الجزء الرابع
فاتن:بسم الله خرشتني
**********************************
قدام باب المزرعه
سعود:بسم الله عليك
فاتن:سعود
سعود: هلا
فاتن:يلا
سعود استغرب:وش!
فاتن:سعود اشبك افتح الباب يلا!
سعود استوعب وتقدم يفتح باب المزرعه ودخلت هيام ودخل وراها وتقدم سعود وصار قدام فاتن وفاتن صارت وراه
فاتن:خير يالطيب ليه تتقدمني
سعود:عشان ماتعرفين الدرب أدلك
فاتن: لا ياشيخ!!
سعود:وش فيتس؟
فاتن:مافي شي وبعدين ليه كذا لجهتك انت وخواتك وجدتي وعمي وبناته وابوك وامك؟
سعود:ليه وش فيها لهجتي؟؟
فاتن: ليه تقول فيتس بدال فيك؟
سعود:احنا عشنا هنا عشان كذا لهجتنا غير عنكم
فاتن:اوك وكانت بتروح بس حست بيد سعود تسحبها وقال:على وين؟
فاتن:اشبك رايحه اشوف الغنم
سعود ترك يدها وراحت فاتن وسعود كان يمشي وراها بعد دقيقتين وصلت فاتن لشبك الغنم وصارت تناظر بس للاسف ماكانت تشوف شي لفت لسعود وقالت:مايمدي اشوف شيييي!
سعود بدون اي رد كان يتاملها يتامل حركاتها تصرفاتها الطفوليه الي خلت سعود يعشقها ويهيم فيها وفاتن بعد كانت تتأمل سعود الي كان عاصب راسه بشماغه وشعره الطويل الي نازل على جبهته من تحت العصبه وطوله بمقارنة بطول فاتن كان طويل ووجهه الي كان يجذب كل من يشوفه غصب وقالت في نفسها(يمه شكله يجنن لا لا فاتن ارجعي لوعيك لو تزوجتيه رح تعيشين هنا وانتي ماتحبين الديره)طبع فاتن ماتدري اذا هي تحبه او لا لان كان كبريائها يمنعها وصارت تكابر وقالت:سعود.....سعود
سعود انتبه على نفسه وقال:هلا
فاتن:مايمدي اشوف شي
سعود:طيب خلاص بكرا الصباح نجي
فاتن:لا لا ماابغاء اليوم يعني اليوم
سعود:وش تفرق اليوم او باكر
فاتن:انت ماتفهم اليوم يعني اليوم
سعود بصوت شبه مسموع:ياربي عنيييده ماشفت حد بعنادها
فاتن:سمعتك يالشايب
سعود ضحك اول ماقالت له الشايب وقال:طيب يلا وش بتسوين الحين
فاتن لفت عنه وشافت خشب مصفوف على شكل درج وقررت تركب علها بس وقفها صوت سعود الي قال:لا رح يطيح الخشب وتتعورين
فاتن:مالك دخل المهم اني اشوف
وراحت فاتن عند الخشب وركبت اول حبه وماصار شي وركبت الثانيه والي بعدها وبعدها الين قربت فجاءه زلقت وكانت رح تطيح بس انتبه لها سعود وراح جري ومسكها وقال:هاذي أخرت العناد
أنت تقرأ
تعالت بنت الرياض النرجسية على ولد نجد العذيه
General Fictionاول روايه لي "مستمره" كاتبه مبتدئه (الروايه موقفه حاليا) = روايتي تتكلم عن بنت الرياض الي تملكتها النرجسيه وتملكها الكبرياء على ولد نجد العذيه
