اديان امير ♥
٭ ٭ ٭ ٭ ٭ ٭ ٭ ٭ ٭
في احد محافظات العراق في محافظة النجف الاشرف في احد الاحياء البسيطة وفي بيت بسيط جداً
قطوف : مامااا ما اريد اتزوج
طفوف : ليش عيني شاب ومعضل ويخبل وعنة فلوسس هوايي، ماما اذا متريدة اني اخذة
دموع " الام " : طفوف عيب وخري خليني ويا اختج خلي احاچيهة
طفوف : طردة هاي
دموع " الام " : اشش خليني ويا اختج طلعيي
طفوف : حاضر
طلعت طفوف وطبگت الباب حيل
دموع " الام " : صدك ما عرفت اربي
مشت ايدهة على شعري وحچت
دموع " الام " : يمة حبيبتي اني اعرف متريدين تزوجين بس هذا الشخص انسب الچ تدرين ابن عمج رعد بعد كم ويم رح يرجع من السفر وهوة ناوي يحاچي ابوج عليج يريدج وتعرفين ابوج گبل رح ينطيچ ماما حبيبتي اني اريد مصلحتج اعرفج صغير ولهيچ وافقت على الولد الخطبج هوة يحبج ومراح يضربج وعندة فلوس رح يطلعج ويشتريلج ويونسج
قطوف : بس ماما اني ميهمني كل هذني صخ احنة فقرة بس الحمد لله ممقصرين علينة بشي ما اريد اعوفكم
دموع " الام " : اعرف حبيبتي والله اعرف بس علمودج هسه الاريدة منچ تنزلين تگولين لأبوج موافقة تمام؟؟
قطوف : اسفة ماما بس ما اريدة
دموع " الام " : لخاطري؟
قطوف : تمام
عافتني وطلعت، خلي اسولفلكم علية شوية اني طفوف من النجف الاشرف عمري 15 صف ثاني متوسط محجبة والحمد لله، يمكن تشوفون انو رد فعلي هادي ومهامني الصراحة اني باردة واشوف هل اشياء عادية المهم يخليني اكمل دراسة صح اني مو شاطرة ودرجاتي بـ50 بس اريد اكمل دراسة ما چنت اعرف انو اكو اشياء رح تخليني اتمنى لو مموافقة على الزواج نزلت لأبوي وگلتلة موافقة وصعدت سمعتة يضحك حسبالة خجلانة ميعرفني صلفة وما اخجل، شوفو خلي اگلكم اني صح هادئة بس بالمدرسة بالبيت بس اتعارك بس ما اعرف اخذ حقي يعني اذا احد اتهمني بشي استحي اگول انو مسويت شي ولهذا السبب دائماً يورطوني بسوالف اني ما مسويتهة، احب شي اسمة نوم امنيتي اليوم كلة اگضي نوم واحنة عطلنة قبل كم ساعة اجيت من امتحانات اخير السنة تمددت ونمت گعدت باليل هوسة جوة دخلت امي گعدتني
قطوف : اريد انام نعسانة
دموع " الام " : گوم يمة گومي گلبي
گمت واني اتثاوب
قطوف : ماما منو جوة
دموع " الام " : زوجج
قطوف : وجهالي وين؟؟ يمة صدك تحچين ترة ممتزوجة اني
أنت تقرأ
نيران القطوف
Romanceالرواية - حقيقية - جريئة شويتين "وأختر لِنفسكَ عزيزاً يَعز عليهِ حزنكَ"
