Ancient love poetry(Myanmar translation)

ချင်းမု

ဖုန်ရန် ဟုန့်ချီ၏အမူအရာလုပ်ပြကာ သူမအားရွဲ့နေသည်ကို ကြည့်ပြီး မျက်နှာ မဲသွားလေသည်

သို့သော်လည်း သူမ ဘာမှ မဆိုတော့ပဲ လုလင်ပျိုရှိရာသို့သာ လှမ်းကြည့်နေလေသည်

ထိုလုလင်ပျိုသည် သူမတို့ရှိရာသို့ တဖြည်းဖြည်း လမ်းလျှောက်လာရာ သူ၏မျက်နှာကိုလည်း တဖြည်းဖြည်းရှင်းလင်းစွာ မြင်ရလာလေသည်

လုလင်ပျိုသည် ပေါင်းပင်များရှိရာ ခြံစည်းရိုးနားသို့ပင် ရောက်ရှိလို့လာလေပြီ

သူသည်လည်း သူမတို့နှစ်ဦးကို မြင်သော် အံ့အားသင့်သွားကာ ခြေလှမ်းများ ရပ်သွားလေသည်

ထို့နောက် အိမ်ဝိုင်းအတွင်းသို့ ခပ်သွက်သွက် ဝင်လိုက်ပြီး

"အကျွန်ုပ်က လျောင်ဝမ်တောင်ကို ဘယ်သူဝင်လာတာလဲလို့ စဉ်းစားနေတာ လက်စသတ်တော့ အကြီးအကဲနတ်မင်းဖုန်ရန်တို့ကိုး"

နွေးထွေးဟန် လေသံပျော့ပျော့လေးသည် ထိုလုလင်ပျို၏ မျက်နှာထက်က အေးစက်မှုများကိုပင် လျော့ပါးစေသယောင်

ထိုလုလင်ပျိုသည် အားပြင်းသော နတ်စွမ်းအင်များရှိပြီး မျက်ဝန်းနက်အစုံသည် လျှို့ဝှက်ဆန်းကျယ်သော အငွေ့အသက်များဖြင့် ပြည့်နှက်လျက်ရှိလေသည်

ရုပ်ရည်အသွင်အပြင်ကို ဆိုမည်ဆိုလျှင်လည်း ကြော့ရှင်းသော ဟန်သည် သုံးလောကတွင် ထင်ရှားသည့် ဒုတိယမင်းသားကျင်းကျန်နှင့်ပင် ယှဉ်၍ရနိုင်သော အနေအထားပင်

သမုဒ္ဒရာပမာ နက်ရှိုင်းသော လုလင်ပျို၏ မျက်ဝန်းနက်နက်များကို ကြည့်ရင်း ဟုန့်ချီရင်းနှီးနေသည်ဟု ခံစားမိလာလေသည်