بين (خفايا الواقع)

الخفايا الرابعة

d_ونيني امراة لا تتباها إلا بعقلها .

حبك غيرني كلش
حبك مامش منه ملل
حبك لا يقل أبداً

لا تنسو التصويت و التعليق و رايكم يهمني

_______________________

ركضت للصوت واني احس نفسي رجليه صارن اخيوط من الخوف ووالقلق و المصير الي راح اواجهة بعد هذا الصريخ

_ أجوان: ماما شكو ليش دا تصرخون مامة حاجيني

"احاجيه فاصلة عن العالم و تبجي بدون صوت"

قربت على اختي اسأل يمعودين جاوبوني كلبي راح يموت جاوبوني شكو شصاير و لا احد يجاوبني امي تبجي و اختي و اخوي هم كله بس

تبجي محد يجاوب على اي سوال ولا احد نطق كلمة
رحت ادور على بابا مكو البيت فارغ بابا فص ملح و ذاب رجعت أسال امي ابوي وين زاد بجيه

سمعت صوت الباب يدك قوي ركضت اعرف منو او على الاقل شخص يعرف شكو وليش جاي يبجون فتحت الباب و دخل عمي يصيح و سب على شنهو ما اعرف على منو هم ما اعرف

_ اجوان: شكو عمو شصاير ليش دا يبجون وانت ليش تسب و على منو احد يفهمني

_العم: والج عين تسألين شوفي اختج العار شسوت

" گعدت اكول بكلبي هذا شبيه شيخربج "

_ اجوان: مفهمت عمو اختي شسوت وليش دا تسب بيه

_ العم: كولي شنهو ما سوت

_ اجوان: عادي تنصي صوتك و تفهمنيي

"بعد ما گال كلامة احس الدنيا سودت بعيني"

_ العم: اختج واحد حاول يتحارش بيه و هي راجعة من الدوام و ابوج شاف هذا الي تحارش بيه و تعارك وياه و طلع ابوه من اصحاب مناصب و من اهل الدولة و خطفو ابوج و هسة ما نعرف هو عدل ميت يرجع لا

هو كال هيج واني دخلت صدمة ما كعدت من عده الا على اعياط امي و كل عمامي يدكون بل باب و صارت مشاحنات و اصوات عالية وامي تبجي و اختي هم

من شفت اسلوب اعمامي و شون دا يحجون ويه امي و اختي مكدرت اسكتت

_ اجوان: ما اسمح بل الحجي الي دا يصير فوك الضيم الي بيه تجون بكل صلافة تطعنون بعرض اختي و تسبون على امي انتو شنهو من بشر شنهو من اعمام

بمگان ما تحجون علينة و تحطون الوم براسنة سو شغلة براسهة حظ روحو دورو على اخوكم مو اخوكم هو قبل لا يصير ابونة ها و المفروض تكونون ويانة بهاي الشدة مو ضدنا

و الكل اخذ وضع المتفرج و صارت لحضة صمت لان كلامي خرسهم و سكتهم

_ اجوان: تفضلو اطلعو الا ما عاجبة كلامي

"احس من نطقت هيج ودهم يسونو شرايح"

_ العم: مع الاسف اخوي عندة هيج بنات وحدة عار و الثانية لسانة شطولة بين الزلم