My Queen [completed]

Part.11

ဒေါ်လေးလာလည်သည့်အတောအတွင်းကိုကိုကနန်းစံနဲ့အတူဒေါ်လေးကိုရန်ကုန်မြို့အနှံ့အထင်ကရနေရာတွေကိုလိုက်ပို့ပေးပြီးစားလို့ကောင်းပါပေ့ဆိုတဲ့စားသောက်ဆိုင်တွေမုန့်ဆိုင်တွေကိုခေါ်သွားပေးသည်။

ဒေါ်လေးကရန်ကုန်မှာတစ်ပတ်လောက်ကြာအောင်နေပြီးတော့မန္တလေးကိုပြန်ဖို့ပြင်၏။

''မပြန်ပါနဲ့ဦးလားဒေါ်လေးရယ် အကြာကြီးနေပါလား ဖြစ်နိုင်ရင်တစ်သက်လုံးအတူနေပါလား နော်''

''မဖြစ်နိုင်တာတွေပြောနေပြန်ပြီ ဒေါ်လေးမှာလည်းစီးပွားရေးတစ်ဖက်နဲ့လေ''

''ဒေါ်လေးအဲ့ထမင်းဆိုင်ကိုပိတ်ပစ်လို့တောင်ရတယ်သိရဲ့လား''

''အမလေး မပိတ်ပါရစေနဲ့ အဲ့ဆိုင်ရတဲ့ပိုက်ဆံလေးနဲ့ပဲညည်းဒီအရွယ်ထိရောက်လာတာလေ''

ဒါလည်းဟုတ်တာပင်။

''ဒါပေမယ့်ဒေါ်လေးအသက်အရွယ်ကအေးဆေးနေသင့်တဲ့အရွယ်ရောက်နေပြီလေ''

''ညည်းအဒေါ်အခုမှ55နှစ်ပဲရှိသေးတာပါအေ''

''ဒါဆိုဒေါ်လေးတစ်ခုကတိပေး''

''ဘာများလဲ''

''နောက်နှစ်ကျရင်ဒေါ်လေးနန်းစံတို့နဲ့အတူလာနေမယ်လို့ ပေးမှာလား''

''ကဲပါ အဲဒါတွေကနောက်မှ​ပြောမယ် အခုလောလောဆယ်​ဒေါ်လေးနောက်ကျတော့မယ် သွားရအောင်''

ထိုစဥ်

''ဒေါက်.ဒေါက်''

''မမလေး ပိုးဥပါ''

''ဝင်ခဲ့လေ''

သူမပြောလိုက်တော့ပိုးဥကအခန်းထဲဝင်လာပြီးဒေါ်လေးအဝတ်ထုပ်ကိုဆွဲကာ

''မမလေး ကိုရန်ရှင်းကသွားကြစို့တဲ့''

''အင်း ​သွားစို့ဒေါ်လေး''

နန်းစံဒေါ်လေးလက်ကိုချိတ်ကာအိမ်ပေါ်မှဆင်းလာခဲ့၏။

ကိုကိုနဲ့နန်းစံတို့ ဒေါ်လေးကိုကားဂိတ်သို့အတူလိုက်ပို့ပေးခဲ့သည်။

''ဒေါ်လေး နေကောင်းအောင်နေနော် တစ်ခုခုဆိုလည်းနန်းစံကိုလှမ်းအကြောင်းကြားသိလား ပြီးတော့နန်းစံပြောထားတာလည်းမမေ့နဲ့နော်''