انت الذي حطيت بالجوف رمحينّ رمح العيون ورمح ورَدي شفاتك

الرابع

عفى الله عن ملذات الهوى والعشق والتخمين
وسجَات الغرام ولذه الحب الحقيقية
.
قّام وهو يصفقه بقوته وطاح سعد وهو مايشوف شيء غير الضباب اللي مالي عيونه ، ناظره بغضب يعتريه ورفع سبابته وهو ينطق : ان جبت طاريها والله اني لاانهيك ياسعد وانت عارف وش اسوي !
فز سعد وهو يناظره ومسك يده غنّام وهو يلفها بقوه وصرخ سعد بألم
ودخل براعه عايض وهو مفجوع ونطق : وش فيه !
غنّام طلع بغضب وهو ينطق : شيلوه عني لا ارتكب به جريمة
ناظره عايض واشر للعساكر ياخذون سعد
وتقدم وهو يناظر غنّام اللي دخل مكتبه وصفق الباب وراه ، هو ماتحمل كلامه عنها ابداً
صدق انه مايعرفها لاكن اعجب فيها وبشخصيتها وبكلامها وعيونها ،
ضرب على المكتب بغضب ورفع راسه من دخل عايض اللي مرتبك من توتر غنّام الغريب ، ماقد شافه معصب كذا
وعرف ان الموضوع فيه شي يضايق غنّام ولا غنّام ابداً ما عمره عصب بهالشكل الحاد والقوي
ناظر عقده حجاجه وغضبه ونطق بهدوء : سم بالله
صد بغضب غنّام وهو يستغفر ونطق عايض : ماتوصل ياغنّام انك تعصب كذا ، عارفين انه مخطي لاكن الرجال واضح الضربات قويه
ناظره بستهزاء غنّام ونطق : جعله بهالحال واردى
عايض صد ونطق : وش مسوي هو لاحول ولا قوه الا بالله
جلس غنّام وطنش عايض
.
بيت ال سياف
جالسين حول طاوله الطعام كلهم ورفعو انظارهم على غنّام اللي دخل
وهو يسكر الباب خلفه ونطق : السلام عليكم
ردو كلهم السلام وتقدم وهو يبوس راس امه وابوه
ونطق جهيمان: اجلس تغد معنا
هز راسه بالنفي ونطق: تعبان والله بنام لي ساعتين بالعافيه عليكم
مشى وهو يصعد فوق
وتقدم وهو يفتح غرفته اللي نادر يجيها ، بس بالويكند يجلس عند اهله
وفتح بدلته العسكريه وهو يرميها وينسدح بتعب
و رفع انظاره للسقف اللي ياما ناظره وعقله مليان هواجيس
وقت كان مايقدر ينام وهو مافكر بحالته مع زوجته السابقه شجون
اللي انغصب يعقد عليها من جده وهو مايحب يرد له طلب
وتزوجها بس كشفها بيوم وهو خارجه مع شخص غريب بكوفي قدام الناس وماصدق اللي يشوفه
هو صدق ماحبها
بس هو رجال وجهه ماليّه الشعر ، كيف تخرج زوجته مع واحد كيف
مسكها مع ذراعها بغضب وهو عيونه تطلع شرار ، منصدم ، دفها ومسك الرجل مع ياقته وضربه بكل قوته لدرجه الرجال طاح مغمي عليه ، غنّام من النوع اللي مايتكلم كثير ، يكتم واذا كتم وانفجر يقلب شخص ثاني
او وحش من قوته وقوه ضرباته المتتاليه
مسكها وهو يدفها على سيارته وركبها وطلقها بالثلاث
ولدرجه جده ماتوقع وانصدم وطاح عليهم
وشجون ابوها سجنها بالبيت ، واخوانها مايكلمونها ، بس مات ابوها وخرجت من عندهم ، لشقه لوحدها بالرياض ، خسرت اهل وسند وعزوه بسبب شي طايش ، ورجل محرم عليها
لف وجهه بتعب ودفن وجهه بالفراش ، ماودّه يفكر ويهوجس بشيء عابر
و راح من سنين ...
.
الديرة
بيت غازي
كانو كلهم خارجين متجهين للمستشفى بعد ماقال غازي لهم انهم لقو الغيوض ، بس ما اكتملت فرحتهم بشوفه الوضاحي اللي للحين بالعناية المركزة
كانو سيارات متتاليه ، سياره فيها الشيابَ وسياره فيها الحريم كلهم
كانت حاطه راسها على الشباك وتتالم بس ساكته ، هي من يومين ساكته من المها الشديد اللي تحس فيه ، كان في نغزات ببطنها يوجعها ولاهي عارفه السبب ، غمضت عيونها بقوه من الالم اللي تحس فيه ، وشدت على عبايتها بقوه ، دمعت جفونها ، وشتت انظارها بعيد عشان محد يشعر فيها
رفع انظاره زايد للمرايه وناظرها خلفه تماماً ، تبكي بدون صوت وتناظر الطريق بتعب ويشعر بإنها تتالم من شيء لاكنه يجهله
وقف من وقفو كلهم للمستشفى ونزلو جميع ونزلت نجود وهي خطواتها تسبقها ، ناظرت غيوض اللي جالسه تناظر الجدار وبجانبها مسلط
نطقت نجود بتعب : الغيوض
رفعت انظارها الغيوض عليها ووقفت وتقدمت وهي تحضنها وتبكي شوق لاختها ريحه امُها ، وتقدمت هنوف تحضنهم وصد محمد من حالتهم والشياب توجهو للجهه الاخرى والحريم كذالك ، وقفت هنوف من ناظرت الدكتور اللي تقدم لهم ونطق : أهل الوضاحي ؟
وقفو جميع ونطق مسلط : ايه فيه شيء؟؟
هز راسه الدكتور بالنفي : لا ابد بس ابشركم صحت وهي بخير الحمدلله
ناظرو بعض بصدمه وذهول وناظرت غيوض مسلط وبكت وهي تناظره وتقدم وهو يمسح على راسها ويحضنها والبنات كانو فرحانين ،
ناظرته أوجان تشعر بحنيته على خواته ، تحسدهم على حبه لهم وولا يفرق بينهم ، كأنه ابوهم مو اخوهم
مشى محمد وهو الفرحه تعتريه ، وهو يسجد شكر لله
وضحك مسلط وسجدو كلهم لله لان امهم تشافت
وهنوف وغيوض ونجود اللي يبكون من الفرح واتجه مسلط للدكتور وهو ينطق:بشر يادكتور متى نقدر نشوفها؟
الدكتور:بس ننقلها الغرفه حقتها وتقدرون تشوفونها بس بدون حزن لانه ممكن يأثر عليها
هز راسه بتفاهم مسلط ومشى وهو يخرج خارج المستشفى
ورفع انظاره لغنّام اللي جاي وتقم وهو يصافحه ويسلم عليه
غنّام:بشر شلون الوالده؟
ابتسم مسلط:بخير الحمدلله بينقلونها اليله لغرفتها
ابتسم غنّام:ماشاءالله الحمدلله على سلامتها واخر الاحزان ان شاءالله
ابتسم مسلط ونطق: امين ، والله ان وقفتك معنا ماتنسى ياغنّام ، صدق انك رجال بن رجال ، وانا حالفً عليك عشاك عندنا الليله وجب اهلك وشيبانك وابشرو بالخير
غنّام:ماتقصر يابو غازي لاكن لاتكلف على نفسك حق وواجب
مسلط:ماهو بقدرك ياغنّام وعيبً علينا مانرد لك الجميل
ابتسم غنّام واخذتهم السوالف ونطق غنّام:يامسلط والله ما ابي اضايقك بشيء لاكن الاهم اختك تجي وحنا دام تأكدنا على صحه الوالده تقدر تجيبها عشان كل شخص ياخذ حقه
مسلط:تبشر يابوجهيمان ان شاءالله لاصحت الوالده وتطمنا عليها طلعت بالغيوض للمركز
هز راسه غنّام وخرج من عنده وهو يركب سيارته متجه للبيت ..
.
المستشفى
ابتسم وتقدم يعلمهم بان امهم طلعت لغرفتها
واتجهو جميع لعند الوضاحي ، دخل غازي وسمّى بالله وابتسم من شافها صاحيه وتققدم لها : ابشري بالخير يالوضاحي والحمدلله على السلامه
ناظرته الوضاحي ودخلو كلهم وهي تدور بعيونها الغيوض
وناظر الغيوض اللي واقفه برا واشر لها
ودخلت وهي تتقدم وتحضن امها بقوه ، وتنهدت الوضاحي:اه ياكسر ظهري فيتس يالغيوض
مسكت وجه الغيوض بيدينها اللي ماليتها التجاعيد ، ودموعها اربع اربع
والغيوض مثلها
ونطقت الوضاحي : فيتس شي سّون لتس شي؟؟
هزت راسها بالنفي ونطق  غازي : احمدي الله يالوضاحي بنيتتس قدامتس وبخير ، مايصير تو طالعه من العنايه
وانتي يالغيوض ابعدي عنها شوي عشان ما تتعب
هزت راسها غيوض ونطق مسلط بعد ماسلم على امه والبنات عندها كلهم : انا باخذ الغيوض معي مشوار سريع
ناظرته الغيوض بعدم فهم وتقدم ونطق: امشي
قامت معه : وش فيه وين موديني؟
مسلط:سمي بالله اسألتك واجد ,اولاً بنروح للمركز نخلص اجراءات وبعدها بنروح ناخذ لتس قهوه ونرجع
الغيوض:طيب الظاهر انك تهكرت من امي بالهرج حقك
ضحك مسلط وهو يحط ذراعه على كتوفها وناظرتهم من بعيد اوجان ببتسامه ولحقتها ملاذ: شفيك؟
اوجان لفت عليها بنتباه:هاه؟
ملاذ:وشهو له تتبوسمين؟
اوجان:تذكرت شي يضحك بس
ملاذ دزتها:علي انا؟ اوجان انا حافظتك المشكله وعيونك كلها عليه!
اوجان بققت عيونها : ملاذ عيب عليك
ملاذ : يابنتي تطمني مسلط مافي زيه وافقي بس وبعدين مافي مفر تطمني على زوجك المستقبلي
اوجان:ملاذ ياحيوانه!!!
ضحكت ملاذ ومشت تدخل وصدمت بمحمد وناظرته ومسكت راسها :ابك انت ماتشوف !
محمد ناظرها بصدمه ونطقت: اف ابعد ابعد!
بعد محمد من اسلوبها ودخلت خلفها اوجان اللي كانت ساهيه ومحمد خرج وهو يضحك منصدم اول مره احد يكلمه بهالاسلوب ومشى للخارج
.
بسياره مسلط
نطق بهدوء:اسمعيني ، قولي اللي تعرفينه ووش سوو وش صار فاهمه
لاتخبين شي!
الغيوض:انا انتظر اللحظه اللي اشوفهم فيها
مسلط:اسمعيني وانا اخوك صراخ وهواش مانبي ، بكل هذوء قولي اللي تبينه واخرجي بس
غيوض ناظرته وابتسمت:افا عليك بصير هاديه وجدًا مابتعرفني
آبتسم لها ووقف من وصلو للمركز ومسك يد غيوض ونزلو سوا
هو مايحب يخليها تعيش بخوف ورعب ، يحب خواته ولا يرضى عليهم الزعل مستحيل يزعل وحده منهم واذا زعلت راضاها
ابتسم ووقفو عند مكتب غنّام ودخلو من شافوه فتح الباب ببتسامه وناظرته غيوض وناظرها وصد لمسلط وهو يرحّب فيهم
دخلت بهدوء ورا اخوها ماعمرها دخلت مركز شرطه بحياتها
وناظرها غنّام وجلسو كلهم ونطق غنّام : أسمعيني يالغيوض
اللي ابيه منك ماتقولين اي شيء ما حصل نهائياً لان بتنقلب الدعوه عليك
ولازم تقولين كل شيء صار بالتفصيل
هزت راسها بهدوء وتقدم مسلط وهو يمسك كفوفها : غيوض ناظريني
ناظرته وهي دموعها على طرف عينها ونطق مسلط:ليه ليه الدموع يالغيوض خابرك قويه !
حطت كفوفها على يدها بتوتر وهي تبكي ماتبي تشوف الشخص اللي هددها بحياتها واهلها وسندها وعزوتها قدامها توقعت انها تشوفه مره ويروح ويختفي وفقط لاكنها بتقابله الان ، قام غنّام وخرج من عندهم وهو يمسك رقبته بأختناق ، ماتوقع يشوفها تبكي امامه بهالشكل ، ليته ماناداها
مسى بالممر بتوتر وخرج مسلط مع الغيوض اللي هدت ونطق :غنّام وين غرفه التحقيق؟
مشى غنّام ومشو خلفه ودخل ونطق لمسلط : مايصير تدخل يامسلط
هز راسه وناظر غيوض وهزت راسها بهدوء ومشت خلف غنّام ورفعت انظارها عليه وظهره العريض وطويل وملامحه جذابة ، معقوله ماتزوج؟
شتت افكارها وهي تناظر اظافرها ونطقت بنفسها:خبله غيوض هذا وقتك وتفكيرك الخايس
ناظرته وجلست وجلس ونطق وهو يشبك اصابعه ببعض:الغيوض بنت غازي ال عطى
رفعت انظارها عليه ونطق: كيف تمت الحادثه وكيف دخلو وخطفوك؟
ناظرته وحكَت له كل شيء حصل لها وكان غنّام معقد ححاجه بذهول من جرائتهم وانهم استغلو موقف انهم جيرانهم وخطفوها
قامت بعد الانتهاء ونطقت : ابي اقابله
ناظرها غنّام ونطقت؛ايه ابي اشوف اللي خطفني من اهلي يتعذب وبين جدران السجَن ، ويشوف اللي معّه بعد !
نطق بهدوء : ان دخلتك وصار شيء....
قاطعته وهي تنطق: مابيصير شيء
هز راسه ونطق : اجلسي هنا بجيبه
جلست وهي تفرك كفوفها ببعض وتناظ الباب اللي خرج منه ، وفتح الباب العسكَري وهو ماسك سعد وشيخه وثنوى ، وناظرتهم بحده وهي توقف
ونطق غنّام: اجلسو!
جلسو وجلست غيوض ونطق سعد بعد ماراح العسكري؛اشوفك جايبها ؟
ناظرته بذهول ونطق غنّام:اقطع واخس ياقليل المروه
نطقت غيوض لشيخه:تذكرين الكف؟
ناظرتها شيخه بعدم فهم ونطقت غيوض بغضب وهي توقف:قلت لك برده بدال الكف عشر!
ناظرها غنّام وقامت متجهه لشيخه اللي صادَه ومسكتها مع شعرها وهي
تعطيها كفوف متتاليه
وناظرها غنّام بذهول وهو يقوقف ونطق: غييوض!!
ناظرته بغضب ونطقت:تستاهل بعد
طاحت شيخه على الارض ببكى وناظرتها ثنوى بخوف وسعد يناظرهم بحده وقامت متجهه له وهي تمسكه مع شعره وتجره بقوه وقام سعد وهو يدفها ومسكها غنّام مع خصرها وجرها له
وصرخت بغضب لسعد:ياحيوان!!!!
وصرخ سعد:تخسسين تمسيني !
غيوض:قد مسيتك يالرخمه ،وطحت مغمي عليك
غنّام بغضب صرخ:خلاص!!!
جلسو كلهم ونطقت غيوض:مابردت حرتي طيب
ناظرها وجلس ونطق : محكمتكم بكرا الصباح
واشر للعسكري والعسكريه واتجهو ياخذونهم وخرجت غيوض بغضب وناظرها مسلط بعدم فهم
ومسح غنّام على وجهه ونطارهم مسلط : العلم؟
غنّام ناظره بأسى ونطق مسلط:غيوض!
غيوض ناظرته ونطقت: نعم مسلط نعم
مسلط:وش مسويه!!
غنّام وهو يمشي للمكتب:ابد كفوف وشد شعر وخرجت
مسلط:كفو اوخيتي كففو
غنّام ناظرهم بذهول وغيوض مبتسمه لمسلط وتضحك:الحين انا ابيك تهاوشها كانت بتنقلب الدعوه عليها وانت تحفزها ؟
مسلط:اخسى اهاوش الشيخه غيوض
ضحك غنّام بذهول ونطق:ماعلينا بكرا المحكمه الصباح
هز راسه مسلط وسلم على غنّام سلام رجال وخرج ومعه الغيوض
جلس غنّام وناظر السقف وهو تذكر يوم سحبها وهي ماتدري
متوقع انها كانت مركزه على سعد ولا ركزت عليه
كان قربها اقرب من انفاسه ، ماكان متوقع يصير هالشيء ابداً ، صد وهو يستغفر ويقوم ويخرج للبيت
دخل وهو يفتح الباب ويناظر اهله المجتمعين كلهم ونطق منيف وهو يصفر:ولكم ولكم
ناظره غنّام ونطق جزاع:يقولك مرحباً بالانجليزي توه ماخذ له دوره
ضحك غنّام ومشى لامه يسلم عليها وعلى خواته وزوجه ابوه
ونطقت غدير : وينك يامك؟
غنّام:شغل يمه
نوف :اخذ اجازه وريح مانشوفك الا بالسنه حسنه
غنّام وهو يحك حاجبه:الشغل ماهو بكيفي
فاتن: والله بتقدر بس مانشوفك جد غنّام!
غنّام : ماعليه ايام وتعدي
غدير : اجلس يامك اقعد معنا شوي
غنّام ابتسم:ابشري بروح اتروش وانزل لكم
مشى وهو يدخل البيت لانهم كانو قاعدين برا ، وفتح الباب وطلعو بوجهه جزاع وهزاع
وصرخ هزاع:هذااا ويش!!
ضحكو كلهم من وجهه لان البيت كان ظلام ويتفرجون فلم رعب وناظرهم بستغراب غنّام وهم متروعين منه يوم دخل
هزاع:خرشتني الله يخرشك
جزاع: اضبط علومك يالرخمه
منيف:كلكم رخوم
ناظروه وقامو يضربونه وابتسم غنّام وصعد غرفته ، فتح الباب وهو يتروش ويخرج ويلبس ثوبه ويخرج
وناظر جواله من اتصل مسلط :هلا والله
مسلط:هلابك
قفل باب غرفته ومشى ينزل ونطق مسلط : اليله عشاك ولا انت ناسي؟
مسك راسه غنّام :اوه والله يابو غازي ماطرى على بالي ولا فضيت الا الان
مسلط:معذور معذور ، تعال انت والاهل بأنتظاركم
هز راسه غنّام ببتسامه: بإذن الله مع ان ماله داعي واللي سويته حق وواجب وهذا شغلي يامسلط وانت عارفني
مسلط : ماهو بمقدراك ياغنّام واللي تبيه تبشر به
سكر مسلط منه ونزل غنّام لأهله ونطق : جهزو نفسكم بعد المغرب بنروح لبيت غازي
ناظرو بستغراب ونطقت بدريه:وشهو له؟
غدير:المره تعبانه يامك
غنّام: خرجت اليوم الحمدلله ، مسوين عشاء لي ، لف وهو يناظر ونطق:ابوي وينه؟
غدير:توه طلع رايح عشاء
غنّام:دقو عليه اذا يقدر يجي اليله بنروح لغازي
هزت راسه غدير ونطقت نوف:كان علمتنا من بدري
فاتن:وش البس الحين
غنّام: ماله داعي الكشخه الزايده عشاء محفوف بينا بس
هزو راسهم ومشت نوف تصعد فوق ووراها فاتن
.
ببيت غازي
مسلط عقد حجاجه بغضب: محمد الذبايح ماصلختها؟
محمد ابتسم: وديتها للطباخ
مسلط ناظره بغضب: انت مهبول انا قايل لك خواتك موجودات ليه تودي للطباخ وفلوس زايده
مسلط معروف عنه مايحب اكل المطابخ ويحب اكل البيت
محمد: شفت البنات تعبانات وولا وحده لها خلق وهم حول امي ماحبيت ازيدهم هم زياده ، وتراه طباخ يعرف يطبخ احسن منهن بعد
مسلط مشى بحده وهو يشرف على القهوه اللي كانت تسويها الغيوض
والهنوف تسوي الشاهي
ونطق : القهوه لونها ماهو بزين
غيوض لفت عليه: يامسلط انت علامك توني حاطتها على النار
مسلط:خرب مزاجي محمد مودي الذبيحه للطباخ
غيوض : طيب وش فيك عادي
مسلط : انتي تعرفيني ما اداني طبخ المطاعم
هنوف: مسلط بس اليله عدها تكفى والله مارقدت من امس
نجود جتهم وهي ماسكه الدواء حق امها : ايه شفيكم؟
مسلط:وانتي ليه ماتطبخين معهن على راسك ريشه؟
نجود رفعت كيسه الدواء : مقسمين الشغل علينا انا عند امي وخواتك هنا
مسلط: وبنات عمك وينهم مايشتغلون؟
هنوف: تعبو مساكين ينظفون البيت والمجالس
خرج مسلط وهو يتجه للمجلس وناظر اهله مجتمعين ابوه وعمه وعيالهم
ونطق غازي وهو يأشر لمسلط يجي جمبه : مسلط وانا ابوك
مسلط ناظره : سم يبه
غازي: توه عمك قالي اوجان وافقت وخير البر عاجله
ناظره مسلط وهز راسه ونطق غازي:ها نتمم ؟
مسلط : مو كنه بدري ياابوي امي توها طالعه من المستشفى
غازي:ماعليك ماعليك امك بخير الحمدلله ، وهي تبي تفرح فيك
هز راسه مسلط وناظر عمه وزايد اللي يتناقشون
ونطق غازي وهو يعلي صوته:اقول يافيصل
ناظره فيصل:سم ياغازي؟
غازي:شرايك الملكه والزواج بعد اسبوعين ؟
ناظروه بصدمه وكان مسلط عادي ولا كانه زواجه
ونطق فيصل:ياغازي بدري كيف البنت تجهز؟
غازي بحده:وشو اللي بدري اسبوع بالكثير وتخلص اغراضها
زايد ناظر ابوه ونطق فيصل:شورك وهدايه الله
ابتسم غازي وقام زايد ووراه محمد ومسلط
واتجه مسلط لغرفته وهو يفتح زرار ثوبه بأختناق
فتح الباب وجاته ريحه عطر يعرفه ، عطر ليله الشاهي
عقد حجاجه بستغراب وطل على الباب وهو يدخل وسكر الباب خلفه وجلس على السرير اللي كان مرتب وريحه غرفته بخور وعطر
استغرب خواته نادر ينظفون غرفته الا لما يقول لهم
ورفع انظاره على باب الحمام اللي انفتح وناظره بصدمه
وخرجت اوجان وهي ماسكه ادوات التنظيف وحطتها على الارض وهي تبعد شعرها عن وجهها وتمشي للدولاب ، جاهله العيون اللي تناظرها
فتحته وهي تحط البخور فيه وتبخر الملابس
ونطقت : ايوه كذا مو قبل شوي تقول غرفه ..
قاطعها صوت شيء طاح ولفت بتوتر وهي تناظر وشهقت وهي تغطي وجهها
ونطقت:من!!
كان مسلط مو متوقع ابداً يشوفها ولاتوقع انها اوجان بس عرفها من صوتها كانت جميله بأبسط حالاتها ، شعرها الأشقر الطويل وفوقه ربطه خفيفه ، سكت شوي وقال : انتي اللي من وكيف دخلتي الغرفه
نطقت وهي تدخل داخل الدولاب : شعرفني اخرج بطلع
مسلط ابتسم وهو كاتم ضحكته ونطق : طيب بس من سمح لك تنظفينها؟
اوجان انكتمت : اخرج يابن الناس انكتمت هذي جزاتي
خرج مسلط بهدوء وسمعت صوت الباب وركضت خارجه وهي تتنفس بسرعه:والله ماعاد ارتب شي الله يسامحك يالهنوف
مشت وهي تحط الاغراض عند الباب
وخرجت للغرفه اللي مجهزينها لهم بسرعه
دخلت وهي تسكر الباب بتوتر وتفرك كفوفها ببعض
ونطقت ملاذ :شفيك؟
اوجان رفعت شعرها بتوتر وهي تمشي بالغرفه: وشو وش فيني
ملاذ ناظرتها بطرف عين:بنت
اوجان:هنوف قال ارتب غرفه مسلط ودخل علي بالغلط
ملاذ شهقت:بقره انتي ! ليه ماقفلتي الباب
اوجان: قفلته والله بس شكله عنده سبير
ملاذ: اسكتي عساك تعلمين احد
اوجان: صاحيه انا اعلم احد ؟
ملاذ : اجلسي اجلسي
جلست اوجان وخرجت ملاذ للصاله وابتسمت من شافت البنات
ونطقت: اوه ريم و ساره عندنا
ابتسمت ساره: ايوه عشان فيه عشاء
.
اعذروني على القصور 🩶
- اسفه لو كان في اي خطأ بالكتابه اعذروني 🩶
⭐️