وليَكُن طفلة ؟

بارت 1

القصة حتكون باللغه الجلفيه البغداديه بطلب من صاحبه القصه

هلو اسمي سما عمري 17 مبطلة من الدراسه بسبب العادات والتقاليد الجايفه الي عشت بيها ابوي محمد وعمره 50 سنه وامي سميه عمرها 49 سنه اني وحيده الاهلي لا اخو ولا اخت عندي ونكدر نكول المدلله اهلي مدلليني بكلشي بس متوارثين العدات والتقاليد الجايفه من ابائهم المهم القصه هاي بالفين وواحد وعشرين حتكلولي بعدها الفصليه موجوده اي موجوده واني ماوعيت عليها الا لمن صارت الخادثه وامي سولفتلي وعرفت شنو فصليه بس طلعت صدك موجوده جنت اشوفها كلها جذب وخصوصا بمحافظات الجنوب

المهم كلعاده صحيت الساعه 12 الضهر على عياط امي
سميه : شنو نجلبتي عالنوم شوكت تكعدين تتغدين اني اضل وراكم همينه اريد ارتاح اريد انام
سما : اي يمعوده كعدت خل اغسل واجي
( طبعا بيتنه متوسط وحالتنه متوسطه لان احنه عائله صغيره اني وابوي وامي بيتنه طابقين فوك غرفتي وغرفه ابوي وامي وجوه صاله وحمام ومطبخ ومخزن صغير كاي عائله عراقيه )
سبحت وشسورت ونزلت يم امي اكلت ولميت المواعين شمرتهن بالغساله وصحت امي تعلكها لان ماعرف وكلتلي رتبي الصاله رتبتها وصعدت فوك كلتلها ماما حسوي ليزر لحد يصعد طبعا احنه جايبين الليزر المنزلي يخبل صارلي سنتين عليه ولا شعرايه تطلعلي كعدت علكت اغاني اجنبيه طبعا اسمع اجنبي لان امي كل متشوفني اسمع عربي تكلي ها عاشكه تحبين فكمت اسمع اجنبي لان هي متفتهمه خلصت وكملت ورجعت نمت هههههههههههههههههه بس شسوي ماكو شي اسوي

كعدت بليل الساعه عشره شفتهم كاعدين بالضاله سلمت على ابوي وامي وكاموا يحجون
سميه : يمه باجر نروح البيت عمج نامي من وكت حتى متنعسين
سما : خوش بس شوكت صبح ضهر عصر
سميه : الضهر نروح
سما : خوش حتى اغير جو ( طبعا بيت عمي حسنته الوحيده اكلهم اكلهم طيب مافوت الطلعه لازم اروح ضليت الليل كله كاعده اباوع مسلسلات كوريه جان بوكتها فتيان الزهور ختمته وراه كمت خليت ال مات مال الرياضه تمرنت تقريبا الساعه خمسه الصبح ساعتين ضليت للسبعه اني اعشق امور الرياضه وهاي السوالف امنيتي اتخصص بهيج مشروع بس العادات زربه ومكملت ضليت مكتفيه بالمعرفه لنفسي وطبيت سبحت وطلعت صليت وراها جانت الساعه ثمانيه ونص كعدت امي ابوي كاعد اصلا ورجعت للغرفه فتت للانستا اكلب طلعت بوجهي مرت علش وننش وستورياتهم لمحمضه طبيت اضحك على ستورياتهم واعلق جان تشوفه وتبلكني ضجت ليش تبلكني بعد عليمن اضحك عفتها ونمت )

الساعة 10:00
سميه : بت النعال يعني راح همينه تاخرينه وهمه عازمينه على غده شوكت تكومين
سما : اي هسه خمس دقايق
سميه : ابقي بالبيت لا هسه احلف ماخليج تجين
سما : يمعود كمت شكيتيني
كمت واني ميته نعس فتت غسلت وجهي وبللت شعري حتى اشسوره اني مو محجبه رادو يحجبوني وكلبت الدنيا كتلهم من اقتنع بي البسه مو تخلو براسي غصب واني مضابطه امور لحجاب لمهم كملت جانت صيف جان عندي بنطرون بيجي معرفت شلبس ويا رحت كتبت اوتفتات وطلعلي واستوحيت منه لبس لبسته واني شوي عندي ورك فعيب البسه واني رايحه على غده فلبست فوكاه بلوز اسود طويل شويه غطه المنطقه عندي وحذاء كونفرس اسود وجنطه سوده ورفعت شعري فوك وضفرت منا ضفيرتين وخليت عطري ومكياج خفيف كونسيلر ومحدد شفه وتنت علحلك ولخدود ومسكاره ونزلت لامي

اجه ابويه واخذنه رحنه هناك وسلمنه بيت عمي طبعا قليلين مو هواي همه ثنين عمام ثنينهن بنفس البيت وواحد مرته متوفيه ومعنده جهال والثاني متزوج وعنده ثنين جهال واحد اسمه خالد عمره 22 ومهتلف وصاحب صدقان سوء والثاني وليد صغير عمره 12 وبنيه عمرها 11 اسمها ريا

المهم ضلينه كاعدين اكلنه وكملنه واجه المغرب وصارت لهوسه رجع خالد وسابح بالدم امه تخبلت عليه وهو مستهتر حالته هستيريه يكول مو قصدي والله مو قصدي ويرجف طلع كاتل واحد وصدقانه موصلينه للبيت اني مهتميت الصراحه همه دومهم هيج مو معندي احساس بس شعليه كعدت اهدي بامي ضلت تبجي وتواسي بام خالد واني اواسي بيهم تعبت من المواساه شويه وسمعنه طلق منعرف منين يجي الدنيا نكلبت برا ........ يتبع

لايك للبارت اذا عجبكم حتى اذا معجبكم ما اكمل