سميتو محفورة في قلبي 🔞🔥🇲🇦

part 4

عند البوص نعمان جالس في الكازينو كيشري وكيسكر كيف ديما وقدامو رجالو
حتى كدخل بنتو سلوى طويلة فورمتها ماغليضة مارقيقة شعرها صفر بووكلي
داخلة كتعوج وكتمضع في المسكة ومشات جلسات حدا باها وهزات كاس شربات منو وفتحات معاه الهضرة
سلوى : بابا واش غاتبقى ديما على هاد الحالة بغيتك تحبس هدشي صافي واش غاتبقى تابعهم هاكا كل مرة صافي حمزة وعائلتو مات....
سلوى مخلاها حتى تكمل هضرتها حتى صلاها بواحد التصرفيقة خلا حنكها حمر وصباعو مطراسيين
ياسين ومروان وفؤاد مايقدرو يديرو والو
فؤاد لي ديما راد ليها البال واقرب صديق ليها فينما كيشوفها كتاكل العصا من عند باها على نفس الموضوع ولي هو بغيتك تحبس هدشي كامل كيبغي يتيري في باها كيكالمي راسو بزز
البوص نعمان: خرجي تقودي منشوفش كمارتك انا اصلن مضور بيا غير الرعاوين والباردين الكتاف حتى حاجة مكديروها مقادة خرجو عليا خرجو خرجوووو
فؤاد شد في يدين سلوى وخرجو سلوى كتشوفو مهتم بيها وديما راد ليها البال وكتشوفو كيفاش كيشوف فيها وكيفاش كيغوت عليها في كل مرة كتلبس شي حاجة مزيرة ولا قصيرة ولكن هي ماباغا دير في راسها والو حيت عارفة باها غايمحيها من الوجود
فؤاد شد في يديها وهضر بصوت غالب عليه الخوف
فؤاد : سلوى واش بيخير؟؟
سلوى : احم صافا صاقا
طلقات منو ومشات معصبة لبيتها
ونعمان كيخطط هو ومروان لخطة جديدة حالف حتى يصفيها لياسمين ويجمع معاها اي واحد كيعرفها
نعمان : ياسين : وجدتي ليا لي طلبت منك؟؟
ياسين : اه اسيدي هاهوما المعلومات
نعمان خدا الطابليط وجلس كيقرى المعلومات ديال حمزة
نعمان : اااه أشرف الاسماعيلي ___كازا (كاليفورنيا )
28 سنة ___الطول 1.90
يتيم الابوين____ هههه وعايش بوحدو
نعمان : تخلصو من هذا ليوم مانشوفش كمارتو حدا ياسمين
مروان : واخا اسيدي
نعمان : لا ماشي انت
نعمان : فؤاد هو لي غاياخد هاد المهمة
مروان : ولكن...
نعمان ناض ضرب مروان لوجهو زرق ليه جناب فمو
نعمان :  ولكن شنو ؟؟ هاه شنو؟؟؟ يكفي انك فشلتي ليا الخطة المرة لي فاتت
نعمان ضار عند فؤاد
نعمان : دير لي كلفتك بيه ليوم منشوفش حسو
فؤاد : واخا اسيدي كون هاني
فؤاد قبل مايخرج دخل عند سلوى لبيتها وهي غير شافتو تصدمات كيفاش هذا دخل بلاما يدق
سلوى : فؤاد اشكدير هنا شنو بغيتي
فؤاد : بغيت نهضر معاك
سلوى عارفة شنو غايقول ليها
سلوى : احم فؤاد من بعد ونهضرو دابا مامسالياش
فؤاد : لا غاتسمعيني دابا
سلوى سكتات ماقالت حتى حاجة مزال
فؤاد شد في يديها وبدا كيهضر معاها
فؤاد : نتي عارفاني كنبغيك بزااف وفي كل مرة كنحاول نتقرب منك كتبعدي مفهمتش علاش واش خايفة من باك حتى لهاد الدرجة
انا جيت هنا على قبل واليديا وكان خاصني ضروري نخدم في هادشي باش نعيش واليديا حتى انا ماباغيش هدشي لي كيدير باك
يلاه نمشيو من هنا ونبداو حياتنا نتي عارفة باك شخص مامزيانش قتل عائلة على قدها وقتل شحال من واحد وأبار الخدمة ديال المخدرات والروينة لي داير
سلوى : لا ماغانمشي لحتى بلاصة منقدرش نخلي بابا ونهرب معاك
اه كنعتارف حتى انا عاجبني اهتمامك بيا ولكن منقدرش
فؤاد شد وجهها بيديه وقرب حداها
فؤاد : غانرجع وعطيني جوابك المقتانعة بيه انخليك دابا تفكري على خاطرك من ورا مانرجع قولي ليا واخا؟؟
سلوى حركات راسها بمعنى اه وفؤاد قرب من فمها وخطف بوسة وهي بقات غير حالة فمها هذا واش حمق ولا مالو
فؤاد : ههه كنبغيك اسلوى
سلوى : واش عارف راك معامن؟؟؟
فؤاد عارف  الى عاق باها بلي كيبغي بنتو غادي يصفيها ليه في البلاصة شي حاجة متأكد منها
فؤاد : هه وصافي عارف عارف بلاما تفكري بزاف نتي فكري غير واش بغيتي تبداي حياة جديدة معايا ولا تبقاي هنا
فؤاد خلاها كتفكر وخرج شد الطريق نيشان لدار حمزة ___________