سهمت قلبي بعيونها وانا السهم ... وإلى متى يالفارسه وانا الفارس؟

الجزء الخامس

جري سهم ومسك أريام من شعرها وهو يقول : وش خطتك ناويه تشويهي سمعه آل عذبي ؟
ابعدت يده بعصبيه : خير يالمريض النفسي جاي تكلمني
ناظر بيده وهو مااستوعب كلماتها المجرحه
حطت يدها على فمها بصدمه يوم استوعبت هي وش قالت وقالت بسرعه : اسفه والله مدري كيف قلتها بالغلط
ابتسم وقال بصوت يقطع القلب : انا الي اسف وبعدين تعتذرين ليه ماقلتي شي غلط
رفعت الطرحه على راسها وقالت : الا قلت ونص يلا يلا المره الجاية اقوى ان شاء الله
وسعت عيونه من كلامها ، ضحكت وقالت : امزح لاتشدها
سهم : وين رايحه
أريام : بصبغ شعري
سهم : ليه ؟
أريام : وشو الي ليه صاحي انت ؟ شعري كيفي
سهم : لسانك متبري منك انت؟
أريام بإستهزاء : تكفي تو ادري ، لساني يابوووي وش تبي انت ؟
سهم : روحي روحي
أريام : انا مو روح احد
سهم حط يده على وجهه : تكفين تكفين ارجعي الرياض بنجلطط
أريام : اي ان شاء الله
لسه أريام كانت بتطلع من القصر ناداها جدها 
أريام تحت انفاسها : ياليل وش يبي النسخه الاولى من سهم ؟
سهم : المره الجايه وطي صوتك
أريام : مو على كيفك
فارس تدخل : أريام خلاص احترام شوي
أريام : شوف مين يتكلم ياالي حق هيامي
فارس وسعت عيونه ونزل انظاره على هيام بسرعه وصد منها ، كانت قصيره بالنسبه له غير عن أريام الي امتازت بالطول
أريام : نعم ياجدي
الجد عذبي : تعالي يابنتي المكتب وتعال ياسهم 
أريام : ياانا يا سهم
الجد عذبي : استهدي بالله يابنتي
أريام كشرت : مو بنت احد انا
الجد عذبي ضحك : الا بنت بهاج وصفيه وبنتي انا بعد تعالي تعالي الله يهديك
أريام : طيب
دخلوا سهم واريام المكتب عند جدهم ، جلسوا
الجد عذبي : البنت لولد عمها مو كذا؟
أريام : لا مو كذا
ابتسم سهم من ردة فعلها
الجد عذبي ضحك وقال : بتتزوجينه عشان الورث بس وبترجعين الرياض وبتسوي الي تبيه بس بحدود اكيد وذا الشي مايحتاج اساس اقوله لأنك دايم بنت بهاج وتعرفين حدودك
أريام : بوافق بس لو كان فارس مو الغثيث ذا
الجد عذبي رتب أوراق كانت قدامه وقال : لا بتتزوجين الغثيث ذا
أريام : مابي الورث اتنازل عنه
الجد عذبي : بس احنا مانتنازل عنه
سهم ناظر في جده عذبي عشان يتركه يتكلم وقال سهم : أريام اوعدك مابدخل بحياتك ولا شي بس خلود ناويه على شي ماله لزمه
أريام بتفكير : اول شي مابسأل وش بتسوي لانه مالي دخل فيه وثاني شي انا موافقه بس بعد كتب الكتاب بسافر الرياض وحتى اتصال من سهم ماابغى اشوفه
سهم رفع حواجبه : زوجتي اكيد بتطمن عليك
أريام : اجل خلاص مابكون زوجتك واكيد مابتتطمن علي
سهم تأفف وناظر في جده وقال : خلاص خلاص براحتك
أريام قامت وقالت : تم اجل الحين سيبوني اخرج تأخرت على الصالون
سهم : أريام
أريام : همم
سهم : لا تصبغينه شعرك كذا احلى
تجاهلته وطلعت راحت للصالون ، مسح على وجهه وقال : جدي تكفي مابتحمل
الجد عذبي بحده : اعتبرها مابتتزوجك
سهم : جديي بتكون على اسمي وش تتوقع اسوي
ياترا وش اللون الي بتصبغه أريام؟