:نقراء الفاتحة ؟
: يا يمة غير نسئل البنية شبيك مستعجل
: خاله اكيد موافقة يعني اقصد هو يعرفون بعض بحكم شغلهم
: اي بس هم لازم نسئل البنية وهم نخلي ابوها يشوفكم وغير لازم نسئل عليكم وانتوا هم
: خاله ميحتاج نسئل عليكم اخوي يگول يكفي انو اعرفها واكيد تربيتها واخلافها تعكسكم واذا علينا تعالي هسه انتِ والحجي اسئلو علينا
گاعده مثل الحايط ولا فهمانه شي بس نظراتي المصدومة تتنقل بين أمي وبين اخت... اخت تميم!!!
اخت تميم الي جانت مُصره اليوم نقرأ الفاتحه وهو حتى بابا مجاي بعده.
التفتنا على دخول بابا
تكلم وهو مستغرب من وجود (تمارة) اخت تميم.
ابو رغد: السلام عليكم
ردينا عليه السلام
تمارة: اجه ابوها للبنية وهسه نگدر نحجي حجي رَسمي
گعد بابا وتكلم بأبتسامة مجاملة
ابو رغد: اهلاً بنتي تفضلي شنو الحجي
تمارة: والله احنا جايين وطالبين ابد بنتكم الانسة رغد .
ابو رغد: اهلاً وسهلاً بيكم بنيتي
بس وين تعرفوها وين شفتوها
تمارة: الصراحه اخوي يصير مديرها بالشغل ومن شافها وشاف اخلاقها الكريمة الي تعكس تربيتكم الفاضله تودد جداً للخطبتها
ابو رغد: نتشرف بيكم بس وين الوالد والوالدة
اخذت نفس بحسرة وحجيت
تمارة: متوفين الله يرحمهم
ابو رغد: الله يرحمهم كلنا على هذا الطريق بنيتي
لحد هنا وگمت بعد مااستأذنت طگيتها بركضة لغرفتي سديت الباب واني احتضنه بظهري خليت ايدي على قَلبي الي يخفق بسرعة بسرعة
وگفت مقابيل المراية صفنت عليها شوي بعدها ذبيت نفس وحجيت واني استند على الميز
رغد: شنو ديقضون علينا وحده وره الخ ؟
خطوبة سارة وإرم مابيناتهم هواي تقريباً بيناتهم شهرين او اقل حرفياً ديقضون علينا
اخذت نفس واني ارجف من الداخل
رحت على الجرباية چيتت عليها واني ارافس برجلية شعور حيل غريب داحسه لفيت روحي بالحاف وضميت حتى راسي وضليت اروح منا واجي منا
مرة فترة من الوقت
طلعت لگيتها رايحة گعدتهم وياهم واني اخذ نفس برجفة ولامة شفتي للداخل والي وترني نظرات أمي الي عبالك لازمة عليه لازمة احس نظراتها تگول"ها ،ها"
ضليت گاعده مثل الحبابة اتفرج على التلفزيون بهدوء ومندمجة قاطعني بابا وهو يگعد بصفي
ابو رغد: بنيتي رغد عندي موضوع وياج
