سهمت قلبي بعيونها وانا السهم ... وإلى متى يالفارسه وانا الفارس؟

الجزء الرابع

المها : الكلبه
توليب : كلبه بس ؟
أريام : كلبه اجل ؟
فزوا المها وتوليب وصرخوا بفرحه : اريامووو الكلبه
هيام من وراهم : ومافي هيامووو الكلبه بعد ؟
توليب والمها واريام ضحكوا بصوت عالي لكن صرخوا ورفعوا حجابهم يوم دخلوا عليهم فارس وسهم
المها لثمت وجهها وتواليب نفس الشي
أريام: الله يقلعكم خرشتونا من الخرشه رفعت الطرحه على راسي وانا مو محجبه
سهم بحده : احترمي نفسك يابنت بهاج
أريام بصوت عالي : اي بنت بهاج وش فيها هااا تكلم مو محترمه ؟ إلا محترمه ونص يالمخيس
ضحك فارس بصوت عالي والجمه صوت هيام : يالكلب وراك تضحك قالت شي غلط هي ؟
فارس وسعت عيونه وهو يشاور على نفسه : تقصديني ؟ ، ثم ناظر في سهم وقال : ما تقصدني صح ؟
ضحك سهم وقال : اي بالله تقصدك
فارس : امش امش مالنا مكان هنا
قرب سهم من أريام وقال : لا ماني ماشي لين اخلص الي علي ، ثم ناظر في أريام وقال : وقعي
أريام ناظرت فيه بغباء : وش ذا
سهم حرك عينه وحواجبه على الورقه وقال : عقد زواج
أريام : وليه أوقع؟
سهم : وش رايك ؟
أريام : امش نرجع القصر نتفاهم وش السالفه
كانت اريام هاديه عز الهدوء وماكأنه في شي ولا كأنه قاعد يقول لها وقعي على عقد زواجها منه
رجعوا القصر :-
اول مادخلوا القصر نزلت أريام شنطتها وعبايتها ورمت شنطتها والمخدة على وجه سهم وقالت بهمجيه : تقولي زواج اجل ووقعي احمد ربك مافشلتك في الصالون خربت مودي الله ياخذك
انصدم سهم من همجيتها رغم أنها كانت هاديه في الصالون وللحظه صرخت أريام وقالت : تركنا هيام مع الحيطه الثانيه فارس
هيام من وراها : لا انا مو مع الحيطه فارس انا مع الغنوجه ريومه
سهم بسخريه : غنوجه الله يازمن ذي غنوجه
حطت يدها على خصرها وهي تقول : اتحمل الي جايك
فارس قرب من هيامه وابعد يدها من خصرها وهو يقول : يدك ياحلو...
ماكمل كلامه لان قاطعه كف قوي من هيام ، انصدم من الي صار وقال بصراخ : نعمم نعمم يابنت بدر ...
ماكمل كلامه لان ذي المره قاطعه كف لكن من أريام ثم قالت : الزم حدك حق عمي بدر لأن لحد هنا وكفايه
سهم : تحبينه
أريام بهيام : جداً ذا مز ويجنن و عليه شعر اشقر يجنن و و و وش كمان اي عنده عضلات تخيل عنده عضلات ومهتم بنفسه يالهوي
انصدموا كل الموجودين ماعدا هيام الي كانت تضحك وبقوه على كلام أريام وصدمه الباقين
سهم : وش جالسه تخربطين انتي
هيام بضحك : ماعليك ذي اللهجه الأرياميه احمم اقصد اللهجه المعاكسيه لكل شاب حلو  ومز
سهم غمز : ورا ماشفنا المعاكسه ذي ؟
أريام : لافاهم غلط انا اعاكس الحلوين بس ، وكملت وهي ترسل فويس كذبي : ياحلوك طلعت مز ماتوقعت
وسعت عيونه من كلامها عنه ومن معاكستها للشخص المجهول في الجوال
ياترا وش نهايه حركات أريام؟