مــــالــــي فــــي حـــــب غـــــيـــــرهــــا✨💕

الجزء العشرون

في سياره مطلق
غاده: الين تقول انك جيت عندهم
مطلق: اي شعندك عندك شي؟
غاده: لا ابد
ريما: وش كنت تبي منهم
لينا: ملقوفه انتي اتمنا يجي يوم وما تتلقفين بين زوج وزوجته
مطلق: لينا طلع لك لسان والله
لينا: السكوت مو زين يتحكمون فيك ونت ساكت لين يجي يوم وتنفجر عليهم الصدق اني تبت ان ما اتكلم لازم ادافع عن نفسي ياخي طفشت
ريما: لينا مو كان يبيلك كف عشان تعرفين ان الله حق
لينا: مدي يدك
مطلق: هي بنات اسكتو صدق انكم بزران
....................................
في سياره الين
الين: يمه بنات ما تدرون وش صار في السوق
لارين: وش صار
ريناد: الحب جاء عندها
رنيم وراما: مطلق
الين: اي
رنيم: وش يبي
لارين: مشتاق يا رنوم
راما: اي كملو وش صار
ريناد: ابد يا طويله العمر جاء عند الين من وراها وتكلم معها عاد مدري وش قال وبعدين الين انفجعت منه وبدا الاخ يتغزل بعدها بدا يهدد اقولكم رايح فيها هو
راما: كذابه هو يتغزل من متى؟
الين: من قبل ما اعرفك انتي
رنيم: ما يستحي جاي من وراها وقدام الناس
الين: عساس هو عمره استحى
لارين: اما ما يستحي؟
الين: لا ما يستحي
ريناد: معليكم منه وش شريتو
لارين: في يوم الملكه تشوفون
راما: من راح مع ملاك؟
الين: احلام
ريناد: اي والله طفش
بعدها وصلو البيت قبل اذان العشاء وصلت كل وحده فرضها
ريناد: بكلم عزوز ابي ارقد عندكم
الين: ونادي عزوز بعد
ريناد: اتوقع مراح يرضى
الين: لا معليك بيرضى واقعدو بغرفه عزوز
ريناد: اشتقت ل غرفتي
الين: عشان ما يزعل عزوز نامي بغرفته عادي
ريناد: اذا جاء يصير خير
لارين: بنات بروح غرفتي اذا اذن بصلي وبرقد
الين: حتى انا صدق اني برقد
مطلق: تو الناس
الين: رح غرفتك يا حبيبي وارقد وراك بكرا شغل يلا
احمد: الين لا تصيرين متحكمه فيه عشان ما يعصب بعدها يقلب البيت فوق تحت
مطلق: والله وتعرف وش بسوي
احمد: حافظك والله
ريناد: الين عزوز بيجي بس بينام الليله
الين: رنود انتي مو طبيعيه عزوز مسويلك شي
ريناد: لا معليك مو مسوي شي
الين: ريناد اسمعي قولي لي عزوز وش مسوي
ريناد: عزوز طلع صدق نفس مطلق بس اذا جاء ينام يقعد يعصب علي ويهاوش والصبح يقعد يتاسف
الين: مو زي مطلق مطلقوه غير هو لما يهاوش اليوم الثاني يراضيك بس مطلق ما يراضي الا اذا جيتي عنده
ريناد: بس مطلق اشوا عادي انا اراضي بس عزوز عنده عادي ينام وهو مرتاح
الين: عساس مطلق ينام مو مرتاح الا مستانس
مطلق: من قال
الين انصدمت وقالت: والله انك نشبه بس تتسمع علينا ياخي مافي خصوصيه انت اقشر صدق لازم تتسمع وتدخل بموضوع مالك دخل فيه
مطلق: الا اسمع اسمي
الين: بزر انت اذا سمعت اسمك يعني نتكلم عنك
مطلق: اي بزر
الين: مطلق
مطلق: عيونه
الين: لحول بيرجع يتغزل فيني اقول حبيبي يلا غرفتك يلا بكرا الوعد اذا ما وافقت
مطلق: ما يمديك ما توافقين على حبيبك
الين انجنت وقالت: اعلمك من حبيبي يلا غرفتك يا شاطر
مطلق: فلونا
الين: خير
مطلق: تقولين لي خير
الين: لا شرايك بقول لبيه
مطلق: بتطلع منك حلوه
الين: مطلقوه
ريناد: يمه وش ذا انت انسان في احد يتغزل ب بنت قدام احد
مطلق: زوجتي مو اي بنت
الين: ما صرت زوجتك للحين
مطلق: واذا قلت لك ان بنروح البر يوم الخميس
الين راحت له وضمته وقالت: كذاب
مطلق: والله بنروح
الين: اخخخخخ احبكككككك
مطلق: ونا بعد احبك
ريناد: ما تستحون انتم
الين: اقول ضفي وجهك كل شي عندي لا الا البر
مطلق: الين خلاص يكفي
الين: وشو يكفي
مطلق: فكيني خنقتيني
الين فكته وقالت: l'm sorry
مطلق: معليك عادي فداك
الين: خلاص حبيبي فليتها ترا يلا رح نام
ريناد: اخيرا رجع عقلك
الين: معليك رجع بس احبه وش اسوي احبه وش اسوي يعني
مطلق: فديت الي يحبوني
الين ضربته على يده وقالت: فليتها يا قلبي يلا
مطلق: يا فديت قلبك
الين: خلاص يا شيخ ترا كلامك ذا يخلي الي تكرهك تحبك غصب يلا اطلع برا
ريناد: يمه كلامه صاير حلو
الين: وجعوه انتي شدخلك
مطلق: الغيره توجع
الين: مالها دخل الغيره بس هي شدخلها الكلام موجه لي ولا لها
مطلق: لك انتي هي مالها دخل
ريناد: انا بطلع برا الغرفه من رخستكم
الين: ليه اقعدي
ريناد: وين اقعد شايفته هو موجود ما يخلي الواحد حتى يتكلم
الين: مطلقوه يلا برا
الين مسكت يده وطردته وقالت: لا عاد ترجع
مطلق: افا يا فلونا كل ذا عشان ريناد
ريناد: والله كفو بنت عمي
الين: ما عليتس زود
بعدها قعدو يسولفون وانتهى يومهم بسوالف
........................................
في اليوم الثاني
قامت ام عزوز وراحت عند الين
ام عزوز: الين يمه قومي يلا
الين: قمت يمه قمت
ام عزوز: بسرعه اليوم ملكتك يا بنتي
الين: والله قمت روحي قومي ابو جوال ما نام الليل كله
ام عزوز انصدمت من ذا ابو جوال وقالت: منهو ابو جوال؟
الين: مطلقوه
ام عزوز: مطلق صار مطلقوه
الين: اي مطلقوه وش تبين اقوله يمه
ام عزوز: قومي انتي قوميه
الين: لا يمه يرحم امك مابي اقومه
ام عزوز: ليه يمه؟
الين: ولاشي يلا قمت بصلي وبقومه
ام عزوز: شاطره يلا
بعدها قامت الين وصلت وراحت عند مطلق
الين: مطلق عادي ادخل
مطلق: ادخلي
الين: وجع للحين نايم متى ناوي تقوم حبيبي
مطلق: واخيرا قلتي حبيبي
الين: بس اليوم ترا
مطلق: OKEY
الين: اي يلا قوم
مطلق: واذا ما قمت
الين: عناد ما ابي
مطلق: فلونا حبيبيتي انتي ابي ارقد تسمحين
الين: لا ما اسمح يلا قوم
مطلق عصب عاد كل شي الا النوم وقال: الين اتركيني ابي ارقد
الين خافت من عصبيته ل اول مرا وقالت: طيب شفيك تعصب ما قلت شي
مطلق: خفتي
الين: يع تقهر لازم اخاف يعني
مطلق: انا ما ودي اخوفك بس انتي ما تخلين الواحد ينام
الين: كله من ماما خلتني اقومك انا قلت لها مابي بس غصب
مطلق: خالتي هي الي قالت لك
الين: اي امي ولا نا ما ودي اقومك
مطلق قام وقال: ليه ما ودك
الين: لان دايم تعصب علي اذا جيت اقومك ولا تقعد تهاوش ونا متحمله واسكت ترا مو حلوه منك انك تقعد تهاوش طفله لسا ما تعدت العشرين وتخليها دايم تصيح بسبب هواشك ذا ونا اسكت واتحمل اذا تزوجتك من اول يوم ونا راقده بالصاله اذا بتسوي كذا معي ترا انت ما تعرف اقعد يوم بدون هواش لازم تهاوش اذا ما هاوشت تزعل من احد وتحطها علي وتقعد تهاوشني ترا مو لعبه انا قدامك كل ما تبي تهاوش واذا ما تبي تقعد تتغزل
كانت تقول الين الكلام وهي تبكي
مطلق: الين انا لما اهاوش اهاوشك على سبب وخلاص لا تبكي يا قلبي ما عاد اهاوشك
الين ضمته وقالت: وعد؟
مطلق حضنها وقال: وعد
الين: مراح اداوم ذا الاسبوع ابي اروح البر تكفى
مطلق: خلاص بغيب معك ونروح شرايك
الين: تمام
مطلق: انتي طفله صدق
الين: بس الطفله ذي تحب واحد حلو بس انه عصبي بس انه يجننننننن
مطلق: الين تصدقين ان من اول ما نزلتي من الدرج بزواج اخوك اضن سحرتي قلبي بجمالك
الين: ونت كنت طالع مز بالثوب اخخخخخ بس
مطلق ضحك وقال: انتي سرقتي قلبي وسرقتيني كلي
الين استحت وبعدت عنه وقالت: خلاص بروح
مطلق: تمام
........................................
في غرفه راما
سمعت دق على الباب
راما: مين؟
الين: الله يرحم امك دخليني
راما فتحت الباب وقالت: شفيك انتي
الين: مطلق
راما: شفيه مطلق
الين: ولا شي
راما: اقولك قولي وش فيه
الين: الساعه كم
راما: بياذن الظهر
الين: بروح اشوف البنات
راحت الين وقومت البنات كلهم وجت الكوفيره وخلصو على العصر
........................................
في غرفه الين
لبست الين وخلصت