اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اولا اسمي سما شفيع حماد معروفه بكتابه رواياتي فاخر كل بارت ب اسم "سما شفيع"
بدات ازاي؟؟؟
فهو سؤال اجابته حاجه غريبه شويه
وقتها كنت فأجازه 2 اعدادي وداخله علي 3اعدادي ف الفتره دي دخلت عالم الروايات وعرفت يعني اي روايات واتشديت ليها اوي فكنت قارئه اولاا قبل مااكون كاتبه
بشكر صحابي جداا لان مهما اقول فهما اللي كانوا النور اللي نور طريقي ووصلني لحلمي بسبب جروب بسيط جدا نزله عليه روايات وبدائوا يقولوا لو فيه حد حابب انه يشارك ف الكتابه عرضت عليهم اول روايه وكانت اول بارت من روايه (حب السنين)
ودي بتحكي حلمي اني كنت وقتها ومازلت نفسي ابقا ممرضه ف التمريض العسكري ومن هنا الفت حوار مش موجود فلواقع خالص بس علي اساس حلم نا اتمنيته واتمني يتحقق
وحقيقي عجبتهم اوي واكتشفت من هنا موهبتي علي كتابه القصص والروايات وخيالي الواسع وقدرتي علي تأليف مواضيع خفيفه وكوميديه ورومانسيه وبعض الاكشن
بعديها بسنه قررت اعمل روايه بنت اسمها زينه وكنت بناقش فيها عدم الثقه بلنفس وازاي قدرت تتغلب علي مشارف التوحد اللي كانت فيه وازاي نواجه مشكله عقيمه فمجتمعنا ان لو اي حد اتولد ومامته ماتت يبقا هو السبب ويفضلوا كرهينه طول حياته ودا بيسبب تعقيد وازاي تكون قويه وتتحدي العالم بما ان وراها شخص بيحبها وبيدعمها
وبعديها سنه بلظبط كتبت روايه (الفارس الاسود )
وبتتكلم عن بنت جدها اداها كتاب عشان هي بتحب الروايات واكتشفت ان الكتاب دا ليه سحر خاص بيشدها هي واللي المفروض رايحه عشان تعالجه من اكتئاب مذمن لجواه وبيعيشوا قصه جواه وبيتحدوا عالم مش عالمهم وبيقدروا يتغلبوا ف النهايه عليه وبيخرجوا وجوا الاتنين مشاعر مختلفه تجاه الاخر وبتبدا قصه حب تنشأ من هنا برغم صعوبتها شويه
ودي قصه خياليه وبردوا فيها كوميدي واكشن ورومانسي
وحققت اكبر عدد بلنسبه ليا
ودلوقتي بكتب ف (احببتك خطأ ) وهي متوقفه دلوقتي عشان الدراسه وان شاء الله هكملها
اكيد مش هكتبلكوا عنها اختصار لسه بتكمل😂😂 عارفه اني فظيعه ف اني بشوقكوا كتير اوي بس دي احلي حاجه والا مش هيكون في اهتمام ب الروايه اصلاا لو كل حاجه واضحه من الاول
مش هامنني مين قرا؟؟؟ فين التفاعل سيباها علي ربنا لان لو هو عاوزني ابقا حاجه فهبقا حاجه فعلاا لوحدي من غير مأزمها علي نفسي
ف النهايه بشكر كل اصحابي اللي واقفين جنبي وبيدعموني ومش سايبني ودول يكفوني عن مليون حد هما بيهم كلهم
ودا بردوا مش مانع انكوا حبايبي بردوا بهزر مبتهزروش ولا اي 😂♥️♥️✨
ولم يتوقف قلمي عن الكتابه ورغم اي ظرف سأظل اكتب واعافر حتي اوصل حلمي الي القمه ♡) :..
