عشقتها من اول نظره

الفصل السادس

جنه :
ماشي تعالوا ناكل
مريم :
حتي انتي ي جنه هي جنه عديتك ولا ايه
جنه بضحك :
اه الصراحه
جني بغضب :
يعني انا دلوقتي وحشه وبقيت باكل كتير وعديتكم ؟! طيب مش اكله
نور :
لا ي بت ي جني انتي عارفه ان احنا بنهزر
جنه :
ي بت بنهزر يعني مش بتهزر ي صلاح ؟!
جني :
وماله هزري ي اختي انتي وهي يلا بس خلونا نقوم ناكل عشان كل واحده تروح بيتها
البنات ف صوت واحد :
ماشي
وكل واحده منهم قامت وعملت حاجه وظبطوا الدنيا واكلوا
بعد اما خلصوا تليفون جنه رن وبصت لقت رقم غريب ف استغربت والبنات شافوا علامات الاستغراب علي وشها ف قالوا لها :
مالك في ايه ؟! مين الي بيرن ؟!
جنه:
مش عارفه رقم غريب
جني:
طيب ردي وشوفي
جنه :
ماشي .... ااء الو
الشخص:
الو استاذه جنه الهواري معايا ؟!
جنه:
ايوه حضرتك مين؟!
الشخص:
انا مي سكرتيره شركه الالفي للمعمار
جنه:
ايوه اهلا وسهلا بحضرتك
مي السكرتيره :
اهلا بيكي انا حبيت اعرف حضرتك ان تم قبول ف الشركه وان حضرتك تقدري تبدأ الشغل من يوم الاحد ان شاء الله
جنه بسعاده:
بجد الحمدلله انا مش مصدقه نفسي
مي السكرتيره بفرحه:
الف مبروك وان شاء الله اما تيجي هتعرفي كل حاجه ف الشكره وهيودوكي لمكتبك
جنه بسعاده مفرطه:
الله يبارك فيكي وتمام ان شاء الله
مي :
تمام مع السلامه
جنه :
مع السلامه
واول اما انتهت المكلمه جنه بت تنط من مكانها وتصوت من الفرحه البنات بصوا لها وقالوا:
في ايه ؟!!
بصت لهم وهي فرحانه وعيونها بتدمع من الفرحه :
قبلوني ف الشركه واخيرا هشتغل واحقق احلامي
البنات كلهم جريوا عليها وحضنوها وبركولها وكانوا فرحانين
جني بفرحه:
اوبا بقا ي باشامهندس ي جامد ايه الجمدان دا
جنه وهي بتضحك:
بطلي اوفر ي بنتي هو انا لسه اشتغلت ولا عملت حاجه
جني بتكبر:
اومال دا انتي هتبقا اعظم مهندسه واصلا الشركه دي متعرفش ترفض مهندسه زيك
البنات كلهم ضحكوا وفجأه رن تليفون جني ف ردت والبنات اتفاجأوا بملامح وشها الي اتغيرت جامد وقالوا لها :
مالك يا جني ؟! ايه الي حصل ؟!!
جني :
انا لازم امشي عندي حاله مستعجله لازم ادخل العمليات دلوقتي حالا
البنات :
طيب روحي بسرعه
جني :
طيب ماشي سلام
البنات :
سلام
حبيبه بقلق :
يارب استر
البنات:
يارب
جنه زعلت لان حست انها كل اما تفرح لازم تحصل حاجه ف البنات لحظوا زعلها ف قالوا لها:
مالك ي جنه في ايه ؟!
جنه :
ولا حاجه هيكون مالي
البنات وهما فهموا ايه الي حصلها :
ايه ي باشا مهندس مالك زعلان كدا ليه طيب ؟! دا العادي بتاع الدكاتره ف اي وقت تررررن بالتليفون عشان في حاله طارئه ف عادي
جنه بزعل :
بس شكل حصل حاجه تانيه لان لو حاحه عاديه مكنش ملامح وشها اتغيرت كدا
مريم :
هو تقريبا حاله بس مش عاديه يعني حد تقيل واتصاب لان ملامح جني مش هتتغير الا لو هما استعجلوها بسبب الضروره
جنه:
تصدقي ممكن
حبيبه :
يبقا خلاص تزعلي ليه عادي ان شاء الله كله هيبقا تمام
البنات :
ان شاء الله
نور :
طيب ي بنات هستأذن عشان امشي ورايا شغل كتير
البنات :
ماشي ربنا يعينك
شهد:
وانا كمان همشي
مريم :
كلكم هتمشوا يعني ؟!
حبيبه :
تصدقي فعلا كله هيضطر يمشي
جنه :
فعلا حتي انا همشي عشان احضر نفسي وورق كدا وحاجات تانيه
حبيبه ومريم قاموا ومريم قالت :
يعني مش عايزين تقعدوا معايا شويه كمان ؟!
حبيبه :
معلش ي مريم تتعوض ي ستي هو احنا ورانا ايه غير بعض نخلص ونتجمع تاني ولا ايه يا بنات ؟!
البنات:
ايوه يا مريومه نخلص ونيجي ان شاء الله
مريم :
ان شاء الله
البنات استأذنوا ومشوا وكل واحده راحت تشوف شغلها
.
.
.
.
.
عند جني :
كانت سايقه بسرعه لان اما كلمتها الممرضه قالت لها ...
فلاش باك للمكالمه :
جني :
الو
الممرضه:
الو ايوه يا دكتوره جني الحقينا
جني بهلع :
في ايه ي ولاء ؟!
ولاء الممرضه:
الدكتور حسين مديى المستشفي قالب عليكي الدنيا
جني بخوف :
ليه ؟! عملت ايه انا ؟!
ولاء الممرضه :
في حاحه خاصه جدا يعني حد تقيل يعرفه واتصاب وحالته خطيره ومحتاج يدخل العمليات وبقالنا ربع ساعه بندور عليك ونرن عليك لان محدش هيعرف يعملها غيرك ف بسرعه تعالي
جني بخوف وهلع اكبر :
حح...ح حاضر
انتهاء الفلاش باك للمكالمه:
جني وهي سايفه بسرعه:
ياربي ليه كدا ي ولاء عكننتيني
انا لو فشلت ف العمليه دي هتبقا نهايه ماسيرتي ع يد الدكتور حسين يااااربي بقا
حني وصلت المستشفي ونزلت ودخلت بسرعه واول اما دخلت لقت الدنيا مقلوبه ومليانه ظباط وناس والدكاتره بيجروا ف خافت وعرفت انها لو غلطت غلطه ف الغمليه هتبقا النهايه لمسيره الدكتوره جني
واول اما الدكاتره شفوها جريوا عليها وقالوا لها بسرعه وهي جرت معاهم ف لقت الدكتوى حسين ف وشها بيقولها:
بسرعه احري خسرنا دم كتير للمريض واياكي تغلطي ف التمليه دي ي دكتور جني فهماني ؟!
جني بخوف:
حاضر
دخلت جني العمليات واتعقمت وراحت عشان تبدأ العمليه وبصت ع المريض ف اتصدمت
دا.... دا الظابط الي قبلته ساعه خبطه العربيه
جني كانت بتكلم نفسها
ف الممرضه هزتها وقالت لها بسرعه خسرنا دم كتير
جني بدأت وهي مذهوله بس ركزت وعملتها ونجحت رغم انها كانت صعبه لانه كان متخرشم حرفيا وكان في رصاص ف قلبه وظهره وف جسمه كتير وكأن حد بينتقم
وبعد مرور ٣ ساعات
خرجت جني والكل جري بلهفه عليها وقالوا لها طمنينا يا دكتور ؟! هاا؟! ايه الاخبار؟
جني بتعب :
الحمدلله نجحت وان شاء الله هيتنقل علي العنايه المركزه وبعد مرور ٢٤ ساعه لو لقينا حالته مستقره تماما ننقله اوضه عادي
كل الي كانوا واقفين حمدوا ربنا
بس في ست كبيره قالت:
طيب ممكن نشوفه
جني :
معلش يا حجه والله مش هينفع دلوقتي خالص
الست الكبيره :
ماشي بس بلاش حجه دي اسمي سميره ناديني استاذه سميره او طنط سميره
جني :
تمام ي طنط سميره
وبعدين جني مشيت
وبعد مرور ٣٠ ساعه .......
يتبع...
تخطوا الاخطاء الاملائيه 🫠💌