________________
#وحيدتي 💜🌥
#الحلقه3🔥🔥
انا : نزلت ونمشي وراه بمسافه ومش فاهمه شي خشينا من الباب ومراد يمشي بسرعه وانا وراه ومش عارفه كيف نقوله راجي عند ماخبطت فيا واحد
الشاب : اسف اختي
انا : هزيت راسي ب تمام
مراد : برم وشافني مصبيه قدام الشاب رد ويحكي بعصبيه نعم شن في
الشاب : اسف خونا بالغلط
مراد : تمام مسك ايدي بقوه وقعد يمشي بيا
انا : حسيت ايدي وقعدت بنفكها مراد ماعبرنيش وقعد يمشي عند ماوقفنا قدام الغرفه
مراد : راجيني هنا را تخبطي في حد اخرى بس
انا : مابيتش انبحت فيه وقعدت نحرك في يدي الحيوان شنو يحساب روحه
خش مراد للغرفه وبعدها طلع
مراد : تعالي
انا : مابيتش انبحت فيه وقعدت مصبيه ومطبسه راسي
مراد : قرب مني وطبس تباوعني وهز راسه بمعنى شنو
انا : حطيت ايديا على بعضهن وقعدت نحرك في يديا بتوتر وبرمت وجي عالجنب
مراد : اذكر انه شن دار مسك وجي وبرمه لاه وضحك زعاله انتي را
انا : حطيت ايدي على ايده نبي نحولها نزل كم العبايه لانه واسع وانا رفعت يدي
مراد : عقد حواجبه ومسك يدي ورفع الكم عند فوق وانصدم بالبقع الزرقه الكبيره في يدي من شنو هذا في حد ضاربك
انا : هزيت راسي ب لالا
مراد : ها من شنو
انا : بحتت فيه
مراد : طلع نقاله وحط على المذكره اكتبي من شنو
انا : خذيت نقال وكتبتله بعد نزعل يطلعلي
مراد : قراها وتنهد من امس
انا : هزيت راسي بمعنى اها
مراد : بعد تخشي عالدكتوره حنحكيلها تمام
انا : هزيت ب تمام
مراد : دار حفظ للكتبتها وسكر النقال هيا يا زعاله زعلك واعر طلع نزعلوكش معناتا
انا : ضحكت
خشينا للدكتوره ومراد لان كان شارحلها على وضعي ف بدت بالتشخيص طول
دكتور : واضح ان مافيش مشاكل جسديه ممكن من الضغط النفسي والصدمه كبيره على انها تحملها فحنحولها للعلاج الطبيعي ودكتور نفسيه
انا : بحتت في مراد طول
مراد : غمضلي عيونه بمعنى اطمني
انا : هزيت راسي
مراد : يعني في امل انها ترد تحكي
دكتوره : وامل كبير وهيا تساعدنا شويه وتحاول والمسأله مسألت وقت
انا : ضحكت وكنت فرحانه يعني في امل نرد نحكي كنت فرحانه بكل
مراد : مبتسم ويبحت فيا بعدها بحت في دكتوره بنسألك على البقع يلي يطلعن في يدها هل شي طبيعي او لا
دكتوره : كيف دكتور مراد ما انت دكتور ولا ناسي
مراد : ضحك شكلك انتي يلي ناسيه انا جراح ونفس الوقت ماعمرش مر عليا حاجه اسمها البقع يطلعن من الزعل
دكتوره : بحتت فيا وابتسمت الباين انها رقيقه وحساسه يطلعن من الزعل بس انتو تاكدو من التحاليل اخرى
مراد : صبى وسلم عالدكتوره شكرا وبارك الله فيك
دكتوره : ولو واجبي ومدتلي يدها
انا : سلمت وهزيت راسي
للكاتبه #wiush_hamo
طلع مراد وانا وراه
مراد : بكرا ناخذك الصبح ونديرو تحاليل تمام
انا : هزيت راسي ب لالا وطلعنا من باب المستشفى
مراد : شنو يلي لالا
انا : هزيت راسي ب لالا وعديت نجري ركبت فالسياره
مراد : لحقني وركب
عميمه & روان : شنو صار
مراد : الانسه الدلوعه تدلع علينا دكتوره قالت مافيش مشاكل جسديه العامل نفسي
عميمه : وشنو توا
مراد : علاج طبيعي وترد تحكي
روان : وووو هااااي وقعدت تحضن فيا وتبوس بتردي تحكي
انا : قعدت نضحك ومراد وعميمه مبتسمين
عميمه : الحمدلله ياربي ربي يجبر لخاطرك ياعمري
مراد : حرك السياره وتوا قوليلنا عليش ماتبيش ديري تحاليل
عميمه : تحاليل شنو
مراد : يطلعنلها بقع في يدها من الزعل ودكتوره قالت حساسه و دلوعه بس ضروري من التحاليل عشان نطمنو
روان : هيي عليش تبيش ديري تحاليل
انا : خذيت الدفتر وكتبتلها نخاف من الابره ومانحبهش واصلا من زمان يطلعلي وعادي
مراد : يسوق شن كتبت
روان : تخاف وماتحبش الابره
عميمه : ياهبله ساهله
مراد : هز راسه عليك دلع
انا : بحتت فيه وبعدها برمت زجي للقزاز
روان : ياسامط زعلت ميورتي
مراد : عليك الي زعاله ودلوعه
عميمه : بطل البنت زعلت جد
مراد : هز راسه وولع دخان وقعد يدخن
انا : نفسي ضاق خذيت البخاخ وبخيت منه
مراد : فطنلي عزق الدخان وحل روشني
_______________
