RS [gay]

RS[١]

vote+comment?

رواية قصيرة ما تتعدى ال5 بارتات (باللهجة الأردنية)، تحوي محتوى دموي، نفسي.

الفاظ⚠️.

إذا ما يعجبك هذا النوع لا تكمل^.

..

٢٧-٤-٢٠٢٣م/الخميس.

عمّان، ١٢:٠٠ بِداية مُنتصف الليل.

ك أيّ سهرة او تجمع عائلي كانوا متجمعين لهالوقت وممكن اكثر، اصوات اصابعهم اتجاه يدين البلايستيشن وهمسهم الي كان اعلى من اصواتهم العادية.

اثنين يلعبوا قدام الشاشة وثلاثة وراهم يتناقشوا بهدوء، يحاولوا ما يزعجوا النايمين بالغرف الثانية.

"العبْ، العبْ زي الناس حطيت فيك ثلاثة لهسا" همس ب ذانه بطريقة وصخة والثاني ضربه بكوعه يبعده عنه مع ضحكاته العالية عليه.

قرب واحد من ورا عليهم موجه حكيه لـ الي يضحك "رعد متى راح توقف حركاتك البايخة على جود؟ وصوتك وطيه فضحتنا"

ترك رعد يد البلايستشين ووقف قدامه"ايش الي مخليك تزعل هاشم؟" سأله وهو يقرب وجهه منه يلمس كتفه يمرر باصابعه عليه.

همس له بنفس الطريقة "ولا نفسك احطهم فيك انت؟" ابتسم هاشم بوجهه وكأنه يمسك ضحكته ومسك يده يضغط عليها يتطلع عليه بنظرات تحرقه.

"جربني" همس هاشم له بس رعد بعد عنه ورجع يقعد بمكانه يمسك باليد بدون ما يعطيه جواب.

نظراته كانت لجود الي كان يعض شفته ويتطلع بالأرض "نكمل؟"

اومأ جود ورجعوا يلعبوا وهاشم رجع عند الاثنين الي لسا يتناقشوا.

"ما خلص نقاشكم؟ الوقت تأخر ما راح نلحق نطلب رحلة للعقبة نأجلها احسن"

"انا راح اطلب رحلة هسا " اقترح واحد من القاعدين وهاشم قعد جنبه وهو يسأله "وكيف راح نروح؟ وهسا جيت تقترح؟ راح الوقت"

"في كثير بنقدر نحجز هسا" تأفف هاشم من فكرته وجاوبه.

"كرم لا تجلطني، هسا عالساعة ١٢ ودك تقنعني انه في خمس مقاعد فاضية ممكن نلاقيها؟" كرم والي كانت شخصيته مرحة نوعا ما، ابتسم بوجهه وقرب جنبه اكثر يخليه يشوف صفحات لبعض العروض للعقبة.

"شوف عندك هظول وغيرهم كثير بنتصل عليهم واحد واحد" هاشم قلب عيونه وهو يتطلع عالثاني جنبه والي كان اسمه يوسف.