يوم الملجه
الصبح
امنه مرتبشه بالملجه و ميره من الصبح مكالمات من مدير القاعه و الضيافه و الديكورات
ميره: امي لازم نسير القاعه الان العاملات مال الضيافه وصلو و راعي القاعه محتشر ليش لين الحين ماوصلنا يارب بس يعدي هل يوم على خير
امنه : بنتي اهم شي انتي تهدين اليوم ملجج
مهره : يابنت بسج دوختينا يلسي
ميره : اي ايلس بروح البس عباتي بسير القاعه و عليا بتسبقني
مهره : بي وياج
ميره: بسرعه انزين
امنه: انتو سيرو انا بشل الفساتين و بي مع الدريول
ميره : تمام
وهم ف الدرب عيسى اتصل على ميره وهي شابكه على السياره
ميره: الوه
عيسى : حي هل صوت
ميره: هلا هلا علومك
عيسى : بخير ميره تدرين ما فيني صبر اشوف كشخج اليوم
ميره: يعني انا دوم ما اتكشخ
عيسى : محشومه
عيسى : اليوم غير خلاص انتي حقي
مهره: بس فكونه طيور الحب اليوم بتاخذها
عيسى: انتي جب
ميره: ايه لا تسكت اختي
عيسى : فديت العصوبي
ميره: بسكر وصلنا
عيسى : يله تحملي
ميره: ان شاء الله
وسكرو
نزلو شافو ترتيبات القاعه كانت تجنن و بعدين امها و عليا وصلو
عليا: هلا بالعروس
ميره: هلا ب أخت المعرس
مهره: وصلت الي تسوي الشعر و الميكب ارتستت
امنه: دخلوها
بعدين يو اهلهم الي بيجهزون وياهم ف القاعه وبدو يتلبسون و يتكشخون
وياهم اهل غانم
خلصو تجهز و الا ميره اخر وحده
طلعو القاعه و بدو المعازيم يون الي يسلم و الي مشغول يصور و الي فوق ويا ميره
طبعن ميره توتر الف
امنه: ها امي خلصتي
ميره : هي بس باقي البس الفستان ابا مهره و عليا يساعدوني
امنه : ان شاء الله
يو لبسوها و حطت الطرحه على راسها
امنه : يلا لازم تنزلين الناس يتريون
ميره: امي خلاص ما ابا اخاف
امنه: شو تخافين لازم تفرحين ها يومج
ميره: انزين
طبعن لازم تنزل من الدري و بيكون حوالينها المصورات لازم يصورون اكيد و امها و مهره بيساعدونها تنزل من الدري
صلو على محمد
صلو على محمد فوح العطر والعود ------------ في ليلة بين العين وهدبها
هذة الليلة انور نورها زود ------------- والسماء نجومها اضوت في ذهبها
كيف ماتضوى والكل حاضر وموجود ------------ شوق المحبة يلتقي في طربها
ميره ياكل الحسن فيها موجود ---------- يغار والله البدر من طلة هدبها
ميره يابنت الرجال بنت الفخر والجود --- فيكي القصايد ماتوفي سببها
عيسى ياكل الشهامة بلازود -------------- ولد الرجال والمكارم واهلها
الله يجعل ايامكم حب وورود ------------------- وسعادة يحكي بها الكون وسببها
نزلت ميره و هي متوتره يلسوها و بدو اهلها يباركولها
ساره : مبروك حبيبتي
عليا : ميرهه الله خلاص استوي حرمت اخوي
ميره: هي شعرفج عاد
عليا: خفي علينا
بعدين تصورت و يا اهلها و الحين لازم يدش المعرس
ساره : ميره بنلبسج ( ماعرف شو اسمه بس هو نفس قطعه يغطي الراس ) المهم لبسته
ودخل عيسى و ياه ابوه و عمه واخوانه و راشد ويدهم
دخل و سلم عليها و من هل سوالف
وبعدين لبسها الخاتم و هي بعد لبسته اياه
و لبسها العقد و الحلق
و هو يلبسها القعد ما عرف كيف يسكره
عيسى : ميره كيف ها يسكرونه
ميره : كيف ما تعرف تسكره
عيسى : شدراني
ميره: عليا عليا
عليا: هلا
ميره: ساعدي اخوج مب عارف يلبسني القعد
و عليا ساعدته
عليا: ياربيه مفروض كنه ندربك يا فضيحتنا
ساره: ايهه خليهم عادي دوم جي اصلن يستوي
امنه: عيسى و ميره سيرو الحجره تصورو
ميره: انزين
سارو الحجره و هم يزفونهم
تصور و المعازيم بدو يروحون خلصو تصوير وميره سارت تبدل لبست شي خفيف درس وردي حلو
عيسى : ها خلصتي
ميره: هي
عيسى: البسي عبايتج بنسير نتعشى و بردج انا
ميره: ان شاء الله
لبست و نزلت كانو كل اهلها هناك يعني اليد و اليد و الباقي
اليد: تحمل على ميره هاي الغاليه عندي
اليده: ياويلك اذا زعلتها
عيسى : بحطها باعيوني الثنتين
امه و ابوها : هله هله باميره
عيسى : بلاكم محسسني اول مره اطلع وياها
الكل : ضحك
الكل سلم وطلعو راحو يتعشون
هاي جزئية اليوم ان شاء الله عيبكم ✨
و قولولي شو تتوقعون بيستوي
أنت تقرأ
الحب يتعب من يدله
Romanceسلام عليكم هاي اول مره اكتب روايه ان شاءالله تنال اعجابكم عائلة سعيد الابوه:سعيد 50 الام :امنه48 ولدهم الكبير:راشد 23 بنتهم الاولى:مهره 21 بنته الثانيه:ميره 19 عائلة عبيد الابوه:عبيد 49 الام:ساره47 الولد الكبير: سالم23 الولد الثاني :عيسى 19 البنت ا...
