الاسكريبت الرابع
حكايه مجنونه
انتى يا نيله انتي يا فقر البيت سيب اللي يولع على دماغك ده وتعالي ساعديني هو انا الخدامه اللي كان جايبهلك ابوكي قاعده ماسكه اللي يولع على دماغك و سايبه امك مطحونه في قلب المطبخ بقى انتي بذمتك عروسه وعندك ٢٤ سنه ده انتي اللي زيك شايل مسؤوليه بيت وعيال لولا انك بيره ومحدش راضي يبص في خلقتك وبعدين هو مين الاهبل اللي هيتجوز واحده زيك هي امه داعيه عليها ده انتي ما فيكيش ميزه واحده توحد ربنا مش بنتى بس انى مش لقيه حاجه واحده اقولها اشكر فيكى بسببه بتنامي لحد الظهر وماسكه اللي يولع وما بتسيبهوش ولا كانك هتحضري دكتوره فى الهباب اللى بتقراء دهو
كان ذلك الكلام يخرج من المطبخ في احد البيوت الصغيره من السيده وفاء تحدثت
هند بسخريه وهي تقول :قولي يا ماما ان كمان ان اللي بيجيلي اشكال عجر وعايزين الحرق انتي نسيتيها يا حبيبتي
وفاء بغضب: اه يا برودك انسانه بارده و مستفزه بقولك اى يا بت انتي ابوك هيجي الساعه 6:00 وانتي من ساعات ما صحيتي وانتي ماسكه الزفت قومي ساعديني في قلب المطبخ بدل ما عليا النعمه اقلع الشبشب اللي في رجلي واديكي بيه اه انتي اللي زيك عندها عيال لكن هقول ايه وبعدين اصلا المفروض ان انا اقعد ست هانم وانتى اللي تخدميني بس هقولي اى الزمن اتشقلب حلو
هند بملل :حاضر يا ماما شوفي انتي عايزاني اعمل ايه وانا هعمل على طول
وفاء بغضب: هو انتى بتهديني هو انا مجنونه ولا يمكن شيفاني بشد فى شعر وانا مش عارفه
نظرت هند الى امها بهدوء وهي تقول: يا ماما انتى مش قلتي عايزاني اقوم اساعدك وانا بقولك حاضر ايه لازمه الكلام اللي انتي عماله تقوليه دوت
وفاء بغضب: لا يا حبيبتي انا اتكلم براحتي واقول اللي انا عايزاه هو انتى هتقولي ليا اقول ايه ولا مقولش ايه
نظرت هند الى امها وهي تقول: لا يا ماما مش هقول يا حبيبتي اقولك على حاجه انا طالعه عند مرات عمي هقعد معاها عشان انت شكلك متعصبه خالص دلوقتي ومش هنعرف نتعامل مع بعض
قالت هذا وهى تغلق الباب خلفها حته انها لم تترك فرصه لوفاء لكى ترد عليها
صعدت الى شقه عمها وهى تتحدث مع نفسها بغضب لا تعرف لماذا امها دائما تسخر منها ومن تلك الروايات اللى بتقراها حته انهاةلم تلاحظ ذلك الجسد الذي خبطت فيه
رامى بابتسامه:اى مالك يا هند بتكلمى نفسك ليه
هند بسخرية:ماهو انت ليك حق تضحك ماهو انت مش كل يوم امك تقعد تزعق فيك ماهو دائما الواد حبيب امه انا مش عارفه انا ليه مطلعتش راجل بدل الهم اللى انا فيه ده
رامى بابتسامه:انتى ليه بتقولى كدا بس يا ستى ده انتى احلى بنوته فى الكون كله وبعدين مرات عمى اكيد بتزعق بسبب حاجه قولى بقا انتى عملتى اى معاها خلها تزعق
أنت تقرأ
حكايات بنات
ChickLitده مسلسل مختلف و متنوع هو مجموعات اسكريبت المختلفة هنزل هنا اى اسكريبت بعمله و الاسكريبت دى هتنزل فى رمضان مسلسلات على اليوتيوب عقبال ما تنزل مسلسلات بجد هستنا رايكم فى حكايه البنات