عيدكم مبارك. ❤️🩹
و اسمحولي ع التاخير
عند غلا...
دخل جمال و فايده نورة.... و غلا ابتسمت بس اول ما تقرب منها حطت ايدها على بطنها.... هز جمال راسه و طالعها: حبي تراها ياهل ولله ما بتسوي شي
غلا وهي اطالع ايدها: اخاف يصير نفس اللي صار
جمال: ماعليج حبي ما بتسوي شي شليها وجوفي
شلتها غلا و على طول نورة حضنتها .... ضحكت نورة و يلسو يسولفون و جي لين نامت نورة....: تعال شلها ظهري يعورنيي ابا انسدح
جمال: من عيوني قلبي....
شل نورة و عدل لغلا المخاد و حطا نورة يمبها.... :الله يحفظكم لي يارب
ابتسمت غلا : و يحفظك لنا بعد يا بعد روحي....
و فجاة انفتح الباب و الصدمة......
جمال طالع بصدمه ....اما غلا فهي كانت مستغربة من نظراته لها.... حست بشي بقلبها يقولها انه في شي غلط.... تمت نظراتها ترتد من جمال للبنت و من البنت لجمال.... و عقب نزلت راسها.... طالعت نورة و قرصتها... نشت نورة تصيح فشلتها غلا تسكتها.... و جذبت انتباههم.... : احمم شو صحتها الحين؟
قال جمال بصوت فيه ربكة.... النيرس ... ردت وهي تطالعه و ترد اطالع غلا...: الحمدلله كل شي تمام.... بس بقيس لج الضغط و بطلع ....
هزت غلا راسها بهدوء... نامت نورة بحضنها و النيرس يلست تقيس لها الضغط و هي كل شوي اطالع جمال .... اللي حاول يلتهي بفونه .... و لما خلصت ابتسمت: ضغطج شوية مرتفع ف الحين بخليهم اييبون لج الاكل و الدوا ....
غلا هزت راسها و طالعت نورة....: تبين شي قبل لا اطلع؟
غلا هزت راسها بالنفي و طلعت النيرس.... :بسير ايب البوربانك من السيارة و بي....
غلا ما ردت عليه وهو على طول طلع.... و طاحت دموعها.... اما هو فسار وراها .... سحبها لوحدة من الممرات و طالعها...: شو يابجججج هني؟
ابتسمت و طالعت : شو شو يابني حبيبي؟ ترا اداوم هني
جمال: و من متى احيدج فالفجيره ؟ و بعدين النيرس القبلية وين؟
ردت عليه :النيرس هايك تعبانه و هم نقلوني من الفجيرة لان هني محتاجيني
جمال: و ما لقو غيرج تيلسين ويا حرمتي؟
ابتسمت بقهر و تقربت منه زيادة: ليش حبيبي خايف اقولها اني اول حبيبة لك؟
