينه وياهم همه گـدام واحنه وراء مشينه هواي تعبنا مـن المشي وماكو استراحه ..شوي وصاح واحد بيهم حتى نـوگف ...گعدنا بالگاع ميتين تعب شربنا ماي وبقينه گاعدين شوي ...جنت ابـاوع للناس كميه الناس الموجوده ..احس كـل هاذا حلم وراح اصحى منا كلش صعب ...احس حياتنه الچنه عايشينه وبـعيد عن الناس فجأة صرنا بمكان ما چنه متوقعينه والرعب ونخاف باي لحظه يلزمونه ويـقتلونه ...گمنه نـكمل مشي والناس الحولنه صارت تشمر هدوم وجنط لان مـا يگدرون يمشون .. حجه واحد من المهربين ياشر گدام
" روحو هناك يجيكم جيش الحر
مشينه لحد المغرب بس بستراحات ..بدت الدنيا تظلم حجه حيدر
أنت تقرأ
فـي أعماق الألفين
General Fictionماذا فعلت بـِنا الايام رمتنه لاشواك عيشتنه المُر والرعب غيرت طـريق الطفوله والامانه الا طـريق مخيف ومظلم....فـي وسط الطريق هُناك مستذئب واقف يـخرج فقط فـي اليل لاكنهُ ليس كما هوَ موضح داخله لطيف اعتقد انني سـامشي طريق الرعب معه وانـا امسك يده
