هلا نجماتي
روايتي الاولى بقلمي
#بنت_النمر
تصويتاتكم وتعليقاتكم وتوقعاتكم
✨✨✨✨✨✨✨✨✨✨✨✨✨
مُنذ 2004
.
.
حياة: اگلج رحاب شلون الوحده تعرف نفسهه حامل
رحاب: تنقطع عنهه**** وتصير عدهه دوخه ولعبه روح ونحول وتحب تنام هواي
حياة: اكلج يمكن انه حامل
رحاب:صدك والله وربي فرحتلج العصر انه رايحه للسوك نروح سوه ونشوف الدكتوره
حياة: تمام احاجي رسول اكله رايحه للسوك
\\رحت احاجي رسول حته اروح ويه رحاب للسوك وهوه استقبلني بفكره بالزواج الثاني اعرف يريد اطفال
رسول: اكلج حياة تخيلي يوم انتِ كاعده وادخل عليج وجايب مرتي الثانيه شتسوين
حياة: بالعافيه عليكم شاسوي مثلا 😒
رسول: بس لا تگلبين وجهج خليج حبابه هوه اكو واحد يبدل الگمر بالنجوم
حياة: دكوم كوم عود هوه يعرف يغازل
رسول: يمته يصير عدنه اطفال ونشوفهم يركضون دائر مدائرنه ونلعب سوه
حياة: تعرف احس نفسي حامل
رسول: صدك والله🥹 ليش مگلتيلي نروح للدكتور نشوف تعرفيني هل فرحه صار 6 سنين منتظرها
حياة: مردت احجي لحد ما اتاكد رحاب گالت العصر اريد اروح للسوك امشي وياي واخذج للدكتوره
رسول: شيجيبه للعصر يربي
\\ اجه العصر ورحنه للدكتور اخذو عينه دم للتحليل ورحاب واكفه يمي كالت خل احلل وياج ع الواهس الممرضه ضلت تضحك علينه
رحاب: شكد وتطلع التحاليل؟
الممرضه: فد نص ساعه جاي تشوفين الازدحامات يطول شوي
رحاب: تمام رح نطلع وره نص ساعه نرجع ناخذ التحاليل
حياة: وين؟
رحاب: نفتر بالسوك شعدنه هنا
حياة: معقوله اطلع حامل؟
رحاب: لا انه الحامل 😂
حياة: جوز شكو بيهه جيبلج بنوته حته يتعادل فريقج 😂
رحاب: فال الله ولا فالج
// رحنه فترينه بالسوك واخذنه كم شغله ومن صدك حسيت نفسي حامل اشوف اغراض الاطفال وانه اتمنه تصير عندي بنوته امشطلهه وابدللهه خلصت عمري ابدل وامشط للعابات واتخيلهن بناتي
حياة: يلا امشينه نرجع نشوف التحاليل كافي تعبنه شكد تفرين مدوخين
رحاب: شبيج مستعجله دصبري
رحاب// شفتهه فرحانه وانه ردت اخليهه بفرحتهه اخاف نروح للتحاليل وتطلع مو حامل وينكسر خاطرها بقيت اندعي تطلع حامل ونفرح بيهم
