الخذلان و السراب

بارت 17

الخذلان و السراب
متابعة +تصويت +تعليق بين الفقرات حلو مثلكم
الكاتبة زينب الطائي

تعرف كلشي بيهَ
وماعرفت شبيك
لُغز حلك صعب
من يكدر يحلك
واشرد حتى اجيك
ومدري ليش الخوف
واخاف تخاف مني
بسدّك اختلّك
.......
موج: كومي يلا ساعة 10 وبعد لا طابخة ولا خابزة

_ روحي عجني بين ما انزل اسوي غدا

_ لا والله انتي تسهرين للصبح واني اشتغل مكانج

_ اكول اشو كلمتج والخ تسهرين و تسهرين شكو هلكد غاثج الموضوع دولي  وبعد لا تصعدين على غرفتي اذا اتريدين شي خابري

_ عابت

_ نزلت بس طبخت لان ما الحك روتيني ملل
لحد ما اجه شهر رمضان وباول اسبوع شفت باهر
بس يتصفن واذا يخابر يطلع برا بالشارع
بقه على هذا الحال عشرة أيام اجاني شك على يحجي ويا دعاء
جنت صايمه وتعبانه وتفكير قتلني قررت بس ينام افتح الموبايل اذن والكل فطر واني بس احوص
بس كمل باهر الفطور كال دروح انام لا اتكعدوني
انا هم اسريع كملت شغلي وصعدت فوك جان رايح ابسابع نومه جريت الموبايل فتحته انصدمت من كميه الرسائل والمكالمات من دعاء ابسرعة نقلت رقمها على موبايلي وسكرنت المحادثات قفلت الموبايل ورجعته امكانه والليل كلا افكر
قررت اروح بيت اهلي ثاني يوم قعدت شفت باهر كاعد  صباح الخير

_ صباح النور

_ اكول اشوية تعبانه اريد اروح عند اهلي

_ تمام روحي على راحتج واذا اتريدين ضلي كم يوم عادي ما عندي مشكله

_ اشعجب قبلت انام شنو اتريد اتخلص مني كل مرة العصر توديني وبالليل اترجعني اتكول ما اكدر على فراكج

_ لا شنو اريد اخلص منج بس شفتج تعبانه كلت اتروح ترتاح

_ امم اشكرك كلبي لان على اتحس بي رددت  بكلبي اشلون مكر عليك الضهر كملت غراضي ورحت عند اهلي دكيت الباب طلعت لبنى
هلو حبي شنو هسة كاعدة

_ اي والله الكل نايم وهسة كعدت على دكت الباب

_ تمام انا هم دروح انام اشوية تعبانه صعدت للغرفة دزيت رسالة للدعاء كتب هلو  ما ادري اشكد نمت
فزيت على صوت

نبأ :ولجججج عزاا سيلين كومي

_ شكو شبيج عوفيني تعباننننه

_ ولج نايمه على بطنجج

_ كمت مرعوبة اشلون يا ربي ما ادري من التعب ما حسيت على نفسي اجت حضنتني

_ مشتاقتلج بكد الدنيا والله

_ يا عمري اني هم مشتاقتلج كلش بيش الساعة

_ راح ياذن المغرب

_ اووف ليش محد كعدني

_ بابا كال خلوها نايمه من انصب الفطور كعدوها