طَغيان الشيِخ صَفوان.

تَكملة Part 2

بَِسـم الله الࢪحـمـٰن الࢪَحيم

روايـة:طَغيان الشيِخ صَفوان
للكاتبه #الريم_دَرويش

مظفر النواب :
ليش غادرْت السِفينه وأنا جَايبلك بّحر

‏

﮼بَِسـم الله

....................................................................

.. رِساله ورى رِساله نفخت بضجر ورفعت التلفون حتى اشوف منين جان من رَقم ستغربتت منو هذا ياترى؟
فتحت الرمز ودخلت ع المحادثه جانت عباره عن صور! لبنت فاضحه ورسائل، شهگت بقوه وانا احط ايدي ع حَلگي احس دگات گلبي مسموعه رَجعت التلفون لمكانه وگعدت ع الجربايه (سرير) وانا اتذكر المحادثه

مشتاقتلك"
حبيبي عُرفتني"
مشتاقيتلي؟"
صدوگ اتزوجت؟"
وينك لويش مترود"
.. وهواي كلمات مو حلوه توصف بعضهم من جانوا ع فراش واحد، احس گلبي گام يأذيني..

قَبل سَنه

:يُما شنو يعني هسه ترا صدك بعدني صغيره والله مابيها شي اذا كبرت شويه والله اوافق

:ولج يمه هوَ بيدي بَس فهميني بيدي هوَ، شنو عبالج مكيفه(فرحانه) وانا اشوفج هيج والله يمه الي صار بيج صار بيه وهم حجيت وصيحت وگلت ماريد هاي هيَ هاي تاليتي بعد الصياح متزوجه وحبلت وصارو بطولي
شنو بيدي اسوي گليلي يمه والله ماقصر بنيتي انتِ  ﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ﴾ هيج كلتلي امي الله يرحمها والحمدلله على كل حال

.. بجيت وانا إذب روحي بحضنها، بدت تمسح ع راسي وتقرأ آيه الكُرسي سمعت صوت الباب، گمت من حضن امي وانا امسح بدموعي، دَخل ابوي وهوَ مبتسم وگال..

قحطان : بابويه تبجين حرامات هاي لعيون الحلوه تبجي شبيها بنيتي ليش تبجي منو وياها

.. بتسمت وانا امسح ابوجهي

أروى: أدلل عَليكم

قَحطان: ادللي بويه ادللي كم أروى عندي هيَ بس وحده وراح ياخذونها لمايخافون الله

.. گال اخر كلماته بشقه، ضحكت وگتله

أروى:جا إذا بس أروى وحده لا تنطوها خليها عتكم لان هيَ هم ماتريد

قَحطان: وليش متريد أروتنه؟

أروى:لان بعدهي صغيره

قَحطان: امم ولان بعدج صغيره ماتردين؟

أروى: ايي

قَحطان:  بنيتي والله گلت الابوي اروى بعدهي  صغيرونه گال لا هل دخلت للـ١٦ كافي كبرت والله لو بيدي شي

.. دنگ راسه بأيس وكمل كلامه

قَحطان: گتله اخذ عائلتي واطلع من العشيره كلها وتخربط وطاح وهوَ هم ابوي يابويه واريد رضاء لان اهم شي رضا الوالدين