ورا مصار طلق برا اني هنا جتني الخوفه ابوي وين ابوي خاف صار بي شي عفت امي رحت دورت تلفوني دكيت على ابوي مره مرتين 3 مارد مبجيت بس شايفين هاي الرجفه التجيكم هيج بدون سبب بس دكولون ماكو شي واستحي اذا احذ شافني ابجي هاي اني اسوي نفسي قويه واروح يم امي اسكت وبالي يم ابوي صارت الساعه بالتسعه بليل سكت الطلق وشفت ابويه اجه كال نضفو الضاله جايين اهل لولد اني فرحت ابوي مبي شي ابوي هادئ لدرجه يحسسك ماكو شي اخذتهم بالغرفه ورحت نضفت الصاله وكلت لابويه فوتو ضليت بالمطبخ واكفه شفتهم فاتو طلعت برا ادور على ابوي شفت واحد اشضخمه وشكده واكف بره ويدخن صحت بابه من الباب محد رد عليه صحت مره ثانيه جاوب الولد ياهوه ابوج العار ابو المجرم
سما : شعليك
: مو اجي اهينج بالقندره بنت الكلب اخوج الكلب ابن الكلب اذا ما اخذ دمه واغسل عاره
سما : هذا شبي المخبل كلت هيج وطبيت جوه بس عرفت هذا من اهل لمكتول
فاتو جوه سولفو ومدري شنو واسمع عياط ابويه بالصاله كلتله يوم تعبت اريد ارجع للبيت
سميه : يمه اصبري ماضل شي وابوج ياخذنه خطيه مو تشوفين حالتهم
سما : خوش لعد
ضلت مافضت للوحده بليل ابوي اجه ضغطه ضاعد قست ضغطه وامي انطته ادويه كلتله بشر شصار هو مسولف يرجف عمي اجه كال يردون ميه مليون وفصليه طبعا اني كلشي مجنت ادري شديسولفون وكل همي مو يمي السالفه بس امي وابويه رتفع ضغطهم وحارو بيهم اني ماعرف شسوي اروح منا لو منا وكمت ابجي على بجي امي امي تبجي واني ابجي وياها واكله سكتي شبيج
وامي دكول حياخذوج مني انه صفنت هاي شبيه تخبلت اني شعليه
سما : يمعود اني شعليه شداسولفين
سميه : يمه بس انتي البنيه الجبيره بالعائله يمه بنيتي حياخذوها
ابويه : لا بنتي مانطيها لو اعرف تصير دمايه وحاضني ويسولف
سما : يمعود احد يفهمني شنو السالفه
مرت عمي : تبجي وتكول يعني لو تصير دمايه لو تروحين لاهل الولد
سما : اي وشنو ليش دتبجون لعد
سميه : يمه ياخذوج يعذبوج يمه
سما : شيعذبون مني تحجين صدك ارفع عليهم دعوه فد شخصيه همه يعني خايفين منهم
بعدين افتهمت انه اني حروح اتزوج واحد منهم واصير مثل الخدامه وهنا ضليت اتبجبج يعني شنو خدامه اني شعليه بالسالفه كلها خلي القانون يعاقب لولد وبعدين شفت وضع اهلي شلونه واذا صارت دمايه ابويه يوكع بيها رجعنه للبيت علساس يحضروني ومنطيهم مهله يومين سويت نفسي مخايفه حتى امي تسكت لان سكرها يصعد
الساعه ٣ بالليل
سما : يوم مو كافي دراما شكيتيني تره هسه تموتين اسم الله منوره سكرج عمي قابل وين رايحه هي كم شهر وارجعهم هو منو يتحملني غيرج
سميه : يمه ششفتي انتي من حياتج
سما : يمعود بس لتهولين الموضوع كومي نامي الصبح نروح للسوك بربج اريد ملابس خوما اروح بملابسي ذني
سميه : خوش يمه
طمنت امي ورحت وياها للغرفه ابويه خله راسه ونام من التعب كعدت فوك امي اقرا ايات حتى تنام وتسكت واني افكر اكول شحيصير خاف اموت خاف هيج خاف هيج بس من الخارج ساكته وكانما كلشي ماكو امي نامت صعدت فوك طلعت جنط حطيت مكياج وحد هنه ومال شعر وملابس بيت وحد وملابس طلعه وحد وكلت باجر من اروح اجيب اشياء جديده ونمت
أنت تقرأ
وليَكُن طفلة ؟
Romanceالقصة تروي عن بنت مراهقة تذهب فصلية الى احد العوائل بسبب العادات والتقاليد...... القصة فيها مشاهد لا تناسب البعض
