سجن الفتيات (مكتملة)

ما حدث وما لم يحدث من قبل

اول ما اتقفل سمعنا صوت صرخات عاليه جدا وصوت الخطوات المر*.. عب رجع من تاني وفجأة لقيت عم متولي قام من مكانه وقرب من الباب وبدأ يقول كلام غريب وبعديها بص لينا وقال: "مكنتش متوقع ان النهاية هتكون بالسرعة دي بس لو نهايتي جات فا اكيد دي نهايتهم اللي هعملها.."

بصيت لعم متولي وفضلت بصة ليه كتير جدا وفجاة لقيت عم متولي ولأول مرة عينه بدمع وقعد في ركن عند باب السجن وفضل يكلم نفسه بكلام غريب وحركة رجله كانت غريبة وبتتحرك وفي رعشة فيها وبعديها سكت مرة واحدة وبص ليا وقال: انت… انت يا رانيا.. انت مفتاحنا لهنا قومي يا رانيا قومي بسرعة… "

قال كده وقرب مني وفعلا انا قمت من مكاني ومسك الحاجة السودا اللي كانت معاه وفتح بوقي بقوة شديدة وحطها جوا بوقي… انا بدات ادوخ وحسة برعشه في جسمي و فجأة وقعت علي الارض وبدا جسمي ينتفض بقوة شديدة وبعديها عم متولي مسك ايدي وقال:
"رولا انا اسف بس كان لازم اعمل كده لازم يا رانيا نفتح الباب ده ونخرج والا كلنا هنبقى ﺟ.. ثث ليه انت فاهمة كدة كويس فاهمة…"

انا مش عارفة هو بيقول ايه ولا عارفة اكلم من الحاجة الغريبة اللي حطها في بوقي وبلعتها موضوع غريب جدا ومخيف في نفس الوقت وفجأة عم متولي وقع في الارض وكل البنات اللي في السجن كمان وقعوا في الارض وانا لوحدي اللي كنت واقفة وبصة عليهم ومكنتش عارفة ده ايه ده ولا ايه اللي حصل بس اللي عارفاه ان دي مش حاجة كويسة اكيد هيحصل حاجة بس انا مش مستعده ليها انا فعلا عايزة اخرج بس مش عارفة ايه اللي ممكن يحصل او ايه اللى هشوفه لو خرجت…

عدي ساعة بالظبط ولقيت منار فاقت وعم متولي كان واقع علي الارض… قربت منه وحطيت ايدي علي صدره اشوف نبض قلبه لقيته بيتنفس الحمد الله هو لسة عايش لكن اول ما حطيت ايدي حسيت احساس غريب جدا وجسمي بدا يرتعش وفجأة عم متولي فتح بوقه جامد وكان بيطلع اصوات غريبة ومر*. عبة وبعد لحظات لقيته مسك في ايدي بقوة شديدة وبدأ يخرج من بوقه سائل أسود لزج غريب وبعد لحظات ايده اللي كانت ماسكة في ايدي سابتها…

انا فكرت ان عم متولي خلاص راح ومش هيرجع لكن لقيته فتح عينه واخد نفس عميق جدا وقام من مكانه وبص لينا بخوف شديد وقعد في ركن في اخر السجن وقالي اني اقعد جمبه وفعلا رحت عشان اقعد جمبه ولقيته مسك ايدي بقوة وقال: "مستعدة يا رولا*
سكت ومكنتش عارفة ارد وبعدين لقيته بدأ يحكي…:

" في الاول يا رانيا انا كنت تربي عايش حياته عادي جدا بسترزق من الناس زي اي حد فقير وفي يوم عملت حاجة مكنتش متخيل اني اعملها.. جالي في يوم واحد ومعاه شنطة غريبة جدا بس كانت كبيرة الشخص ده قرب مني وعطالي الشنطة وقالي اني افتحها.. وفعلا فتحتها وشوفتها لقيت فيها فلوس كتير جدا انا فرحت بس لما بصيت ليه لقيته مبتسم مش عارف ليه لكن سألته الفلوس دي ليه قالي: "االفلوس دي ليك يا متولي بس بشرط واحد الشرط ده لو قبلته هتاخد اكتر من دول بعشر مرات ولو مقبلتش حبيبة مراتك وبنتك اللي في بطنها للاسف مش هيبقوا موجودين.." انا في الاول استغربت وسألت علي طول هو عايز ايه بظبط وبدا يكلم يقول كلام كتير واللي فهمته منه انه عايزني اطلع ليه ج..*ثة طازة لسة واحط فيها الورقة اللي هو سيبهالي تحت الفلوس وساعتها هاخد الفلوس دي… انا في الاول مكنتش عارف يا رانيا ايه دي بس انا سمعت كلامه واخدت الورقة دي فعلا وحطيتها تاني يوم في بوق الج..*ثة اللي لسة مدفونة جديد لكن الموضوع مسكتش علي هنا وبس لقيته بيجيلي كل مرة يطلب مني حاجات زي دي لغاية ما في يوم قالي انه هيق.. تل مراتي وبنتي لو موافقتش على كلامه.. وكان كلامه هو اني اشتغل معاه كل فترة هخطف كام بنت واخدهم واحبسهم في سجن وكل يوم هياخد بنت منهم بس والله يا بنتي صدقيني انا مكنتش عارف بيعمل ايه في البنات دي لكن الموضوع زاد وللاسف اضطريت اني اخطف بنات وانت كنت منهم وكان وعدني انه هيخليني ابطل الشغلانة دي بس يخلص الاول اللي هو عاوزه واللي عاوزه لحد دلوقتي انا مش عارفه بس اللي متأكد منه يا رانيا انه ناوي على شر وكمان هو مش لوحده ده معاه….. "