فإن تمنيت فإنك كُل التمني

البارت واحد وعشرين

---البارت واحد وعشرين من رواية فإن تمنيت فإنك
كُل التمني----------اتمنى ينال إعجابكم
_____________________________________________
وباليوم الثاني العصر في المستشفى
كانت جمان مرافقه مع رتيل بالمستشفى وينتظرون الباقي يوصلون عشان يسلمون عليها وصلوا الحريم والرجال والبنات
دخلوا وهم يشوفون جمان تساعد رتيل بكلشي وهي رايقه وفرحانه
دخلوا كلهم الغرفه وجلسوا يسلمون ويرحبون ويشوفون ديم
وام سيف تسأل كيف الولاده
رتيل:كانت سهله الحمد الله ماحسيت فيها
التفتت لها جمان وهي تقول:كل ذا وسهله صاحيه انتي
ام سيف:ايه سهله ما تشوفين كيف كانت الولاده متيسره
جمان:ياجماعة الخير الي شفته امس ماكان بالموضوع المتيسر والسهل انا لو مكانك ماكان حملت ثاني
ابو سيف:ايش ذا الكلام ابد حنا نبي نشوف ولد مطلق
مطلق:ماتفرق معي بنت ولا ولد وخلاص الي عندي يكفوني
ام سيف:لا حنا نبي نهاية السنه ذي تجيبون اخو للبنات ماينفع يكونون بدون سند
افنان:وش السند بالموضوع وقسم بالله مافي أسوأ من العيال
تولين:انتي انطمي شدخلك
جمان:رتيل حبيبتي ما انصحك للحين ماتخطيت صياحك
ضحكت ام فارس:يالله بخاطري اشوف جمان اذا جاء يوم وحملت وشلون ببتحمل
ابو فارس:خلوها تتعالج بالأول بعدين يصير خير
جمان:انا انسانه توني بسن الزهور وجالسه اكمل دراستي حاليا فا ناجل ذا الموضوع لبعدين
مطلق:حتنا انصحك بذا الشي ولا تهتمي للي حولك
ام عبد العزيز:يلا عقبال تولين تولد ما بقى لها غير كم اسبوع
جمان:الله يعينك وانصحك نصيحه انتي الثانيه لا تقربين من عندي يوم بتولدين تراني مو ناقصه
تولين:يا جوجو ابيك معي خير ان شاء الله
تولاي وهي معها ديم نطقت جمان:لينا متى تزوجين تولاي خلاص صارت عجوز
لينا:قريب بفتك منها وبزوجها
تولاي:انا انسانه حاليا بأول سنه جامعه ومرتاحه جيبوا ذي السيره فتره الفاينل
جمان:فاينل الله يادنيا ايام كنا نقول اختبارت
تولاي:شعرفك بالتطور وانتي مسجونه بذي الديره
ابو سيف:شفيها الديره بعد
ابو فارس :يبه من زين الديره عشان تدافع عنها
مطلق:اول مره بحياتي اتفق مع الأخ سيف ابو فارس
جمان :والله يا اخوي انك تمون واجدد
اماني:خليه يمون بعدها بيندم
ام سيف:ها يبنتي متى بتطلعين من المستشفى
رتيل:بكره ان شاء الله
ام عبد العزيز:مين بيرافق معك اليوم
ناظر مطلق على جمان الي ابتسمت له وقالت:امس كان دوري فا بنخلي الأخ يرافق اليوم
مطلق:كويس جت منك

---بعدها بشوي طلعوا كلهم من المستشفى ورجعت جمان مع ام عبد العزيز للبيت وصلت البيت وكان سعود بالدوام
لن اجازته خلصت ورجع للدوام
قعدت جمان تذاكر عشان اختبارات الجامعه بما انها تدرس
وتأخر الوقت وراحت تبدل
ودخل سعود وهو منكرف من الدوام دخل وشاف جمان تسوي لها عشا خفيف وراح يحضنها وكانت معطيته ظهرها ضحكت وهي تقول:اخيرااا مابغيت ترجع
باس سعود خدها:هذا ويعتبر اني راجع بدري
التفتت له وقالت بحب:ياخي اشتقت
سعود:مو كأنك صايره تسحبين علي واجد
جمان:معليش والله بس صار كلشي فجأه واضريت اقعد معها
سعود:سمعت انك اخترتي اسم ديم
جمان بحماس:ماتوقعت انهم بيخلوني وصار كلشي فجأه
سعود:محظوظين دام اسم بنتهم من الحب جمان
جمان:بس كيف اختياري للاسم
سعود:يزين اختيارك وربي انه فخم
ابتسمت وهي ترجع تطفي النار :عشاك جاهز
سعود:بروح ابدل وبجيك
راح سعود وجمان ترتب الاكل وهي بكامل اناقتها وروقانها
. يرجع لها سعود ويشوفها كيف جهزت ورتبت
وكيف انها متكشخه ولابسه بجامه ناعمه ومسويه ميكب خفيف وشعرها الي فاتحته تقدم لها خطوه ورا خطوه وهو بكل خطوه يشم عطرها ويشوف جمالها
كانت جمان تحس ان توها تستوعب كيف ان علاقتها بسعود صارت بارده بعد كلام الكل وتبي تعوضه وماتبيه يحس بالنقص بناحيتها او من ناحية الأطفال
قعدوا يتعشون وهو ما شال عينه عنها وهي متوتره من نظراته
خلصوا وقاموا وكان سعود تعبان من بعد الدوام
جمان :سعود عادي تقعد معي شوي
كان سعود منسدح على السرير وجلس:اي طبعا عادي
جلست جنبه وبدأت تسولف معه ويرد عليها بحماس رغم انه يكرهه يسولف كثير
كانت جمان قاعده جنبه وهو منسدح وتلعب بشعره
كان سعود شبهه نايم ولاكنه يسمعها وحاسس بحركاتها
جمان بطفش:سعود قوم شوي ترا مو وقت نوم
سعود:تعبت من بعد الدوام مقدر
قربت جمان راسها وشعرها منتثر على صدره وجهه
وكانت تبي تشوفه عن قرب
سعود:شقاعده تسوين بعد
جمان:بشوف ملامحك عن قرب بس والله ياسعود انك مز
هذا الي اكتشفته
سعود:أوصفي ملامحي طيب
جمان:عيونك ناعسه وتجنن بشرتك صافيه خشمك يجنن
.. تبي الصدق كلشي فيك حلو
سعود كان يناظر فيها وهي لسه مستمره تحلل ملامحه
قعد سعود وقرب منها:بخليك فعلا تحللين ملامحي بس مو ذي المره
شافت جمان ابتسامته وعرفت نيته انها مو صافيه 😉💋🔥