#تُراب الديجور "الانتقام"
بقلمي انا الكاتبة نجلاء💎naujall
معرف قناة التليگرام انسخوا واكتبوه بالبحث مال التلگرام
وتطلعلكم القناة ضيفوني لان نسولف هواي ونحجي بأشياء تخص القصة فحنتونس هواي 🫂
حبايبي صوتوا وعلقوا بين الفقرات 🤍.
—————————————————-اباوع على إرم الي عضت على شفتها بلعت ريگي والتفت ل نيار وقوست حلگي و رفعت اكتافي
راوية: ماندري يمكن وحده من البنات دزتهخطفت نظره ل إرم ولگيتها غمضت عيونها وتنفست بهدوء بعدها باوعت لنيار وگالت
إرم: اي يمكن دزنه لان عرفن جنتي مخطوفه وهمه ميعرفن واعتقد رغد دزتهباوعتلها وحركات راسي ب اي
راوية: صح يمكن
طلعت تلفونها من جيبها وگالت
إرم: لحظه خلي اخابرها
اتصلت عليها وردت
إرم: ها رغدردت عليها رغد بس محنا نسمعها لان مجانت فاتحه سبيكر
إرم: لا حبيبتي ماكو شي مصار شيبعدها فتحت سبيكر وگالت
إرم: اكلج انتِ دازه الورد الاحمر؟سكتت ثواني بعدها گالت
رغد: طبعًا فلا يستحي هذابلعنا ريگي بتوتر من گالت هيج ومن نظرات نيار بس بعدها گملت وگالت
رغد: اني گتله ورد ابيض مايستاهل الخمسه الي اطتها اله سارةعود ردت اجاريها بس صدگ خلتني اضحك ضحكت بصوت عالي واني اخذ التلفون مال إرم
راوية: لج عيني ماعرفتج وانتِ ادزين ورد و رومانسيهضحكت وگالت
رغد: اي عيني شعبالجباوعت على إرم ونيار لگيت إرم بلگوه تشيل البوكيه ودخلته للبيت وسدت الباب ونيار يوزع نظرات عليه و على إرم و على الورد احجي ويه رغد وعيوني على نيار دگ تلفونه
نيار: الو
سكت يستمع للطرف الثانيه
نيار: استغفر الله ديلا جايكسد التلفون باوعت عليه إرم وحجت
إرم: شكو وين رايح ؟حط إيد وحده على خصره وگال وهو يتنهد بتعب
نيار: ماكو شي نص ساعه واجيهزت راسها وهم طلع ذبينا نفس براحه من طلع
راوية: الحمدلله طلع وعدت على خيرفززني صوت رغد الي بعدها فاتحه اتصال
رغد: ولجن هذا الورد من هذاك المصخم الحساب المجهول ؟اجت گعدت إرم على الكرويته واخذت التلفون
إرم: ايسمعنا صوت خاله ام رغد تصيح عليها
رغد: ها ماما جاية... بنات يلا باي ماما تصيحني عود اخابرجن بعدينسدينه الخط التفت براسي ل إرم وهيه هم التفتت براسها ضلينا نباوع على بعض شوي بعدها رجعنا راسنا للأمام
راوية: لازم تشوفيلج صرفه ويه هذا المهووس