هربانين كيجريو وسط الغابة ووسط الحجر ووسط الشجر معارفينش فين غادين ولكن المهم مايشدوهومش لي تابعينهم حتى تعكلت و طاحت كتلفت وراها كتلقاهم قربو يوصلو ليهم ويشدوهم ولكن هو مستحيل يخليها وراه يايموتو بزوج يايحياو بزوج
حمزة: اري يديك نوضي دغيا دغيا دغيا
ياسمين : اااااي رجلي كضرني بزاف
طاحت على ركبتها ماقادراش تحركها
حمزة : حاولي حاولي يلاه يلاه خاصنا ضروري نتحركو من هنا
ياسمين : غير سير هرب واحد فينا يعيش غير سير هرب
حمزة: نتي واش معندش حبك العقل ولا مالك منيتك كتقولي ليا خليني وهرب
نوضي يلاه اري يديك انا انعاونك
بقات كتحاول توقف وبدات كتمشى شوية بشوية حتى وصلوا لواحد الحافة ولتحت كين غير الواد ولكن للأسف لي تابعينهم لحقو عليهم ومبقى لأبطالنا فين يهربو
حمزة وقف قدام ياسمين ماباغي حتى واحد يقيسها
هذاك لي واقف هو ورجالو هازين عليهم السلاح كيضحك وكيشوف في ياسمين
مروان : ههههه مبغيتيش تفهم مبغيتيش نتفاهمو ونتفاوضو اعشيري... ياسومة ياك قلتي كتبغي حمزة ومالكي ماقبلتي بالخدمة لي قدمناها ليك منها ترضيني وترضي رجالي الزوينة ديالي ومنها تعتقي حبيب قلبك اولا لا اسي حمزة؟؟؟
حمزة كيخنزر ومغدد من مروان ومزال واقف قدام ياسمين
حمزة : خلي ياسمين تمشي دكشي بيني وبينك
عدنان : باك احمزة تسلف من عند البوص الملاين باش يسيفطك لكلية في كندا ولكن خسارة طلع كذاب والفلوس كان كيشرب ويقمر بيها وضحك وكذب على البوص ديالي فاش عرفنا الحقيقة تفاوضنا معاه يبيع لينا مرتو لي هي مك تخدم قحبة في الكازينو عوض يعطي الفلوس الى معندوش ولكن رفض ولكن المهم الله يرحمهم دابا البوص ديالي دار خدمتو
ودابا نوبتك ميمكنش نخليو واحد عارف قتلنا واليديه ونخليوه حي بالطبع خاصك تنعس حدا مك وباك
حمزة : خلي ياسمين تمشي متقربوش ليها مزال وديك الساعة ديرو لي بغييتو
عدنان : افففففف صدعتيني بهاد القحبة لي حداك
عدنان ضرب حمزة لوجهو بالفردي لي فيديه : اششش سد فمك شوية الخرا
ياسمين ورا حمزة غير كتبكي ورجليها كتزيد تعطيها الحريق مع الوقوف غادي تموت بالخلعة
عدنان : قلت لك اجي للكازينو تديري خدمتك ترضي الكليان نفس العرض لي قدمناه من قبل لام حمز....
لاخر مزال مكمل هضرتو حمزة قشع البوص ديال عدنان واقف من بعيد موجه سلاحو جهة ياسمين .. طلقت القرطاسة ولكن حمزة بالخف تلاح عنق ياسمين وجاتو في صدرو لفوق وطاحو بزوج من الفوق للتحت في الواد
________________________غايفيق حمزة كامل عرقان وكينهج كيف ديما لونو شاحب وصفر نفس الكابوس كيتعاود خمس سنين دابا
شعرو الحرير مخربق بالنعاس وعريان من الفوق لابس غير شورط واشم في كتفو نسر عينيه عسليين هو سمر ( احح على الأسمراني ههه)
طويل عندو ضرابي في كرشو وصدرو تعيا تشوفيه ومتقدرش تعرف علاش ناوي ولا فاش كيفكر هو كتاب صعيب تقراه ،دخل للدوش طلق الرشاشة مخلي الما نازل عليه غارق في تفكيرو دوش وخرج تقابل مع المرايا عريان ولاوي عليه غير فوطة بيضا وشعرو طايح على جبهتو وعينيه حمرين بكثرة الجوانات لي ولا كيضرب والشراب لي ولا كيشرب
بالطبع فاش غايكون كيفكر غير في ياسمين لي كل نهار كيمشي يشوفها وديما تابعها بلا خبارها حتى واحد ماعارف بلي هو ما زال حي وماماتش خضع لعملية تجميل بدل وجهو وصبغ شعرو مبقاش حمزة ولا أشرف
كولشي بدلو حمزة مات داك النهار وهاد الانعكاس لي كيشوف في المرايا غير أشرف
لبس حوايجو وخرج كانت ديك الساعة الثلاثة ديال الليل كولشي ناعس وهو كيف العادة كيخرج كيمشي يتسلت ويدخل للدار لي ساكنة فيها ياسمين
غاتكونو كتسولو فين عرفها وكيفاش دخل ، راهم مخطوبين وبالطبع غايكون عارف فين ساكنة اما لكيفاش دخل
دخل من الشرجم لي مافيه لاگريااج لاشبيك وحيت الدار غير بروميار إيطاج جاتو ساهلة في التنقيزة
دخل للبيت لي ناعسة فيه لقاها مغيبة ماشي غاناعسة ياسمين نعاسها ثقيل واخا ينوض الزلزال تبقى ناعسة
ناعسة شعرها مخربق رجل في جهة ويد في جهة كرشها عريانة التريكو لي لابساه مهزوز الغطا مليوح واخيرا البيت مشقلب ، حنى عندنا غطا ليها كرشها وغطاها وجلس حداها باسها في فمها وفي راسها عينيه فينما كيشوفها في هاد الحالة كيدمعو بلاما يحس
حمزة : من الأحسن تنسايني أياسمين... مبغيت حتى واحد يقرب لك....
حمزة ناض عطاها بضهرو حتى كيشوف المرايا فوق الكوافوز ديالها معلقين التصاور
تصاورو معاها في الدار كيطيبو وكيتفرجو
تصاورو معاها برا في الزنقة
تصاورو معاها في اي بلاصة مشا ليها كيديها معاه
بقى كيشوف وساهي حتى كيحس بيها كتقلب في بلاصتها
هز تصويرة بالخف وخرج
ياسمين ضرباتها الفيقة ناضت دايخة وراسها ضارها كتحس ببحالي شي واحد باسها هزات يديها بدات كتقيس شفايفها
ياسمين : اويلي كنحلم انا ولا شنو نعسي نعسي
حمزة داز لواحد البلاصة جنب البحر كان ديما كيجلس فيها هو وياسمين
بقى جالس مقابل مع البحر وناعس فوق الرملة لابس قبية كحلة وسروال كحل كاسكيط وداير القب واخا داير عملية التجميل ومكين لي يعرفو شكون هو ولكن حيت دابا الليل معرف بيمم يتصادف
بقى جالس كيفكر كيفاش غاينتاقم من مروان بلاما يكشف حقيقتو
اما ياسمين رجعان تنعس غدا صابحة خدامة
ياسمين ماطويلة ماقصيرة وزنها عادي شعرها قصير عينيها قهويين وفمها صغيور حنيكاتها صغيورين وجهها دائري ملامحها بحال شي بنت صغيورة
خدامة في لوطيل مها وباها ساكنين في مدينة اخرى وهي خدامة في مدينة ساكنة في الدار بوحدها ومرة ومرة خالتها السعدية كتجي عندها
![](https://img.wattpad.com/cover/363631775-288-k707281.jpg)
YOU ARE READING
سميتو محفورة في قلبي 🔞🔥🇲🇦
Actionهاااااااي هاد المرة جيت وجبت معايا غير التفرشيخ والمضاربة 😂🔥❤متنساوش تخليو ليا الأراء ديالكم حول القصة ❤