فتحت باب الشقه الإضويه مطفيه وصايره ظلمه كُلش هاي بيه طبيعه كلما اطلع الفد مكان شرط اطفي كُلشي اتوقع ورثت هاي الصفه من ابويه جان دائما كلما يشوف شي مشتغل يطفي حته لو احنه كاعدين يجي يطفي الضوء ويطلع يخلي صريخنه يوصل السابع جار
توجهت للشباك فتحته الجو مغيم وبي نسمة بروده لطيفه صفنت بالسما ورجعت بيه ذاكرتي الهذيك الايام وبالتحديد .......
فلاش باك //
الجو كان غيم والسما تمطر والشوارع فارغه اليوم السايق ما مر عليه اضطريت ارجع وحدي للبيت رغم الجو حلو وبي نسمة بروده لطيفه بس الي يخليني اكره الشتا من تمطر والطين يوصل للركب يبوو شكد اكره نفسي بوقتها
مَوج : اهوووو شارع جيس حب بعدها مامطرت وهيج صار بحاله هسه لو البلديه بيها حظ وسوته النه شراح ينقص منهم
واني جاي ادردم بيني وبين نفسي سمعت صوت همس ورايه
: شبي الحلو ضايج ويحجي وي نفسه
مَوج :اهووو شلون عطلات كتملت هم طينه
وهم هاي الوجوه الزفره
_لك بابه انت ماتستحي على نفسك شكبرك بعد تصير تظلون بهاي سوالفكم مخلصيها تركضون ورا البنات وتشمرون حجي ارتقو شويه والله عيب عليكم
: شدعوه يابهه شدعوه عليج شحجيت عمي
مَوج : دروح بابه روح مالي خلكك شلون عطلات
بين مااني احجي رجعت مطرت مره ثانيه
حسيتها نقذتني هاي المره لزمت جنطتي وطكيتها رگضه حته لو اوكع مو مشكله ولاابقه ثانيه يم هاي النماذج
اول ماوصلت للبيت تلكتني اميي ترزل هيه هم جانت ناقصه وكتملت
مسره: وين جنتي ياعيني دشوفين الساعه هسه شكد صارت احمدي ربج ابوج ماسألني عنج
مَوج : اعذريني اني وراجعه شفت جهال ديلعبون دعبل وكعدت العب وياهم گلت خطيه اعوفهم وحدهم يعني بربج ماما وين جنت غير السايق ما مر عليه اليوم واضطريت اجي وحدي ودشوفين الشارع كُله طين اكيد اتأخر يعني خو مااطير
مسره: بس بس اسُكتي صرعتيني بلسانچ اله اگول الابوج واخلي يبتره الج مااطلع بنت ابوي
عفيه لسان رشاشه وبگل صلافه ترادد الادبسزز
صوجي انا ماعرفت اربيج عدل يلا گدامي يلا روحي غسلي وبدلي وتعالي ساعديني
مَوج: يمه شدعوه عليج هسهه قابل شحجيت اني انتي سألتي وجاوبتج المهم اگلج حبي
لعد اسيل وين!! اليوم گله ماشفتها
مسره: سم وحمس بلا لغوه زايده وروحي گدامي يلا ماريد المحج حته شغلج ماريده
مَوج: ياااا هاي شبيج اميي لزمت وجها وبتسمت عود شنو زعلتي يلا ولايهمج هسه اراضيج وهجمت عليها ابوس وجها من كل مكان وادغدغها الحد ماضحكتها اله رتاحيت ميهون عليهه اتركها زعلانننهه عليهه واروحح
أنت تقرأ
خلف ظلمات الدلهم 🖤
Mystère / Thrillerوحش كاسر لايعرف الࢪحمه ابدا نرجسي محب للذات يرى نفسه فوق كل شي وفتاة ذات طباع شرسه وحاده الاثنان لايعرفان معنى للتنازل والهزيمه يجمعهم القدر صدفه هل ياترى سوف يگملان سويةٌ ام يحدث ما لم يكن بالحسبان؟!
