وليَكُن طفلة ؟

بارت 7

احمد : نزلت اكيتهم كاعدين سلمت عليهم وكعدت اتريك واسولف ويه ابوي عالشغل
ابوي : بويه صايره مشكله بالشغل واحد ماخذ بضاعه وشارد بيها وهسه ديدورون عليه ومديلكونه
احمد : سهله بويه القبله باكو ولكفناهم
: لا بويه هالمره مو سهله الولد طلع عنده سجل اجرامي سابق ثنين قتل ويا كثر السرقه والاغتصاب المسويهم ويطلع بسبب معارفه
احمد : خوش بويه اليوم اروح واتفاهم وياهم
: بس ديربالك على نفسك بويه السالفه مو هينه تره

سما : كاعده اكل واسمعهم يحجون وحزن بكلبي اني حتى شغله ماعرف يشتغل بعدين كلت شدخلني من اني وصغيره ماحب اتدخل بالناس وهو اصلا رايد بنت عمه من الصغر فبقيت ساكته واكل

احمد : شفتها صافنه وتاكل بالصمونه ضليت اباوع عليها شويه وقطعت صفنتها
حمحمت يلا يمه اني رايح للشغل رايده شي

حلا : سلامتك وليدي لاتتاخر
احمد : خوش يمه
سما : من راح للشغل كملت عمو طلع همينه للشغل لميت الاكل ورهف ولما يتهامسون مناوين على خير تجاهلتهم كملت تلميم وصعدت فوك قفلت الباب وسويت اليوم جلستي مال ليزر كملتها ووقتت خمس ساعات حتى اسبح كعدت سويت مساج لشعري خليت زيت ترطيب  وخليت ماسكات لوجهي وكعدت اباوع دكت عليه امي رديت سولفت وياها اتطمنت عليه شافتني فرحانه وتطمنت عليهم ورجعت لمسلسلي صارت ساعه بالسته على هالمنوال ماكو جديد فتت سبحت وطلعت كالعاده شسورت ورتبت نفسي ولبست دشداشه مخصره بهاريه ونزلت جوه جانو جيران جايين سلمت عليهم طلعو جايين يخطبون رهف وهي موافقه ولما ضاجت لان اختها نخطبت وهي لا صار حجي بيناتهن عفتهن وصعدت لبست شورت وبلوز لان كالو يتاخر احمد واني احتريت فتحت السبلت وطفيت الاضويه وكعدت اكمل المسلسل

ساعه 12 بالليل انفتح الباب فات احمد تعبان ومو على بعضه فات سبح وكلي حضريلي ملابس اني ردت اعرف شبي قلقت حضرتله ورجعت كعدت
احمد : من طلعت من البيت رحت للشغل صار ملاسن ويه المدير ورحنه دورنه على الولد الشرطه تدور ومتلكاه لكيت صديقه جنزته من الكتل ومقبل يعترف على صديقه ورجعت للمدير ضل يعيط واحتمال نخسر الشغل بسبب هالسالفه وضجت على ابوي ورجعت للبيت لكيت الجو مظلم بالغرفه وبارده شتهيت انام فتت سبحت وطلعت بدلت ورحت يمها جريت التلفون قفلته وجريتها يمي
سما : يصير اسأل سؤال
احمد : هممممم
سما : ليش ضايج
احمد : مالج دخل
سما : ضجت وسحبت نفسي من عنده بس مكدرت
احمد : جريته وخليته تصير جواي نمت على صدرها وكلتلها لتتحركين صار هدوء واسمع كلبها صاير معزوفه وخرت منها نمت بصفها وخليتها بحضني
سما : شنو شارب ليش هيج تصرفاتك
احمد : اريد انام (بصوت نعسان )
سما : سكتت عفته ينام واني هم غفيت ونمت

الصبح كعدت لكيته ماكو ضجت ليش ما ادري بس ضجت كل ما اساله يكلي مالج دخل حتى رقمه ماعندي غسلت وبدلت ونزلت جوه لكيته كاعد ويحجي ويه ابوه سلمت وكعدت يم حلاوتي اكل
حلا : تجين للخطوبه مو يمه
سما : منو ومنو حيجي
حلا : كل لبنات يمه حيسووها بقاعه تعاي ويه البنيات غيري جو ما مليتي
سما : اي اوكي ماعندي شي
حلا : لعد اليوم اخذج نشتري فساتين ومكياجات اغيرلج جو
احمد : سمعتها تسولف وتكول اخذج وهي قبلت صحت
احمد : يمه خو كليلي شد كرون بعد واني متاخذين رايي على مرتي
حلا : يمه كلت ويه البنيات اخذها خطيه هالبنيه محبوسه صارلها بالشهر
احمد : خوش يمه بس هالمره ولبس مشلتح ماريد
حلا : وليدي قاعه وبنات خليها تتونس
احمد : اي يمه وذا بنات يعني مرتي يشوفوها لبنات خو كليلي شد كرون
سما : ديله مرتي ومرتي خبصتني هسه ابطل
احمد : شكلنه
سما : مجاوبته
سما : يلا حلاوتي حروح ابدل لعد واجي
حلا : خوش بنيتي
احمد : ردت اطلع بس كلت خاف تلبس لبس وتروح ويه امي كلت اشوف لبسها اتطمن واطلع صعدت وراها فتحت لباب جان مقفول شفتها بالداخليات فتت وقفلت الباب
سما : هاي شنو عزه توني عفت البنطرون دالبسه ركضت للحمام صار كدام الباب
احمد : اوف الله هاي وين ضامته عني
سما : خلي افوت شبيك تخبلت شهلخره الانت بي
احمد : هي تسولف واني اباوع حرت عالبياض عالخصر عالزرور وهي متعرف بشنو تغطي شابكه نفسها وواكفه تريد تفوت ماخليتها
سمعت صوت عياط امي بعدين تعوذت بالشيطان ليش كطعت هاللحظه عفتها تفوت تبدل ضليت انتضرها عالفراش
سما : احس صخنت فتت ذبيت مي بارد على وجهي وبدلت تسنطت سمعت ماكو صوت طلعت شفته كاعد

احمد : هاي شنو تطلعين هيج
سما : اي شنو تره مامتصلخه
احمد : خوب كليلي شد كرون
سما : شد كرون
احمد : رجعي بدلي لبسي عبايه
سما : والله ولا ابدل عبايه بهالحر خوي كلي موتي
احمد : موتي
سما : شكد قلود
احمد : متطلعين بهذا لبسج
سما : لعد شلبس ماعندي ملابس
احمد : كمت طلعت ملابسها كلتلها هذا شنو وهذا شنو لبست واحد من التيشيرتات العريضه
سما : ها هسه
احمد : المشكله مو بالتيشيرت بيج
سما : شنو الحل
احمد : متطلعين
سما : عطت باعلى صوت حلااااااااااا ابنج ميخليني اطلع
احمد : كمزت عليها اريد الزمها اسكتها
سما : روح حاجي امك اني شعليه يله بيباي رشيت عطر ورفعت شعري لان حاره نزلت خصل منا ومنا ونزلت خليته يلوب فوك
احمد : نزلت واني ضليت احوص طالعه حلوه خاف احد يسمعها كلام خاف يتحرشون بيها اخر شي لكيت الحل اخذت سويجي ونزلت

احمد : يمه اني حجي وياكم ماعندي شغل اليوم
حلا : ها يمه صدك بعد احسن مابيه اوكف هالبنيه بالشمس على تكسي
احمد : اي يمه امشي اوديكم
سما : سمعت بيه حيودينه عبست صعدت وراه بالسياره وامه بصفه

احمد : شفت ملامحها عبست من كلت اوديكم ضحكت عليها وصعدت وراي تباوع من الجامه ومتباوع بالمرايه تتجنبني وكفنه بالازدحام شفت الناس يباوعون عليها صحت بيها
احمد : صعدي القندره مال الشمس
سما : شنيه
احمد : هاي السوده جريها وصعديها
سما : اوكي صعدتها معاندت عيب من امه موجوده ضليت كاعده وهو يخنزرلي بلمرايه ماهتميت

وصلنه للسوك نزلت هو يمشي ورايه واني كدامه ولازمه ايد حلا ونمشي ونفوت نختار وهو يضل بالباب اشتريت كومه اشياء وشتريت فستان للخطوبه يصير لونه بنفسجي مدلع وبي فتحه من الظهر كلش حلو خلصنه كلشي بعدين التقينه ويه بنات عمهم رهف ولما وصديقاتهم واهلهم رحنه 3 سيارات لمطعم حتى نتعشه صار دنيه الليل واحنه ممتغدين حتى نزلنا واحمد جرني كعدني بصفه والبنات يباوعن
لما : ابن العم شعجب مخلي زوجتك بدون حجاب
احمد : مالج دخل
سما : طكيتها بضحكه وهو يكرص بيه من زروري منفوك البنطرون بس متوجع ضليت اغور بلما الزم ايده واسولف ويا وهي حتركت راحت للحمام

احمد : اتمنى تسويهن الي بالليل ذني
سما : دروح باع شون ماتت يايمه خربت من الضحك
احمد : ديلا وصل الاكل اكلي زين لاتوكعين
سما : شفت سما جتي كعدت لزمت ايده وحجيت بصوت مسموع
وكلني بيبي ايدي تعبت وبرطمت بوجه
احمد : ضحكت على تصرفها كعدت اوكل بيها وهي تتدلع كدامي تمنيت تسويلياهن بالغرفه مو تردلي الكلمه بعشره

خلصنا ورجعنا للبيت سبحت وتمددت وهي فاتت وراي سبحت وشسورت وكعدت تكلب بالتلفون يمي اخذت التلفون سديته وجريتها يمي اشم بريحه شعرها واحجي
احمد : تدلعيلي مثل اليوم بالمطعم
سما : دوخر جنت اضوج لما انت شنو فد شخصيه اتدلعلك
احمد : بوسيني
سما : ما
احمد : كولي مياو
سما : مياو 🐾
احمد : بستها وعضيتها جريتها لحضني ونمنه من التعب

يتبع ..........