මල්වර පිරිමි || BL ✓

පසුවදන

ආයුබෝවන් !

මුලින්ම  මගේ  කතාව කියෙව්වට ගොඩක් ස්තූතිය . ඒ වගේම කියන්න ඕනෙ මේ කතාව BL එකක් කිව්වට එහෙමමත් නෙවෙයි .

මේකෙ චරිත නිර්මාණය කරනකොට මම ගත්තේ පන්ති පරතරය හා සම්මතය කියන කැටගරි එක .

විශේෂයෙන් කාටුන් එක ඔස්සේ මගේ කතාව මම කෙටියෙන් විස්තර කරා.. අසාර්ථක උනා හෝ නැතා මම හිතනවා මිනිස්සු අපි කාටුන් එකක් කියවනවා වගේ හැමවෙලේම පිටින් දකින දේ විශ්වාස කරන එක වැරදියි කියන එක තේරෙන්න ඇති ...

ඉතින් චරිත ගැන කිව්වොත්  ශවේද්ගෙ බාහිර රූපය මම කිව්වේ එයා ලාමක , සියුමැලි පිරිමි ලමයෙක් හා සමානයි කියලා. එතකොට පිටින් එයා බොළඳ නිසා වැරදි වැඩ එතකොට බලහත්කාරකම් වලට ලක් වෙනවා...

ඒත් හිතන විදිහ වෙනස් කරන්න මම උත්සාහ කරේ රූපය මොන තරම් බොළඳ උනත් එයාගෙ ඇතුලාන්තය ශක්තිමත් කියන එක ..

ඉතින් පිරිමියෙක් කියන්නේ බාහිර ලිංගේන්ද්‍රීන්ගෙන් වෙනස් මිනිස්සු කොට්ඨාසයක් නෙවෙයි ආකල්ප අසාවන් හැම දේකින්ම වෙනස් කියන එක ..

ඊලගට විවේන්ත් කියන්නේ සාම්ප්‍රදායික පිරිමියෙක් .
ශක්තිමත් මස් පිඩු , ඒ දේහදාරී දැඩි ආකල්ප ඔස්සේ මම අපි එදිනෙදා දකින සාම්ප්‍රදායික පිරිමියෙක් විවේන්ත් තුල ජීවත් උනා..

ඒත් ඒ පිරිමියා අර වෙනස් කොල්ලාට වඩා පිටින් බලලා හැමදේම තීරණය කලා.. ඒ නිසා එයාලට වරදින ප්‍රමාණය වැඩියි...

ඉතින් අපි කතාවක හෝ ඇත්ත ජීවිතේ පිරිමි ගැන මවාගන්න ආකල්පය මම පොඩ්ඩක් වෙනස් කරලා ලිව්වේ .

මල්වර පිරිමියෙක් කියන්නේ වැඩි වියට පත්  සාම්ප්‍රදායික විවේන්ත්ට වඩා ආකල්ප අතින් පරිණත ශවේද්ට...

තව විදිහකින් ගත්තොත් මම මේ කතාවෙ ධනපති නිර්ධන කියලා කොටස් දෙකක් නිර්මාණය කරා..

නිර්ධනයා හැම අතින්ම පීඩා විදින ලස්සන ආකල්ප තුබුණත් ගොඩ එන්න බැරි උනන්දුව තියෙන ශවේද් වගේ කෙනෙක් .

එතකොට ධනපතියා හැමවෙලේම අනික් කෙනාට ඉස්සරහට එන්න දෙන්නෙ නැති සමාජයට බයේ ජීවත් වන සැපවත් චරිතයක් ...

ඉතින් මිනිස්සු ලෝකෙ වර්ග දෙකක් ජීවත් වෙනවා වගේ මේ කතාව ඇතුලටත් මම ඒ කොටස් දෙක නිර්මාණය කරා...

ආයෙ කිව්වොත් 2 චැප්ටර් එකෙ තියෙන ස්ත්‍රීවාදය පිලිබඳ කොටස මම ලිව්වේ පොඩි අවදානයක් ගන්න ..

මම පොලිටිකල් කරා.. ඒත් පාඩම් 3ක එකේක විදිහට අර්තකථනය කරපු ස්ත්‍රීවාදය ඇතුළේ ප්‍රයෝගිකත්වයක් තිබ්බෙ නෑ.. ඒක හරියට ස්ත්‍රීවාදය ගැන කියද්දි කොල්ලො හැසිරුණු විදිහ වගේ..

ඉතින් මට ඕන උන දේ කතාව ඇතුළේ මම එලියට දැම්මා ....

මේ ලෝකේ දිනන්නේ කවුද කියන එක නොදන්නවා උනාට පරිණත අදහස් තියෙන උනන්දු ඕනම කෙනෙක්ට එයාගෙම කියලා ලෝකයක් දිනන්න පුලුවන් ...

ඉතින් මල්වර පිරිමි ලෝකෙ හැම තැනම ඉන්නවා...

ගෑනු ලමයෙක් ඇතුළේ උනත් රැඩිකල් පිරිමියෙක් ජීවත් වෙනව...

ඒ පිරිමියා වගේ උත්සාහ කරොත් හැමදේම විසදෙන්න පුලුවන් ...

හිතෙන දේ කියාගෙන යන්න .. මගේ මහන්සියට ඔයාලගේ එක වචනයත් සෑහෙන්න වටිනව...

මම බාදුරා 💚