نيران القطوف

part 8

شلونكمم؟ احمم عود اسفين لأن اتأخر بتنزيل البارت + والله الحساب انحذف من يمي وگوة رجعتة خوشش حبايب؟

گعدت الصبح واحس اكو هوسة جوة دخلت طفوف

قطوف : شكو جوة ليش هل هوسة؟

طفوف : مسوين عزيمة

قطوف : خوش بس قبل لا تاكلون جيبيلي اكل حبابة

طفوف : تمام شوي واجيبلج

ابتسمتلهة وهيه طلعت نمت مرة ثانية گعدت على صريخ جوة عمامي يحچون واصواتهم عالية تلمست جسمي اليوجعني وحاولت ما استسلم جريت شال من يمي اغطي شعري الاسود القصير شفت روحي بالمراية اخير مرة شفتي حمرة من ضرب قسور بشرتي البيضة الشاحبة مشيت بسرعة واني اتمتم بيني وبين نفسي

: لازم اطلع واروح لمكان محد يعرفه

نزلت بخطوات سريعة متجهة لباب الكراج الي من الهوسة ما انتبهو اله طلعت من البيت امشي سريع وبطني احسهة تتگطع ضليت امشي اكثر من ربع ساعة رحت لمكان مابي ناس هواي وشفت مرة مبينة طيبة طلعت الفلوس من جيبي واني متجهة الها وهيه تباوع بأستغراب خليت الفلوس بين ايدها واني ارجف ودموعي تنزل

: خالة ممكن ابات عندج كم يوم ابوس ايدج والله انطيج فلوس شكد ما تريدين بس لا تعوفيني

باوعت للفلوس البيدي وطمعت بيها

: اي عادي بس اريد غيرهن كل شهر وفلوس اكلج وشربج عليج

: اي اي ميخالف

جرتني المرة وطبيت للبيت الصراحة وصخ و الريحة ابد محلوة طببتني لغرفة قديمة تمددت على الجرباية بتعب واني اخلي ايدي على بطني الاحسها تتقطع من الالم غمضت عيوني بألم بس ما اگدر انام دا اتخيل حياتي شلون رح تكون بدون صديقاتي وهنه ما يعرفن شي عني نزلت دموعي واني احاول ابعد الافكار من راسي بس ما اگدر طلعت شهگات متتالية مني واني اتخيل انو بعمري مراح اشوفهم ولا اشوف اهلي ولا اختي طفوف ولا توليب شهگة ورة شگة لحد ما حسيت روحي دا تطلع ما اگدر اخذ نفس حاولت اجر نفس، طبت المرة تحاچيني

: اكو بيت يمنه كل يوم بالليل يجوهم ناس ويريدون احد يسويلهم اكل طيب، انتِ تعرفين تسوين اكل؟

قطوف : اي اي اعرف وطبخي كلش طيب

طبعاً الكلام كلة جذب اني ما اعرف اطبخ بس كم شغلة، كلها نعمة مو اله طيب

: خوش لعد، كل يوم بالليل اجيبلج كلشي تريدي وتطبخيلهم همه هواي والفلوس الرح ينطوهة الي تاخذين منها بس 15 الف

قطوف : اي اي نعمة

: لعد ارتاحي على ما اجيبلج الاغراض وتطبخيلهم زين اذا تلحگين

قطوف : تمام

طلعت المرة واني ضليت متمددة ما طولت ولگيتها گدامي جايبة الاغراض طلعت بدون كلام نظفت المطبخ كلش زين و رشيت معطر ورجعت غسلتة حتى اگعد براحتي ما اجا على بالي غير الدولمة وتمن وتشريب لحم اي هذني اطبخهن كلش طيب
ثرمت البتيتة والطماطة ناعم كلش وحظرت التمن واللحم والبهارات واخير شي ثرمت البصل خليتهن وگمت غسلت السلگ والبتيتة والطماطة گعدت وكملت الكدر خليتة على النار وخليت التمن هم على النار بقى بس تشريب اللحم خليت اللحم على النار ورحت گعد بالكاع صافنة خاف يطلع مو طيب
نمت بدون ما احس گعدت على حركة المرة بالمطبخ لگيتها مكملة الاكل ودا تحاچي واحد بالحوش وهوة يباوعلي اخترعت گمت بسرعة ودخلت للغرفة نظفتها وكملت نومتي فزيت على صوت عياط بالبيت الگالت المرة انو يريدون اكل ولگيت بصفي 50 الف گمت مستغربة فتحت باب البيت وطلعت اباوع محد مهتم وكأنو متعودين والولد نفسة الچان بالحوش واگف تدنة يمي وگال

جواد : الاكل طيب عاشت ايدج

قطوف : انتَ الخليت يمي 50 الف؟

جواد بأستغراب : لا

سمعت واحد صاح للولد من شفتة اخترعت، فاروق، يخزرني، راح الولد يركض وضلو يتهامسون طبيت للبيت ولگيت المرة هم ماكو بس استغربت من الملابس الداخلية المتطشرة على الكاع وملابس رقصة والدم و ريحة كلش مقرفة سديت خشمي وطبيت لغرفتي رشيت معطر وفتحت الشبابيك ونمت، من گعدت شميت ريحة جكاير تارسة غرفتي ولگيت 100 الف بملابسي الداخلية اخترعت و شهگت بقوة من الصدمة لكيت متعلگ بـ باب غرفتي ستـ،،،،،ـيان
( اعتذر عن الكلمة يمكن ما تعجب البعض )
وبطل فارغ بس ريحتة مو حلوة و ورود خليت ايدي على جسمي احاول استوعب معقولة انطوني مخدر حتى ما احس اذا سوو شي؟ دموعي نزلت وضميت جسمي واني ابجي واشهك بقوة خليت ايدي اغطي راسي احاول اكتم شهگاتي، طبت علية المرة وهيه تركض،

: شكو شكو شبيج

قطوف : شوفي الغرفة

: ههههه اي طبعاً ما گدر يتحمل جمالج

قطوف : مفهمت؟ شصاررررر

: ما صار شي لا تخافين مبينة بعدج صغيرة ما تفتهمين بهيچ سوالف، يلا گومي اليوم يريدون معجنات العجين اني سويتها گومي كملي الباقي انتِ
هزيت راسي وگمت للمطبخ هم نظفتة ورشيت مطر وغسلتة وطبيت سبحت وطلعت بسرعة سويت الگالت عليه المرة وكملت الاكل واخذت شوي لأن مبين كلش طيب اجا ولد باليل اخذهن وانطاها 100 الف اندارت علية وانطتني 15

اخذتهن ورحت لغرفتي وقفلت كلشي ونمت من گعدت هم لكيت نفس الشي بس شلونن اني قفلت كلشي، طلعت للمرة لكيتها مسوية كدور كبار اكل والعياط واصل لسابع جار كالعادة

: انتِ اليوم ما تسوين اكل بس تودي الهم

قطوف : تمام شكراً

طبيت سبحت بس هل مرة طولت كلش تعبانة و بودي ما اطلع ضليت ما اعرف كم ساعة لبست ملابسي وطلعت للغرفة لگيت هواي ملابس لبست سيت ستن بارد كلش حلو على الجسم ظفرت شعري بدون ما امشطة طلعت للمرة ابتسمت من شافتني

: شنو هذا الجمال رح يتعاركون عليج والله، جسم حلو شعر حلو ملامح حلوة شيريدون بعد

قطوف : ما فهمت؟

: هيچ هيچ يلا اخذي الاكل صار الليل

خليت حجاب غطيت رگبتي وشعري ولبست فوگة عباية وسديتها كلش زين اخذت الاكل وديتة البيت فارغ وكلش حار والاضوية زركة تدوخ غمضت عيوني احس نفسي دايخة كلش اجتني مرة ما اعرفها لابسة بس ملابس داخلية

: تعالي يحلوة ارتاحي شوي بهذيج الغرفة

مشيت وياهة لأن حسيت نفسي رح اوگع مددتني على الچرباية بغرفة كلش باردة حسيت عيوني بدت تنسد ما اگدر افتحها هيه بدت توخر الملابس عني حاولت امنعها وادفعها بس هيه اقوة مني خليت ايدية على الملابس وحضنتهن بقوة حتى ما تگدر توخرهن بس وخرت ايدي بقوة عن ملابسي وخرتهن عني واني حسيت ما اگدر اتحرك ولا احچي شي شفت شخص اجا يركض حسيت نفسي اعرفة بس ما لحگت اشوفة غمضت عيوني بتعب الجو بارد ما گدرت اتغطة بأي شي بس حسيت باحد غطاني وسحبني لحضنه حسيت با لخوف بس ما گدرت اتحرك ما گدرت اسوي شي غير لبجي دموعي تنزل بهدوء وجسمي يرجف رحت بنوم عميق بدون ما احس .

-  عجبكم البارت؟

-  اعتذر عن الاخطاء الاملائية 🤍🤏🏻 .