سهمت قلبي بعيونها وانا السهم ... وإلى متى يالفارسه وانا الفارس؟

الجزء الأول

كان يناظر بالقمر وهو يهوجس بالبنت الي شافها الصبح او بالأصح بنت عمه الي جات من السفر بعد مدة طالت عن ال ١٠ سنين ، كتب ابيات شعريه توصفها ....
* سهم * : سهم جابر آل عذبي ، عمره ٢٣ سنه ، شاعر ، طالب جامعه ، عمره مااعترف بزواج الأقارب ، تربي بين ام وأب دائما متخاصمين ، مريض نفسي او بالأصح اقتنع بذا من يوم كان صغير بسبب اهله وجملتهم الي دايم يقولونها له ( انت مريض نفسي )
دخل عليه شخص معه قهوه ولابس ثوب ومعه كتاب وهو يقول : يالسهم
سهم فز : ياهلااا تو مانورت جدة يالفارس
* الفارس * : فارس نادر آل عذبي ، ولد عم سهم ، عمره ٢٣ سنه ، طالب جامعه ، اخو سهم بالرضاعه ، توفوا اهله من يوم كان عمره شهر بسبب حادثه صارت لهم ، تولوا فيه ام واب سهم وكانوا يعاملونه معامله سيئة لكنه كان دائماً القوي ويوم وصل عمر ١٥ سنه راح لخاله بالرياض وصار يزور سهم كل فتره والثانيه
فارس ضحك : اجلس اجلس ، وكمل : بنورك ياولد العم
سهم : اي بالله جات بنت عمنا بهاج والله مادريت وش اسمها بس يقولون عنها ريومه الظاهر اسمها ريم
ضحك فارس : لا وانا اخوك اسمها أريام وعليها عيون تخبل
* أريام * : أريام بهاج آل عذبي ، بنت عم سهم وفارس ، عمرها ٢٠ سنه ، عاشقه الظلام والروايات والقهوه ، طالبه جامعه ، عيونها سوداء وواسعه تخبل على قولت الفارس 
وسعت عيون سهم وقال بعصبيه : يالحيوان وانت ورا ماتصد
فارس : انت شايف شكلها بلا عبايه بلا حجاب مايضر نظرة
سهم : اعقب ماتخاف من ربك انت ؟
فارس ضحك : النظرة الأولى حلال بابن العم وبعدين انت وشبلاك معصب
سهم : مافيني شي اسلم كيف الرياض ؟
فارس بهيام : الرياض وما ادراك مالرياض
سهم ضربه في رأسه بخفه : رايح فيها واضح
فارس فز : بتروح الشركه ؟
سهم رجع يناظر بالقمر  : لا 
فارس : ياخي اشتقت للزواجات والوناسه ورا ماتتزوج وتغير لنا جو
سهم : انا مريض نفسي مين بتقبل بي؟
فارس مسح وجهه وشنبه : ارحمنا برحمتك يالله ، انت ماعندك غير ذي السالفه
سهم : مو انت فتحت الموضوع
فارس : قم قم بنروح الشركه غصب عنك
سهم : ماني رايح يابن الحلال
فارس جلس وبهيام : تدري شفت لي فارسه تخبل
سهم بإستغراب : نعم؟!!
فارس أدرك الموقف : اشبلاك اقلك شفت لي فرسه تخبل تدري اني احب الخيل
سهم : بتشتريها ؟
فارس : بيصير خير ان شاء الله
في الرياض :-
كانت تلعب بفرستها البيضاء الي كانت مسويه لها شعرها ومزينتها بالسلسال الوردي والغطاء الوردي ، ردت على جوالها وقت رن : أريامممم وحشتينييييي ياخي عشت بدونك ٢٣ ساعه واحس بموت
شخص من وراها : بسم الله عليك من الموت ياجميل
لفت وهي تصارخ : يالحيوانن ورا ماتشوف شغلك بعيد عني ماعندك خوات انت ؟
عند أريام ببيت العيله في الصاله تحديدا :-
فتحت المايك يوم صرخت صديقتها الصدوقه هيام
* هيام * : هيام بدر آل عزام ، فارسه ، عمرها ٢٠ سنه ، تعشق الخيل ، غنوجه ، تحب الغناء ، طالبه جامعه ، صديقه أريام ، عايشه في بيت بعيد عن أهلها لان تعرضت ل مضايقه من احد اولاد عمها وإلى الان تلقى منه تلاحق ومضايقات
نزل فارس وسهم من السطح وقف وتجمد مكانه يوم سمع صوت هيامه تصارخ في جوال أريام
ياترا وش بتكون ردة فعله ؟
بارت تعريفي وبنفس الوقت خليته جزء عشان ماتملون 🫡🩷  قراءة ممتعه