نور القمر وشبت النار واسال وينك طال الانتظار

البارت الاول

في الرياض وتحديداً قصر من قصور عائلة الجاسر المجلس الخارجي
مجتمعين فيه ثلاثه من عيال الجاسر ( نواف ، احمد ، ياسر )
نواف :اقول ياعيال انا ناويها سفره مين يخاوي ؟
ياسر : اي وبامر مين طالع ان شاء الله لا تكون ناسي جدي انت،  والله لو مشيت خطوه برا الرياض بدون امره قص رجولك قص
نواف : وهنا يجي دور سلطان بيضبطنا اخوي
احمد:ههههههه ضحكتي يارجال وانا ماودي اضحك مالقيت غير سلطانوه يضبطنا ذا بيحسبنا فوق حبست جدي بعد
ياسر : ليت بس يا احمد يسمعك سلطان كيف تناديه عز الله ذبحك
سلطان :وكيف يناديني
احمد :بسم الله الرحمن الرحيم من وين طلعت انت
سلطان : من الباب والحين كيف كنت تناديني ؟
احمد بخوف: ها ابد ياشيخ سلطان يا سيد اسياد عائلة الجاسر انت هههه
ياسر بهمس لنواف : قوم ياولد قبل لا اخوك يذبح ولد عمك
نواف بنفس الهمس : ليه لا يكون ولد عمي لحالي قوم له انت انا مو بايع عمري
سلطان : انت وياه بطلو حركات التهامس زي الحريم وقومو جدي يبينا في المجلس وانت يا احمد اتصل على اخوك خل يجي
احمد : من ذي العين قبل ذي بس ليه ياسر مايتصل على اخوه بعد شمعنى انا
سلطان :شغل عيال هو فهد سابقكم عند جدي قومو يلا بدون كثر حكي ( وطلع سلطان )
احمد : والله يانواف مدري كيف انت وياه طالعين من نفس البطن
ياسر:نفس ما انت ومحمد من نفس البطن اخلصو بس علي قبل يرجع ويذبحنا
في مكان خارج الدوله وبتحديد بريطانيا لندن في احد قصورها الفارهه
عبد العزيز : يانجد يانجد
نجد : ها ياعيون نجد وياروح نجد انت
عبد العزيز : ههههههه اي تعرفين تضحكين على بذي الكلمتين كل مرا صح
نجد : افا انا يا يبه
( تعريف في بطلتنا نجد وبوها عبد العزيز
عبد العزيز الابن الرابع لعائلة الجاسر وبسبب زواجه من حرمه ابوه مهو موافق عليها تبرا منه وطرده من العيله وسافر بعدها عبد العزيز مع زوجته الي كانت حامل بنجد بنتهم وقتها وبعد فتره ماتت ام نجد وهي تولدها وبقى عبد العزيز وبنته في لندن وفتح عبد العزيز شركه كبيره وناجحه هناك ونجد عمرها ٢١ تدرس ادارة اعمال وتساعد ابوها في الشركه نرجع للاحداث )
عبد العزيز : اي انت في غيرك وينك طول النهاره مالك حس
نجد : ماقلتلك يايبه اني بعد الجامعه عندي دروس دفاع عن النفس اسلي نفسي فيها شوي
عبد العزيز : هههههههه ماتجوزين عن حركاتك انتي يانجد كنك امك الله يرحمها
نجد بحزن : الله يرحمها يارب الا اقول لك يبه
عبد العزيز : قولي
نجد:الحين حنا مالنا اهل ولا اقارب
عبد العزيز بحزن : رجعنا نفتح هذي السيره يانجد
نجد : يبه انا من حقي اعرف حقي اعرف كل شي
عبد العزيز : مافي قصه يانجد حنا عندنا اهل بس ماكانو راضين على زواجي من امك وطردونا مافي شي غير هذا الكلام
نجد : طيب يبه ليه وش السبب وش فيها امي عشان يرفضونها ويتخلون عن ولدهم بسببها
عبد العزيز بغضب : نجد خلاص كم مرا قلت لك امك مافيها شي هم ماكانو موافقين وبس
( قامو عبد العزيز وراح غرفته )
نجد : انا وراك يايبه وراك وبعرف السالفه طال الزمان ولا قصر وباخذ حقنا من اي احد ظلمني انا وامي
< في الرياض وفي قصر عائلة الجاسر حيث العائله كلها مجتمعه الحريم في قسم ورجال في قسم بس القسمين مفتوحين على بعض ويسمعون بعض )
الجد جاسربغضب  :ياسر احمد نواف حنا كل شوي بنروح نرسل لكم احد يجيبكم ماتعرفون وقت اجتماعنا انتو ولا كيف
نواف بتوتر: احم والله ياجدي اخذتنا السوالف وماحسينا بالوقت
عادل : اي هذي اعذاركم كل مرا انتو
نوره وهي تهمس لنور : شكل جدك مهو ناوي يرحمهم اليوم هههه
نور: ولاعمك حتى
منال:خلاص يابنات عيب
فاطمه: هو منال شفيك على بنات ماقالو شي تركيهم
الجد جاسر:خلاص ياحريم اصواتكم واصله لهنا
فيصل:خلاص ياعادل خلاص يبه ماصار الا كل خير فوتوها لهم غلطه ومايعدونها ان شاء الله
الجد جاسر :استغفر الله اقعد انت وياه يا احمد كلمة اخوك
احمد: اي قال شوي وجاي بس انشغل بالدوام
الجد:زين
ياسر بهمس  لنواف واحمد : جدكم ذا باقي شوي ويسلسلنا
سلطان سمعهم وخزهم ( نظر لهم بحده )
الجد جاسر: اقول ياسلطان
سلطان : سم
الجد جاسر : سم الله عدوك اخبار الشغل الفتره ذي
سلطان : على مايسرك ماشي وعندنا كم صفقه ناوينها مع شركه اجنبيه الفتره ذي
الجد جاسر : ماشاء الله ووينها ذي
سلطان : في لندن
الجد:
نوقف هنا اليوم وان شاء الله لنا بارت ثاني في وقت قريب
( اذ عندكم اي ملاحظات بخصوص طريقة السرد او غيره اتمنى تكتبونها لي عشان اراجعها )