#وحيدتي 💙🌼
#الحلقه2 🍃🍒
انا : عيوني تعبن دموع وقعدت نحرك في يديا بتوتر حركه فيا بعد ننحرج او نتوتر
مراد : بحت فيا وبعدها في روان كنك
روان : ابتسمت اا ميار ماتحكيش
مراد : بحت فيا بصدمه
انا : طلعت من الدار بسرعه
روان : ربي يسامحك يا مراد ليش حكيت معاها هكي
مراد : شن عرفني نا ماتحكيش
روان : ميار من لما ماتو هلها من الصدمه قعدت معش تحكي
مراد : يعني مش من الولاده
روان : هزت راسها ب لالا
مراد : عدي شوفيها طلعت هكي البنت
روان : ضحكت نجيه الحنون وطلعت لحقت ميار
مراد : خش يدوش وضميره انبه على ميار
________________
انا : مسحت دموعي والتفت على روان
روان : يحياتي تعدليش عليه مراد هوا هكي مايحبش حد يخش داره ولا يقرا كتباته
انا : هزيت راسي بمعنى مافيش مشكله
روان : تعرفي تكتبي
انا : هزيت راسي بمعنى اها
روان : امم تعالي خذتني من يدي وخشتني داره طلعتلي مذكره و قلم وهكي تحكي معايا
انا : ضحكت ودرتلها اشاره بيدي معناها تمام 👍
روان : هيا احكيلي
انا : كتبتلها نعرفك عليا
روان : قرتها ياريت
انا : بديت نكتبلها
( اسمي ميار عمري 18 سنه نفسك قريت عند الثانوي عايشه مع مرات خويا وخويا الكبير كنت نسكن في بنغازي وتوا انتقلنا هنا طبعا انا كنت نحكي بس مش واجد وتوا مانحكيش بكل من اثر وقفت وبحتت في روان يلي تقرا كل حاجه نكتب فيها وبعد وقفت بحتت فيا
روان : حضنتني ربي يرحمهم
انا : حضنتها لان كنت محتاجه حد يواسيني كانت روان بنت حنونه وطيبه بكل
روان : بعدت عليا اممم خلاص مش ضروري تكملي عشان العشاء توا بعدين نسهرو وتكمليلي تمام
انا : ابتسمت وهزيت راسي
روان : خذت الدفتر ودساته هيا تعالي
انا : هي
_________________
نزلنا وقمعزنا عالطاوله كان كل شي فخم و حنان فاتحه فمها ع كل شي
سعد : يعني توا انت مسؤول على اكبر شركه هنا
مراد : اها
حنان : باهي انت دكتور شنو فهمك فالحاجات هذينا
مراد : الطب ماقريتاش لاني نحبه قريته كرغبه هلي اما شغلي ف بمجهودي كبرته
سعد : والله يا ولد العمه ساير منك
مراد : رقاله من اسلوبه بس كمل مجامله عشان امه
حنان : حسب ما قالت عميمه انك دكتور شاطر بكل يعني عليش مسيب
انا : في سري ياربي شنو الطفيين هذوما
مراد : بنفاذ صبر مش مسيب شغلي بس مانعديش الا فالضروره
روان : ييي خلاص غيرو سيرت الشغل توا يعني ميار بترقد معايا ووو نديرو جو
حنان : صدعتيني بميار ميار وكانه طبيعيه وتحكي عادي مش عارفه كيف انسجمتي
انا : انقهرت من كلامها وجت عيني طول في عين مراد يلي يراقب في حركه توتر يديا
عميمه : العفو كنها ميوره غير تسلم ماجتها الا عين وبعدين مراد حيكلملها دكتور وتعالج ان شاء الله
سعد : شلنها ومافيش امل غير تعب روحه وخلاص
مراد : مافيهاش تعب واعتقد مسأله وقت بس
حنان : صبي شوفي العيل يعيط
عميمه : البنت تاكل ماتشوفيش فيها صبي انتي
حنان : بحتت في سعد
سعد : ااا العويل متعودين عليها هيا وبحت فيا بتفنيصه صبي
انا : حطيت الكشيك وصبيت
مراد : بحت في سعد باستحقار
روان : كذلك
الكاتبه #wiush_hamo
___________________
