RS [gay]

RS[٣]

vote+comment?

محتوى دموي وألفاظ.

..

جسمه تجمد من الصدمة ومن منظر كرم المتشوه قدامه الدم يسيل من راسه بكل مكان، مشى بخطواته لورا الطاولة يجلس على ركبه ما ينطق ب اي كلمة بس يحس بدموعه تنزل ويحاول يغمض عيونه يوقفها.

تحسس شعر كرم والجهة المتشوهة من وجهه ويده المكسورة، جسمه بارِد عكس حرارة جسم يوسف الي حاول يتمالك نفسه الا انه ضرب الطاولة قوي بيده.

بمخه يحاول يهدي حاله ويده مسك فيها تلفونه يضغط الرقم 911 لأنه متأكد انه ما في أمل حتى يعيش.

كان بيضغط ع زر الاتصال الا لما سمع صوت وراه بالزبط "كمل، رن عليهم وما راح يتورط فيها غيرك"

يوسف ما سمع له وضغط عالاتصال وما حس الا ب الي وراه يمسك منه التلفون ويفصل، قام يوسف من مكانه وهو يتطلع بوجه حسن "انت يا قحبة"

"يعني تهددني بالقنوة هاي؟ خايف كثير" مسك يوسف بالقنوة مع حسن يضغط على يده وحسن ابتسم لما شافه اخذها من يده.

كان يوسف بيهجم عليه الا لما حسن تكلم "الي معك هي الي انقتل فيها كرم، وبصماتك هي البصمات الوحيدة عليها"

يوسف حس بعقله يوقف هو ماسك بالاشي..الي كان سبب ب موت كرم، بدأ جسمه يرجف ووقعت القنوة من يده يحس انه ما عاد يفكر كأنه مات وهو عايش.

صحصحه شوي التسجيل الي سمعه من تلفون الشخص الثاني الي وقف جنب حسن وحط الجوال قدام وجهه بالزبط "مهو لو ما سكتت بفتح راسك كله وبخلي دمك يسيل بكل مكان"

يشوف الفيديو بتشوش بسبب دموعه، كانوا مصورين كل اشي وكل النقاش بينه وبين كرم على الشط "اتصل عالشرطة يلا، في مجرم قتل كرم وهو انت"

قرب يوسف معصب من حسن يدفشه للحيط "انتم ايش سويتوا؟؟ ليش؟ ايش كرم مسوي لكم؟ كرم ما عمره عمل مشاكل مع حدا! دايما يبتسم بوجه اي حد..ليش؟؟ فهمني ليش؟"

كان يضغط على رقبة حسن بكل قوته "كان قتلتوني انا، انا دايما معصب ومش طايق حد يعني ممكن يكون عندكم سبب، بس كرم؟"

حاول الثاني يقرب بس حسن اشر له بيده ورجع"قاعد بتحاسبنا وانت معصب عليه وهو مش مسويلك اشي؟"

خفف ضغط عن رقبة حسن تلقائي يتذكر كل اشي، صافن بنفس المكان.

اما حسن والثاني ف سحبوا جثة كرم من المكان لغرفة خلفية"كمل سحبه لحالك بشوفه" تكلم حسن وهو يترك كرم للثاني ويتوجه ليوسف الي جلس بمكانه.