لهيَب لمرجٍآن" للسودِآد"

لَهـيِّب 1

بًسِـمً أّلَلَهّ أّلَرحًمًنِ أّلَرحًيِّمً

لَهّـيَِّبً لَمًرجّـٍآنِ" لَسِـوٌدٍِآدٍ"

بــ قلمـي "سـآره علي

أهرب
ولا أدري إلى أين
أتورَّط دائمًا بهذهِ الروح المتورِّمة
أبتعد حاملًا معي ڪل الأشياء
ولا شيء معي.💸

واكفه اغسل بلطرمه مثل كل مره
وأخوي علوان كاعد بصف لشجره
بعيد عن لماي يسولفلي عن يومه
وشلون شافاهه

-لو تشوفيهه والله سطرتني بجماله واناقته
لعيون خضرر ڪخضار الشجر وبياضه ناصع
تجذب لشخص كوه عنه احبهه يا خلك بس جيب
الي يقنع اهلهه بيه ابوهه قاضي وامهه دكتوره وهيه
بلجامعه تقتنعين تقبل بخلك عسكري تعوف كل هلشباب لحلوه وتقبل بيه ههه احلام لعصر ياخويه
بس عاجبني هلحلم

شمرت لصونده وتقدمت كعدت ڪباله كسرني
كلامه ونبرت صوته اول مره اشوف اخوي بهلطريقه
يهتز من بعد ما رفضو اهل ليحبهه

اني لوحيده لاهلي وعندي ثلاث اخوان

علوان لجبير عسكري

وسيف لوسطاني مزوج عن حب وعنده
ولد عمره سنتين دكتور بــــــ كليه الفنون

وعمر الي لا الله راضي عليه ولا لاهل عاصي
رب العالمين وعصبي ميتفاهم عكس اخواني
بخيلل مزوج هم وعنده طفله مثل لقمر سبحان
الله لبنيه ولا تشبه باي شي وخطيه امهه يوميه
جارم بيه وضاربه على ولا شي هيج بمزاجه يضربه
حتى مرات ينومه هيه وبنته بلا عشه شكد يحاجيه
ابوي او لولد ما يرد يتمرد بلزايد

ويضربهم كدامنه لو يجوي لطفله (عمر مزوج بعمر صغير فـــ صار عنده طفله عمره 5سنين تجنن ما شاء لله ابد متشبهه شعرهه لسرح ولطويل وعيونه
لونهن غريب وبياضه تجنن تشبه بيبيته ام امه هم هيج حلوه) دائماً جان يضربه ويقسى عليه وهيه طفله مرات حتى ينومه بلبرد واني اطلع نص ليل اخذه لغرفتي بلسكته لان اخاف يشوفني واني جان عمري صغير مراهقه واخاف منه لان اذا يلزم شي عليه لو غلط يموتني لو ما أخواني لباقين واكفين بضهري

ويصدوه بس ميكدرون يسوون شي اذا ضرب
زوجته لان يضل يسب ويغلط ويصيح لا تدخلون اني وزوجتي تعبو من لحجي ولمهاين بيه بس ميتوب لاعوج لو تحطه بنص عدلين يضل اعوج
ابوي تعب وانجلط بسببه وبسبب عمايله لسوده
وطرده من لبيت يوميه جايب فصل لو جاي شارب عرك او مخدرات استغرب من اشوف بنته

كولش شخصيته متمرده بنى شخصيه بداخله
عدوانيه وهيه طفله ومتمرده طفله بعمر ل5
سنوات لو يموته ضرب ما تنزل دمعه من عيونه
ولسانه مثل لرشاش ترد صح متقطع بس ماتضم
بڪلبه ترد وتحجي وخصوصآ اذا شافته يضرب
امهه متقبل تضل تصيح وتدفع بيه باديه لصغار