مــــالــــي فــــي حـــــب غـــــيـــــرهــــا✨💕

الجزء الثالثه والعشرون

.
.
.
.
.
بعد العصر
صلو كلهم وخلصو صلاه
مطلق جاء عند الين وقال: الين كيفك الحين؟
الين: لا الحمدالله بس يعورني شوي
مطلق: مو زي قبل صح؟
الين: اي معليك مو زي الفجر كان ما يمديني امشي الحين قدرت الحمدالله
مطلق: الحمدالله
الين: تبي شي بروح انا
مطلق: لا سلامتك بس انتبهي ل نفسك
الين: ابشر ولا يهمك
بعدها راحت الين عند البنات
احلام: يمه قبل شوي كان ظهري يوجعني مرا حسيت انه بينقص نصين
غاده: يمه وش ذا انا اشوا منك كان يعورني بس مو ذاك الزود
الين: احلام لما قمتي طحتي ولا؟
احلام: عساس اني قمت ما تحركت الا الظهر عشان اصلي ولما قمت حسيت اني بطيح بس الحمدالله كملت ولا صار شي
الين: يمه بس انا شفيني غريبه؟
رنيم: انتي بالشهر كم؟
احلام: 3 شهور ونص
ملاك: مشاءالله الله يهنيكم
رنيم: مشاءالله اسمعي احلام اذا جبتي ولدك نصيحه مني البزران لا يشوفنه
ملاك: مافي بزران غير بنتك و ولدي
راما: حرام عليك رنيم تراهم اطفال للحين
غاده: وش فرقت بين اطفال وبزران
رنيم: مدري عنها
لارين: رمو اذا دخلتي جامعه انشاءالله وش راح تدخلين تخصص؟
راما: احلم انا بالطب او ادخل هندسه مدري
لارين: اذا دخلتي الطب اي مجال بتدخلينه؟
راما: طبيبه اسنان
ريما: ما احسه حلو
لارين: ليه وش تبين مثلا
ريما: ودي جنديه
لارين: والله خلي ابوي يوافق بعدين قولي جنديه
لينا: انتي وش تبين تدخلين
لارين: طبيبه اطفال
الين: علامكم كلكم على الطب عايلتنا بتصير عايله الطب نصهم طب
لينا: انا غير
غاده: عشتو وش تبين تدخلين مثلا؟
لينا: مدري محتاره اداره اعمال او تقنيه المعلومات او الاداره او علم النفس
غاده: شوفي اداره اعمال هذا وجهي اذا دخلتيها
الين: علم النفس انتي علمي نفسك بعدين علمي الناس
لارين: واصلا بتقعدين 4 سنوات تدرسين
الين: عادي انا 6 سنوات وخلصت سنتين باقي 4 سنين
غاده: عادي عندك
الين: انا احب ذا التخصص وترا كل سنه يعطونك شي جديد اصلا لازم 6 سنوات تدريس لازم تتعلمين
راما: من تعرف عيال عمامي وبناتهم كم درسو سنه في الجامعه؟
الين: انا اعرف عن عيال عمي ابو فهد
غاده: ونا اعرف عن عايلتنا
راما: يلا قولي
الين: فهد مده الدوره تاهيل الجامعين عام دراسي واحد يتكون من ترمين ملاك ثلاث سنين رنود سبع سنوات والسبب خمس سنوات تدريس وسنه تحضيري وسنه للتدريب في برنامج الامتياز خالد ست سنوات لانه في طب الجراحه زي بس وخلصنا
رنيم: مشاءالله عليك تفسرينه تفسير
غاده: يلا نبدا معي ليث اربع سنوات تدريس رنيم تدرس اربع سنين محمد يدرس اربع سنوات احلام  تدرس ثلاث سنين في العداله الجنائية مطلق اربع سنين ومن الممكن يتخرج في ثلاث سنين ونصف اما انا ادرس اربع سنوات
راما: مشاءالله عليكم فصلتوها تفصيل باقي عايلتنا
الين: خليكم معي اقولكم عايلتنا
لارين: يارب ما يكون الكلام اطول من حياتي
الين: اصصصص خلوني اركز يلا عزوز يدرس ثلاث سنين اما انا ادرس ست سنوات والحين باقي لي اربع سنوات اما احمد يدرس اربع سنوات وبكذا خلصنا
ريناد: الين ممكن تشرحين لي ما هو علم النفس
الين: لحول ما تعرفين وشو علم النفس
لارين: كلنا ما نعرف يلا قولي
الين: طيب علم النفس يمكن تلخيصه في مدى قدرته على ضبط الانفعالات والسلوكيات التي تصدر عن الإنسان بشكل لا إرادي
لارين: طيب علم النفس هو من التخصصات الطب صح؟
الين: نعم ذلك صحيح
غاده: يمه وراك قلبتي للغه العربيه الفصحى
راما: شدريني عنها قلبت فجاءة
الين: انتي معلمه لغتي ليه ما تتكلمين بالغه العربية الفصحى
غاده: توني بالجامعه يا شيخه ما درست
لارين: الله يعينك الطلاب قشرين
الين: نعم يسبب لك صداع بالراس
ريناد: اكيد الصداع بالرس اجل من وين
راما ورنيم: هههههههههههههههههههههههههههههههههههههههههههههههههههههههههههههههههه
احلام: بنات يلا نقوم نساعد خالتي
الين: اي والله خالاتي كلهم وامي يشتغلون وحنا نسولف عن العيال وجع ما نستحي
(هم يقولون ل زوجات عمانهم خاله)
غاده: اي الحب من بينهم
ريما: بنات اخلصو نقوم اسمع امي وخالاتي يسبون فينا
لينا: وش يقولون مثلا؟
ريما: يقولون ذولي ما منهم سنع وما يعرفون شي الا السوالف وقدام العيال
ريناد: وقسم ل عزوز يكرهني
رنيم: انا الي بروح فيها ليث يحب المره السنعه مو الطايحه وتسولف عن خلق الله
احلام: لي عذر صح؟
الين: نعم لكِ عذر
غاده: الين مو خايفه ان مطلق يهاوشك
الين:? No, why is he bothering me (الترجمه لا وليه يهاوشني)
غاده: انك ما تساعدين امه
الين: مواعدني ما يهاوشني
راما: wow
الين: what
لارين: اتركو عنكم الانجلش لا يجيكم احلا فصله من عمي نواف ل تأكلون زق
الين: نعم صحيح ل يجينا كف من عمي نواف وناكل زق
بعدها راحو عند امهاتهم وقعدو يساعدونهم
عند الرجال
مطلق: يبه الحين اذا تزوجت شرايك اشتري بيت؟
ابو ليث: نعم يا حبيبي لا في بيتنا ونت تاخذ غرفتك تاثثها من جديد او زي كذا تبونها بكيفكم وغرفه الين بكيفها الين تسوي الي تبيه في غرفتها عشان تكون قريبه من ابوها واخوانها وامها واخواتها
مطلق تحطم وقال: ابشر يبه
ابو عبدالعزيز: ليه ما تخليه على كيفه يابو ليث
ابو ليث: ما خليت اخوانه يطلعون تبوني اطلعه هو
ابو عبدالعزيز: الله يهديك
ابو ليث: انت بتطلع بس اذا تزوجتها وجبتو اطفال بعدها بكيفك بتطلع مراح تطلع بكيفك
مطلق: ابشر
...........................................
عند البنات
الين: بنات ناويين تنامون بالارض فليل؟
احلام: التوبه انام بالارض
غاده: ما عندي مشكله صراحه بس قبل ما ننام ننظف المكان احس في شي
ريناد: انا مع غدو
راما: احساسك بيطلع صح؟
غاده: يمكن
لارين: طيب ننظف الحين؟
الين: عشان يجيك كف من امي عشان ما ساعدناها
ريما: بعد المغرب ننظف الحين بنسوي الغدا
الين: صح
لينا: بنات ليه ما نروح البيت ننام هناك؟
الين: انا مشتاقه للبر عشان كذا مراح اروح
غاده: بروح اشوف الريم
احلام: مو ناويه يا غاده تسابقيني؟
رنيم: احس انها تابت تسابق احد عشان ما تخسر
غاده: اسابق احلام بس
احلام: تم
ملاك: بعد الغدا
الين: من تسابقني؟
ريناد: انا
لينا: ونا معكم
الين: لينا من الحين احس انك بتخسرين
لينا: الكسندرا سريع
غاده: ترا صدق انا جربته
ريما: والله سريع
الين: ريمو انتي ما تعرفين تطبخين روحي دربي لونا
ريما: والمقابل؟
ريناد: اعطيك 200﷼ بس دربيه
ريما: متاكدين ما تنصبون علي؟
ريناد: وعد مني اذا فازت الين ودربتي لونا ل اعطيك ياها كامله تبينها كاش ولا تحويل
ريما: الله يرزقكم ابشرو اروح ادربها الحين
الين وريناد: ههههههههههههههههههههههههههههههههههههههههههههههههههههههههههههههههههه
بعدها قعدو يضبطون الغدا
...........................................
عند العيال
مطلق: عزوز متى يخلص الاكل جعت
عزوز: مدري متى يخلص شايفني عند الحريم انا
مطلق جاته رساله من غاده مكتوب (مطلق تكفى نبي مشروبات من البقاله)
مطلق قام وقال: من رخصتكم انا بطلع
عزوز: وين؟
مطلق: بروح البقاله
عزوز: تمام بجي معك
سعود: عزوز جبلي
عزوز: يصير خير
بعدها راحو عند البنات
...........................................
عند البنات
الين شافت عزوز ومطلق جايين
الين: رنيم وملاك واحلام تغطو العيال جايين
غاده: من الي جاء؟
ريناد: عزوز ومطلق
الين: صح عزوز ومطلق جو
تغطو رنيم وملاك واحلام
غاده: هلا والله وش جابكم؟
مطلق: انتي راسله تبين البقاله
غاده: صح يوه نسيت
مطلق: وش تبون اخلصو
الين: انت تعرف وش ابي
ريناد: ابي ديو
غاده: ابي انا ريتا كولا
راما: ريتا بلو
ريما: ايس تي
ملاك: ونا ابي ريتا
مطلق: اي لون؟
ملاك: احمر
لينا: ابي ميرندا برتقال
احلام: ابي ريتا كولا
رنيم: ابي ريتا بلو
مطلق: تمام بس؟
الين: ابي كندر
مطلق: ابشري
الين: تبشر بالجنه
عزوز: غيره؟
ريناد: ابي بطاطس حار نار
عزوز: طيب
بعدها راحو البقاله
الين: بنات وقسم طفش
ريما: يلا نظفو الخيمه
راما: انقلعي انتي نظفي شايفتنا شغالات عندك
لارين: طسي انتي نظفي
الين: اقول اذلفي مو ناقصتك
لينا: لحول ياليل البزران
ريما: مو عساس تنظفون الخيمه عشان النومه؟
الين: طسي نظفي انتي واذا ما نظفتي لحالك والله ل اقوم عليك
غاده: يمه ما حسيتك شريره ل ذي الدرجه
الين: لا تخليني اقلب عليك انتي بعد لا اصك كف مع ذي
احلام همست ل رنيم وقالت: شفيها الين قلبت
بعدها مطلق وعزوز جو
غاده ركضت عنده وقالت: الين غريبه اليوم
مطلق: ليه؟
عزوز سمعهم وقال: الين شفيها؟
غاده: تخيلو عصبت علي وعلى ريما وتهاوش
عزوز: غريبه؟
الين جت واخذت الاغراض ورجعت
راما: الين شفيك
الين: انتي بعد طسي
مطلق سمعها وقال: الين شفيك
الين: مافيني شي لا تخلوني اقلب عليكم كلكم
عزوز: الين شفيك كذا غريبه اول مرا تسوين كذا؟
الين: مافيني شي ياخي
بعدها الين راحت بعيد وقعدت
مطلق سال غاده وقال: سويتي لها شي؟
غاده: لا بس ريما قعدت تتامر علينا وقالت نظفو الخيمه حقت الحريم وفجاءة قلبت
مطلق: ريمااا
ريما خافت وقالت: هلا شفيك انت
مطلق: شايفه البنات عندك خدم
ريما: ااا لا مو قصدي
مطلق: طسي وروحي نظفي انتي ولا اشوفك تتامرين عليهم
ريما: ابشر
وراح مطلق عند الين
الين: نعم مطلق وش تبي؟
مطلق: الين حبيبتي شفيك انتي؟
الين: مافيني شي بس ممكن تروح عند الرجال
مطلق: ماني رايح لين تعلميني وش فيك؟
الين عصبت وقالت: شوف بتروح ولا انا اروح
مطلق مسك يدها وقال: علميني وش فيك
الين بدت تبكي وقالت: ريما شايفتني خدامه عندها وبس ملقوفه وتتلقف انا ما احب البنت الي كذا
مطلق ضمها وقال: انا هاوشتها خلاص الين لا تبكين يلا تعالي معي يلا
الين: طيب
وراحو عند البنات بعدها راح مطلق عند الرجال
.
.
.
.
.
.
انتهى البارت🥺❤️‍🔥