تعالت بنت الرياض النرجسية على ولد نجد العذيه

9

الجزء التاسع

فاتن:سلطان انا سامحتك بس تكفى لا تعيدها

******************
في الغرفه عند(فاتن وسلطان)

سلطان بصدمه:وشووو؟احلفي؟
فاتن:والله بس اوعدني انك ماتعيدها
سلطان:قبل اوعدك كيف سامحيني بذي السرعه؟
فاتن:كيف يعني؟؟مافهمت
سلطان:انتي قبل كان يحتاج لك شهر لين تسامحيني بسبب كبريائك
فاتن بضحكه:الي أفهمه انك تبغاني ازعل عليك ومااسامحك الا بعد شهر؟
سلطان:لا لا الحمدلله لك ياربي انه هداك
فاتن:طيب يلا اوعدني
سلطان قرب اصبع يده الصغير من اصبع فاتن وشابكها ببعض وقال:اوعدك يافتون
فاتن بقهر:فتون اجل هااا
سلطان:خلاص اسف

******************
في الصاله طرف(طاوله الطعام)

نوره:رهف فاتن وسلطان الي حين متزاعلين؟
رهف:اي إلى الحين
سعود:اجل وش تبغا فيه؟
رهف:والله مدري

قاطع عليهم دخول فاتن وسلطان الي دخولو وهم يضحكون ويطقطقون مع بعض وسوالف
رهف:عسا ما شر
فاتن:الشر مايجيك
سعود:وش فيكم تضحكون مع بعض
نوره:اكيد تصالحوا
سلطان:انا عندي سوال انتي كيف تعرفين كل شي قبل نقول
نوره:ههههههه لاني ذكيه
سلطان:امممم واضح
نوره:وش قصدك فاتن امسكي اخوك
سعود:خلاص هدو الحين تجي جدتي وتسفل فيكم
فاتن تحب تقهره:يارب انه انت اول واحد تسفل فيك
سعود بقهر:اخخخخ يالقهر بس لو كانت انتي اختي كان وريتك

وجاءت الجده وقامو كلهم يسلمو عليها وجالسه معاهم في الأرض طبعا في طاوله طعام بس مايجلسون عليها دائم مرات دائم يجلسون في الأرض

الجده:كيف المدرسه
رهف:والله انها كويسه
نوره:الحمدلله كويسه
فاتن:والله انا ماشفتها كويسه عجزت افهم شي عن بعد ياليت لو نرجع الرياض
الجده:ايه هذا انتي بس يهمتس الرياض عند الصايعين والمايعين اما الديره هذا الي ابوتس تربا فيها ماتعجبتس لكن من يلومتس امتس من الرياض

الكل سكت بعد كلام الجده ولحد نطق بحرف واحد وجاءت الخادمه جايبه الفطور ونزلو الباقين الي كانو نايمين يفطرون معهم

سعد:فاتن عطيني الخبز
فاتن اخذت وقبل تعطيه قالت:هذا اسمه توست
الجده:وشوله توست بعد اسمه خبز
فاتن:طيب ياجده

وطبع الكل سكت ومحد نطق بحرف ابو سعود حب يلطف الجو وقال: اسمعو العصر بتجي هند ام نيّاف
سعد:عمتي هند بتجي معنا؟؟
ابوسعود:اي ويلا يابنات جهزوا المجلس ونضفو ورتبو وساعدو الخدم

البنات:ابشر
ابوسعود:وانتو ياعيال تجهزو عشان بنذبح اليوم بعد
فاتن لا شعوريا:لااااا
الكل لف عليها ابوسعود:وش الي لا يابنتي
ابو سلطان حب يرقع عن بنته:لا بس هيه عندها حساسيه من اللحم
الجده:اعوذ بالله اللحم يسوي حساسيه
ابو سعود:خلاص اجل نجيب لتس عشاء ثاني مب شرط تاكلين
الجده:اي علموها على الدلع
ابوسعود:اي دلع يايمه خلاص خليها

وكملوا فطور وخلصوا ومل واحد راح لشغله البنات راحو ينضفون والعيال يجهزون الذبيحه والحريم والجده يجهزون اغراض الذبح والرجال يسونون سكين الذبح

*****************
عند البنات في(المجلس)

فاتن:اقول نوره
نوره لفت لها:هلا
فاتن:من ذي العمه هند
نوره:احلفي؟؟؟ ماتعرفينها؟
فاتن:والله ماعمري سمعت عنها
هدى:هاذي الله يسلمتس اخت ابوي وابوتس وابو نوره من الام بس
فاتن بصدمه:اخسسس يعني الجده متزوجه ثنين
البنات انفجرو ضحك نوره:اي
رهف:والله انها خطيره هالجده
هدى:ايه والله انك صادزه
فاتن:طيب زوجها ثاني وينه؟
نوره:ميت الله يرحمه

فجأه دخلت عليهم الجده:وجعع وش فيتس انتي وياها تضحكون؟؟ وبعدين من الي الله يرحمه
البنات ارتبكت وقالت رهف:لا بس اعلمهم عن ابو صديقتي مات الله يرحمه
الجده:الله يرحمه يلا كملوا بدون ضحك عمتكم بتجي قريب
البنات:انشاءالله

******************
عند العيال في(المزرعه)

العيال وهم يركضون ورا التيس الي عيا انه يهجد
سعود:يبه ليه ماتذبح ناقه من النياق؟
ابوسعود:وليه ناقه عزيمه بسيطه
سلطان:والله ياعم شوف التيس عيا يهجد

ابو سلطان ضرب برجله في الارض وجاء التيس يركض على طول ووقف جنبه والعيال كانو مصدومين ومن ضمنهم ابوسعود وابوسالم

راشد:احح ياعم طلعت مب هين
ابو سلطان:كيف بس اعجبك؟
سعود:اجل ياعم ليه ماتطلع التيس الي عندك يقصد(سلطان)
سلطان:التيس محد غيرك يالسلوقي
ابوسعود بحده:بس انت وياه

وكملو اشغالهم لين قطع عليهم صوت بوري السياره ولما لفو شافو زوج عمتهم هند وعيالها وطلعو من المزرعه متوجهين للبيت يسلمون على عمتهم هند وزوجها و سلموا وخلصوا ورجعو للمزرعه يكملون شغل وعيال هند دخلو يسلمون على الجده وطلعو ورا العيال

اعرفكم على عائله ابو نياف(حاتم) : حاتم انسان شديد مره على عياله وبناته وعصبي وعايش مو زوجته وعياله اثنين وبنتين في آخر (نجد).
ام نياف(هند) :هند وحيده امها وابوها ماعندها اخوانا ابدا بس محمد وفهد ومسعود عيال امها ابوها متوفي لما كان عمرها 5سنوات وعايشه مع زوجها وعيالها وبناتها.
نياف:شخص عصبي شوي بس بنفس الوقت حنون عمره30سنه وعزابي.
نواف:عمره27سنه.
نور:عمرها24سنه.
نرجس:عمرها20سنه.

نرجع لروايتنا ونكمل الأحداث

******************
عند الحريم والبنات(الصاله)

دخلت هند هي وبناتها وسلمت على امها وزوجات اخوانها وبناتهم وقالت لهم يتغطون عشان عيالها بيدخلوا وبعد ماتغطو البنات دخلو عيال هند
الجده:ياهلا ياهلا ارحبوا
عيال هند:البقى يجده
نياف فرب وهو يبوس راسها وفهد اخوه نواف وجلسوا جنب الجده
نواف:شخبارتس ياجده؟
الجده:بخير وانت
نواف:انا بخير دامتس بخير
نياف:شحوالتس ياجده؟
الجده:طيبه بس انت لاتكلم زعلانه منك
نياف:افااا وش سويت لتس عشان تزعلين علي؟