هلا نجماتي✨
تصويتاتكم تعليقاتكم توقعاتكم
✨✨✨✨✨✨✨✨✨✨✨✨✨✨
هيله: سيدي هيه ما جانتلي ام ولا جانت مجرد زينه رفعت راسي باوعت بعيونهه وكملت كلامي سيدي هيه كل اهلي هيه الدارتني مثل الماي بالصينيه وحبتني حب النار للگهوه سيدي صح هيه ما حبلت بيه بس شالتني بعيونهه سنين هيه تحملتني بوقت اهلي ما متحمليني هيه قليل بحقها اذا انطيت عمري الهه ورجعت باوعت بعيون ابوي وكملت كلامي سيدي صح هوه عمي بس جان الي ابو صح ما جرب يصرف علي بس ما يجرحني بكلمه صح هوه ما متحمل مسئوليتي بس جان مدللني ما مخليني بحاجه شي بس جان كلش مو زين ويه امي ودائما يتعارك وياها سيدي همه صح اهلي وصح عمامي ومن لحمي ودمي بس ما جانو زينين وياي خوالي الكبروني خوالي العلموني على الصح وطريق الحق اذا بيوم شفتني بافضل حال الشكر والفخر يرجع للساده مو لعمامي صح انه ما يربطني بيهم شي بس همه جانولي اهل الاهل مو بمجرد اكون من لحمهم ودمهم الاهل همه من يتعبون على تربيه اولادهم وممشاهم على الطريق الصح دائما اكول لامي ليش ما تشكين من ابوي رغم هوه متعبج تكلي ما اريد اتركج همه رح يخلوني ابتعد عنج ودائما من بيبي تتصل على امي وتكلهه ليش ما تجين تكلهه ما اكدر اترك هيله لوحدهه ومره كعدت من النوم اسمع امي تحجي بهمس تقربت يمهه تكول لامها انه ما اترك هيله لوحدهه عمرها ايام وامها تصيح عليهه وتغلط شلون اتركها هسه ويمه كافي ما اريد هيله تسمع ما اريدهه تكره اهلهه يبقون اهلهه شوف رباة الاصل شوف الصح وين وشوف منو الاهل سيدي برايك الاهل الي يوكفون بتهم باب المحكمه ويترسون راسهه حجي حته اشوه سمعه امي الكبرتني بماي العين واطلعهم الزينين؟
القاضي: ونعم التربيه باباتي تفضلي نزلي
والنعم من تربيتج علويه
// كملت كلامي واحس عمي وابوي رح ينفجرون شنو الكلام الحفضونياه وشنو الحجيته
زياد: ليش بابا نجمه ليش تحجين هيج سيدي هيه طفله وكلها كلها 9 سنين اكيد احد دافعها
// انه بالي كله مو يمهم اباوع الامي تضحك وتمسح بدموعها ومو ملحكه احس هيه مفتخره بيه ومو هامني شي ثاني المهم الربتني وتعبت علي راضيه علحجيته
//بقو يحجون لحد ما تاجلت المحكمه رجعنه للبيت رحت ويه ابوي لبيتنه تركني ودخل رحت امشي بهدوء سبحت ونمت مرتاحه لان امي راضيه وشفتهه فرحانه واعرف الي حجوه الي اهلي انو امي متريدني امي تريد تطلك وتتركنه اعرف ابوي يريد اطفال من عنده ويريد يتزوج بس امي متخليه يتزوج بهذا البيت وهوه يريد يطلك امي حته يتزوج
// مرت الايام ادرس واروح للمدرسه واخاف اكول لابوي اريد اتصل على امي انه من النوع الهادئله الخجوله الخوافه اخاف حته من خيالي انتظر امير يجي واتصل من تلفونه بس هوه همين ما اجه ولا ابوي وداني يمهم وانه ما اطلع ابوي يوديني للمدرسه ويرجعني وهوه ساكت وانه ما احجي وياه من طبعي ما اتنازل واحجي ويه شخص بس اليحاجيني احجي وياه هوه يجيبلي لفه من بره ومن اكعد الصبح الكاه سالگ بيض لو مگلي وياه جبن وكلاص حليب ومخلصيهه هيج وره اسبوعين اجه امير
