المتدينة 🤎✨🖇️

الحلقة8

اميمة
لحقت الجُمُعة راح ابي يصلي و انا تان صليت ضهر و نصت نوجد روحي هاد الخطرة لبست جبة شغل روبة معلاباليش كيفاش نفهمكم مي شابة و درت خيمار باينة و بقيت نستنا كي سمعت الكلاكصون وليت نترعد وحدي وحدي تقول عرسي جاو هكا فاتت الخطبة على خير و جازت شابة .. غدوا منداك نضت صباح ربي وجدت روحي و رحت نقرا مع لي خرجت جا لعندي واحد الطفل يقرا معايا باش يسقسيني على الكور جاوبتو عادي و رحت للدار بدلت حوايجي و رحت نعاون ماما فالشغل حتى سمعت تيليفوني يصوني رحت جاوبت و كان زينو لي قالي بلي باباه بدا بروجي و طلعت بيهم الله يبارك ربي يزيد انا فرحت للفرحة تاعو يعني صح حسيتو فرحان من صوتو شويا و ماما عيطتلي للعشا كوبيتلو و رحت نتعشا و حكيت لدارنا لي هوما تان فرحو لفرحتي 🤍
زينو
نضت الصباح على صوت الضبيح و التولويل تاع يما خرجت للكولوار نشوف يما و بابا متعانقين و ماما الفرحة ماشي سايعتها بقيت نسقسي فيهم واش كاين مي لاحياة لمن تنادي ستنيت الحالة حتى تكالمات باش عرفت
Flash back<:
كنت مريح فالدار مع يما هي تنقي فالخضرة و انا حاكم التيليفون حتى دخل لينا بابا و قالنا راني حاندير بروجي  ادا نجح نكونو من اغنى  الاغنياء و ادا فشل نكونو من افلس المفلسين يما شغل حسيتها طمعت و شدت غير لكلمة اللولة قبلت بيه بكل صدر رحب بدا بابا البروجي تاعو و نجح فيه
العودة للواقع:
بابا صراحة كانت عينو شبعانة الحمدلله و حب يتقاسم شويا من الدراهم هادو مي ماما كانت فريمو ملهوفة و حست بلي و اخييرا لحقت لواش حابة و واش قالي فريمو كان صدمة
يما : افسخ خطبتكك و اتزوج ببنت خالك

خليني نفهملكم حاجة وحدة انا خالي هدا كان مرررفه بمعنى الكلمة و يما كانت حابة تزوجني لبنتو لي هيا لينا مي يماها مكانتش قابلة علاجال حالتنا المادية زعما و انا واحد ماكنتش قابل

نهاية الجزء الاول من الكرو ياتراا كيفاش حاتخلاص على ابطالنا و اسك رايحين يتجوزو ولا نن الحكاية بدات تتعقد خلولي ارائكم و تساؤلاتكم فليكومنتار و نتلاقاو فبارت جديد من الجزء الثاني••^-^